#لعبة_الزمن
الحلقة 6
طلعت نجاح برا وكل واحد يشكر فيها كيف طالعة
فاطمة :والله خايفة اليوم نطرشقوك بعوينة يانجوحة
منى: الصلاة عالنبي على وخيتي
علا: تجمط عادية غير أنتوا مبالغين
وداد: عاد عارفينها رندة تزيد تنفخ بنجاح يالطيف تقول احني عدوينها
رندة: نجاح تعالي عامر ينادي عليك
نجاح: باهي اهو ماشيتله
عمتكم رندة مناديه عليه بلعاني تبيهم يصوروا جميع
نجاح: نعم عامر تبيني
عامر: هذي أنتي نجاح والله متغيرة لعند ماعرفتك
نجاح: ايه هذي أنا عندك حق ماكنت تشوف فيه
عامر: بتمشي للكسوة
نجاح: ايه شدوا فيا نمشي وخواتي بيقعدن وكله واتي يعني مشيي مايأثرش
عامر: باهي امشي ماقلت شي
جتهم رندة: تجري صورة صورة
عامر: صورة شني مش فاضي وراي ناس أمتى بتكبري وتعقلي حتى درتي صغار قاعدة بتهبلي
رندة: مشت قربت نجاح من عامر وواست بوضع استعداد التصوير ووقفت قدامهم وصورتهم
حالة عامر: كأنه في شي يصد فيه وكأنه يخون في عفاف مع مرته
ونجاح :حاسة بالبرود في اتجاهه لأنه الأدوار متبادلة الله غالب
نجاح: مشت داخل بدون ماتكلمه ولا تلتفتله حتى لأنه لتشوف فيه منه يخليها الدير أحرف من هكي غير صابرة ماتبيش الدير مشكلة في هالعرس وهي كأنه من يمشي على جمر
رندة: والله صور يهبلوا ياعمورة ربي يخليكم لبعض
عامر: كأنه من صب عليه مية ساخنة ضحك ضحكة صفراء وطلع طالعة الطلع روحه
وصل وقت بيطلعوا وبيمشوا في لعرب العروس الكل واتي ولابس ركبوا في السيارات
نجاح: مشت مع خوها أكرم لأنه عامر قال مانقدرش نمشي ونسيب الناس
وخوته الثانيين كل واحد رفع مرته وهجوجه
قمر: خالتي ليلى
ليلى: نعم قمورة حبيبتي
قمر: وين ماما مشت
ليلى: مشت لمرأة تو تجي حبيبتي باهي
قمر: نبي شوكولاتة باهي
ليلى: هالعادة لمعلمتلها يانجاح هيا تعالي امشي نادي عالصغار نعطيكم كلكم
قمر: فرحت مشت للصغار ونادتهم
وهكي ليلى: اهتمت بالصغار لقاعدين وأمهاتهم مهناش ومرة مرة تمشي للطبخات بالك يبوا حاجة ولغسالات الماعين كذلك مهتمة بالكل (أكيد عندكم حد في العيلة تمشي وانتي مطمنة يهنيك على كل شي )
وصلوا لعرب العروس يبيبوا وتنوير والأجواء الجميلة ونزلوا سوابيت أو بوكسات كأي مصطلح المهم متاع الدبش والقفة وحطوها وبدوا يغنوا عليها وطلعولهم العروسة لفت عالقفة فتحت القفة وجابولهم حنة حطوها في كف العروسة وقدمولهم ضيافتهم وروحوا
وصلوا للحوش
رندة: مشينا وجينا سالمين بريكة ربي العالمين
رانية: لولولولولولولي هذا وخيي ياباشا من الكياس يبان فلاشه
رندة: جيبوا الدربوكة
وداروه شوط باهي فرغوا فيه كل الطاقة السلبية
رندة: مشت لوداد وداد العصير والشوكولاتة ياهمي وين
وداد: اتصلت بعمار قال اليوم مافضاش يجيبهم عادي حتى بلا عصير
رندة: عشوي بتهجم عليها أنا شن بندير بنكر شفاشيفي أو شن بندير ياسعيدي ببرودك هذا
وداد: شافتها وكملت هدرزتها خلتها كأنها تخرف وتنبح للهواء
مشت رندة متنرفزة
علا: ليش درتي هكي وهما عابيين عليك
وداد: هو أنا من الأول بنعفسلهم فيها هي لتفتفت شن دخلني فيهم وبناسهم كان بنجيب ونقدم نعزمهم في حوشي
علا :مصدومة لكن شني يعني هي أحرف منها
أنت تقرأ
لعبة الزمن
ChickLitرواية ليبية خيالية فيها معظم الأحداث من الواقع الليبي تحكي عن زوجة حضرت جميع أنواع القدر وأقساه من لعبة الزمن
