#لعبة_الزمن
الحلقة 18
محمد: أمي وينه بوي
نجاح : مافيش مدرسة ارجعوا لمكانكم
محمد: اليوم عندنا امتحان وين بنغيبوا
نجاح: بوك ماهوش جاي كان القيت من يرفعك امشي
محمد: تو نشوف عمي أنس
نجاح: امشي بالك تلحقوا عالمدرسة وقبل مايطلع محمد: هيا فيسع أحمد نمشوا نشوفوا عمي
نجاح: وجعوها صغارها معقولة يقعدوا زي الأيتام يدوروا غير من يرفعهم
اتصل بأكرم الو أكرم صباح الخير
أكرم: صباح النور نجاح كيف حالكم
نجاح: تمام الحمدلله بنقولك يأكرم نبيك الدورلي على باص يوصل محمد وأحمد
أكرم: مش بوهم يرفع فيهم
نجاح :الدورلي أو ندور بروحي
أكرم: باهي تو نشوفلهم
نجاح: باهي مادابيك حتى غدوا
محمد وأحمد لحقوا على عمهم أنس وهو بيطلع
أنس: قاعدين أنتم
محمد: وصلنا على طريقك
أنس: باهي أركبوا لكن مش تأخرتوا
محمد: كاظم غضبه ومايبيش يتكلم
أحمد: بوي ماجاش
أنس: هز براسه وصلهم للمدرسة أمتى تطلعوا
أحمد: الساعة 1
أنس: خلاص تلقوني نستنى فيكم
محمد: حاضر
احمد: بوي وين يامحمد
محمد: مانعرفش ياحمد خلي نخشوا بسرعة وبعد نروحوا نفهموا من أمي
مشوا يجروا خشوا لفصولهم واعتدروا عن التاخير
مروة: اتصلت بنجاح لانها سمعت بعامر مسافر مع عفاف الو نجاح كيف حالك
نجاح: شن تبي يكون حالي يوم اسوء من لقبله كل يوم نقول خلاص تعودت تجي حاجة تردني زي الأول
مروة: سمعتي بعامر سافر
نجاح: للأسف سمعت وياريتني ماسمعت الصغار يستنوا فيه أمتى يرفعهم للمدرسة نتصل بعمهم يقولي والله عامر مسافر بدون مايقولي شن يحسابني بنمشي معاهم هو نساني العيلة لوراه يبوا احتياجات مواصلات
مروة: قديش عندك فلوس
نجاح: خيره
مروة: في الشهر هذا يانجاح لازم تتعلمي تسوقي صغارك مش ديما بيلقوا غيرهم أنتي أولى بيهم بعد بوهم ماشي ومش مدور حد وراه
نجاح: نشاور خوي قبل
مروة: شاوري حتى جدي المهم نبي القرار ليستاهل عامر من اليوم ماعاد عندك فيه طمع جاياتك قراية ومشاويرك من بيهم والتعليم أنا نعلمك أو تخشي عند وحدة تعلم في القيادة
نجاح: ان شاء الله نشوفه ونرد عليك
مروة: هيا مع السلامة توا
نجاح: قعدت تفكر في كلام هو فعلا كله صح صغارها ماليهم غيرها والفلوس لعندها تشري بيهم سيارة
مجد: أمي أمي هيا نبوا فطور
نجاح: باهي تو نديرلكم امشي نوض خوتك
مجد: باهي حاضر
دارتلهم فطورهم وقعمزت تفطر معاهم
قمر: ماما وين بابا
نجاح بابا عنده شغل
أمجد: شغل وين
نجاح: عنده سفرة في شغل ومش عارفة قديش بيقعد تمام
مجد: باهي ليش ماودعناش
نجاح: كلموه متأخر يالله لحق وتى دبشه وطلع مالحقش يودعكم
مجد: قبل نبي بيروات وكراسات للمدرسة وشنطي نشركت
نجاح: تو نكلملك خالك أو عمك يجيبلك افطر وأنت ساكت
فطرتهم وجي الوقت وسقدتهم باهي لعندهم باص هدوما كمهذا شن كنت نديرلهم وخشت داخل شافت تلفونها تتصل بأكرم لا وقررت تتصل وأخيرا
نجاح: الو أكرم
أكرم: نجاح
نجاح: فاضي اليوم تجيني
أكرم: خيره عندك مكان أو مشوار حد مريض
نجاح: لا كلنا كويسين بس نبيك تجي تو تفهم
أكرم: باهي ان شاء الله
أنت تقرأ
لعبة الزمن
Literatura Kobiecaرواية ليبية خيالية فيها معظم الأحداث من الواقع الليبي تحكي عن زوجة حضرت جميع أنواع القدر وأقساه من لعبة الزمن
