لعبة الزمن

لعبة الزمن 10

#لعبة_ الزمن
الحلقة 10

[ماتستغربوش بطلبات نجاح لعامر لأنه بيستاهل تعرفوا ليش لأنه لما ينزل من قيمتك وزايدات فلوسه ويبي يتزوج عليه اطلبي طلبات لماحصلتيهن وردي حقك وخليه يتزوج لأنه هو في الأخير بيتزوج بيتزوج اضمني مستقبلك أنتي وصغارك حوش ملك ليك وليهم مايجيش يوم يطلعك منه مؤخرك في جميع الأحوال من حقك تاخديه وطلبها الرابع كانت تبي أثاث لأنه زي مادكرنا من نهار حولت ماعاد شرالها حاجة خلها تغير وتجدد وتفلس بيه بعد ماياخد كله ماشي لمرته الجديدة وبياخدلها شقة وبيأثثها مش حيخليها عالزليز هذا كله وشوية]
(كانت رسالة مني لأي زوجة أو أم تشوف خيانة زوجها أو يبي يتزوج عليها وحارمها من كل شي وبعدين طلع داس فلوسه بياخد بيهن وبيدلها ويقول هذا وين تزوجت)

نبدو بحلقتنا الجديد الحلقة العاشرة
في هذا اليوم كان عامر في المربوعة زي ماطلبت منه نجاح ماكانش حاط أي توقع منين بيجيب مؤخرها أو فرش لحوشين هذا غير كان يبي يقسم الحوش وتمت الحكاية طلعله في كتيبة الحوش باسمها يتدكر في شنطة الذهب لاعطتهله عشان يبني بيه وصله للسقف بيهن ويتدكر كيف قعدت عايشة على خبزة واميه والفم ساكت والأربعين ليرة في وقتنا هذا يجيبلك حوش بحاله

نجاح: هيا نوضوا خلى نمشي نديرلكم الغداء تمام 
مجد: ماما بابا بيسيبنا صح زي ماقال أحمد على أم وبو صاحبه
نجاح :تلفتت لأحمد خيرهم أهله صاحبك
أحمد: انه بوه تزوج على أمه
نجاح: عجزت عن الكلام شن بتقوللهم لأنه في الأخير بيأثر عليهم صغار مافيش حد ثاني ... لا بس بيحول في حوش ثاني واحني بنسكنوا بروحنا
مجد: باهي ليش مش معانا بابا
نجاح: مرات يصير نزاعات بين الكبار والصغار مادخلهمش صح الكبار يعرفوا ويتفاهموا
أمجد: يعني بابا ماعاد يحبنا صح
نجاح: لا بالعكس يحبكم هلبا وبالأمارة اليوم قالي خلي الصغار يرقدوا في مكاني مش مايحسسوكش بغيابي مش محمد سمعته
محمد: كان يشوفلهم وبس من غير كلام وكان حاس بالموضوع في زواج ومراة ايه صح
نجاح: هيا نوضوا ضموا مكانكم ونديرلكم غداء ونحكيلكم حكاية شن رايكم
كلهم: نبوها توا
نجاح: قلنا بعد الضموا معاي ونتغدو
قمر: أنا بنلعب مانبيش ضامة

في المربوعة بجنبهم مقعمز في المربوعة ويسمع في صوتهم وحاس روحه زي الكلب محدوف تشبيه هذا شوية فيه اتصلت عفاف وهو لما يتصل بيه يكون في حال يتغير بحال ثاني الو
عفاف: خيره حبيبي زعلان
عامر: نجاح طلبت الطلاق اليوم بعد ماعرفت أني بنتزوج
عفاف: فرحت قريب دارت عرس عادي وأنا مانبيش يكون عندي ضرة
عامر: بس حتى هذي مرتي
عفاف: مرتك مش نفسها لكنت تحكي عليها ومش طايقها أو غير وين صار الموضوع جديات بتتراجع والله ياعامر لو مالدير لنبيه والطلقها لما نوافق على صاحب خوي ونفوتك
عامر: راجيني هالأسبوع لما ندير حل بس أنتي عارفة موضوع الموخر حقا من وين بنجيبه ليها
عفاف: ليش هي قديش مؤخرها
عامر: 40 ليرة حقا بالفلوس وين يديرولي شارع في البحر
عفاف: يعني نجاح تبي تخليك عالحديدة عشان تشوفني نقبل بيك أو لا
عامر: نجاح ماتفكرش هكي مستحيل
عفاف: تو أنت تشكر فيها قدامي معقولة للدرجة هذي هاينة عليك
عامر: عفاف بديتي تغلطي هلبا فيا ياعفاف
عفاف: أنا نفكر فيك ياعامر تي من وين بتجيب حقه كله
عامر: يصير خير هيا توا لازم نسكر وبعدين نرد عليك
عفاف: تمام مع السلامة

خش عامر: لنجاح نجاح
نجاح: نعم
عامر: تعالي برا للمربوعة مانبيش الصغار يسمعوا
نجاح: عطتهم الصغار غداهم هيا تغدوا تو نجيكم باهي وطلعت لبرا
عامر: أنا موافق على كل شي لكن إلا المؤخر هلبا مانقدرش ندفعه كله
نجاح المطلوب يعني
عامر: نعطيك حتى 10
نجاح: نفكر ونرد عليك لأنه هذا فيه استغلال زي ماكنت مستغل طيبتي
عامر ليش تغيرتي أنتي ماكنتيش هكي
نجاح: ماغيرنيش حد غريب لغيرني من فيا البركة فيك
عامر: شن قصدك أنتي أنا في شن غيرتك
نجاح: أنا كنت ماشية بقلبي لكن توا خلاص من اليوم وماشي هذا حالي بعملتك هذي فتحتلي عيوني ووداني بارك الله فيك
عامر نجاح خلاص بلاش صماطة
نجاح: تو معقولة ياعامر ليا عايشة معاك قريب في 14 سنة في الأخير نطلع هكي أمس أو اليوم شفتني وطلعت عورة وماننفعش أنا ماعاد متنازلة على شي كله نبيه كامل وواصلني غدوا جيب المحامي تسلملي الحوش لفنيت عمري فيه لمفروض كانوا أحسن أيام لأنه ماعاد عندي فيك الأمان نتوقع يوم من الأيام الطلعني بلا شي
عامر: أنا مستحيل ندير وأنا مانبيش نطلقك نبيك على ذمتي
نجاح: وأنا مانبيش على ذمتي واحد خايني وأنا راقدة على وداني والميه تجري من تحتي ومطمنة عاد نقول راجلي مايديرهاش لكن لا طلع دايرها ومالاقات وحب وعشق في الشركة ليخدم فيها لعنة الله عليك ندمت على أي يوم تحملتك فيه ندمت على عمري ندمت على صحتي توا سلامتك تتهنى في عيشتك الحلوة لما حصلتها معاي ان شاء الله تلقى الراحة مع غيري الريحة الحلوة والعطور والزهور والشعر القنين والمساوي طلعت وسيباته 
وخلاته محروق ومقهور

كمل اليوم جميل وحلو ومبرد على قلب نجاح ردة اعتبارها وكرامتها في هاليوم خلال 14 سنة فاتت لهو ناسيها
ومحروق وحاله بالويل على عامر

في اليوم الثاني ناضت الصبح بكري سخنت للصغار الخبزة ووتتلهم الفطور فطرتهم بعدها سخفت على عامر لكن بعدين قالت تو تفطره عفاف في العمل عادي يهون كيف ماهنت
جهزوا نفسهم الصغار وطلعوا القوا بوهم يستنى فيهم في السيارة عشان يوصلهم
عامر :فطرتوا
أحمد: ايه فطرنا
محمد: بوي أنت وين كنت
عامر: كان عندي خدمة كيف روحت
محمد: اها باهي
وصلهم للمدرسة وامشي للشركة
خش للمكتب شوية وجاته عفاف: حبيبي وحضانته
عامر: اهلين بحبيبتي كيف حالك
عفاف: بخير
عامر: عازمك عالفطور تمشي معاي
عفاف: حطت ايديها وراء رقبته بدلع اموافقة
عامر: مات من حركاتها ويبي ياحنة وحدة تدلع وهذا ليبيه ... هيا نمشوا مطعم قريب من هنا

عفاف: خشت تجري
مروة: وين ماشية
عفاف: عموري عازمني ياحنة اقعدي انتي مطمورة وطياح السعد
مروة :تكمل خدمتها نقعد مدمورة ولا ندمر حياة ناس ونخرب بيناتهم خيرني شن دايرة في عمري
عفاف: على كيفك اقعدي عنسي ياحنة
مروة: شن اسم مرته قلتيلي
عفاف: شن تبي فيها
مروة: سؤال لأنه حسيت اسمها مار عليه
عفاف: نجاح #### بعدم اهتمام وطلعت فرحانة بطلعتها مع حبها فرحتها مش عاطيتها لحد
مروة: والله الاسم هذا مار عليه نجاح نجاح 🤔 فتحت تلفونها تمشي فوق تحت تقلب في التلفون وهي تراجع في داكرتها ناضت تدكرتها نجاح ### صاحبتي لفي الثانوية القيتها بس بعدها رجعت قعمزت بأسف على صاير مع نجاح قررت بعد الدوام تمشي تشوف عنوان نجاح بالك توصل فيها تنبهه على صاير

وصلوا عامر وعفاف للمطعم لعمره في حياته ماتدكر نجاح حتى حاجة من مطعم
.
.
.
يتبع