#لعبة_الزمن
الحلقة 29
جيتك يالبحر قلبي عامر حكيت حكاية وجيتك يابحر نشكيلك همي يالي غامرني وصلت لنهاية عمري
هذا حالة نجاح وقفت قدام البحر وتنفست بعمق حلو البحر يشرح النفس ومعاه تنسي همومك تلفتت شافت الأولاد يلعبوا والكبار ينضموا في الطاولات
محمد: تلفونه يرن ورندة مراقبات من تحت تشوف فيه من يتصل بيه هو سكر عليه وداره تلفونه صامت
رندة: من يتصل بيك
محمد: رندة شن قلنا على هالمواضيع
رندة: خرابات البيت كاترات
محمد: رقم ومارديتش عليه حتى الردان في أي خدمة أخرى
رندة: لا مشت بحداه قعمزت بحدا رانية ونجاح ونورة
رانية: راك تسيبي الراجل في حاله وأنتي قريب تربطيه في سلسلة في رجله
نجاح: اربطيه يارنيدة مادام قاعد في يدك ماتخلي من ياخده منك
رانية: حسستوني كلاب حشاهم مساكين
رندة: فيه وحدة يومتها القيتها تتصل بيه وتقول محمد رد عليه استاحشتك وبعد هاللي سمعته مازال تبيني نقعد مقعمزة ونراجي نين يجيبهالي ضرة وبعدها نرقصله ونغنيله
رانية: لا مادام فيها قصة مراة اربطيه ماعاد تخليه حتى يطلع
رندة: ان شاء الله مايطلعش يكلم فيها وديني مانعبد ماني راحماته لا هو ولا غيرها
رانية: ربي يعينه خايف مش عارفاتك أنا شن درتي في حمواتك زمان عشان مايبوكش ويبوا يلصقوله بنت خالتهم
نجاح: اسأليني أنا تجيني ونابتات فيها قرون
نورة: بينهم مقعمزة حالة استماع بس قصص غريبة عليها أول مرة تسمعهم وهي تعتبر جديدة عليهم
رندة: الحمدلله توا فكني شرهم لا عاد يجوني ولا نمشيلهم وباعتلي ربي عمة تفتح النفس ودادة وفزاعة ماعمرها خلتني بروحها وواقفة مع الحق لحد الآن ماجي بينا زعل
رانية: ايه والله ريتها عمة كل حبيب
رندة: أنا شفت من عمتي كيف وقفت معاي وفزعتلي زمان وتوا بنفزع في نجوحة مستحيل نخلوا لنحبوهم يعانوا والله لدقته أنا ماتوديه لعدو
نجاح: ربي يباركلك فيها ويحفظهالكم
نورة: ربي يحفظهالك واضح الحب بينكم أنتي ومحمد مستحيل يخونك لأنه اللي يقعد بين خواته ومرته عشان ياخدوله بنت خالته واختارك أنتي مش حيسيبك ولا يبدلك
رندة :تسلمي نوارة
نورة: زي أنس ديما هو ينادي فيا نوارة
نجاح: هههههههه صدق أسهل من نورة
رندة: سلم وخيي ديما زيي
محمد: عمي أنس هيا مش قلت بتعلمي كيف بنعوم
أنس: أمتى صار هالكلام
أحمد: حتى أنا قلتلي باهي
محمد: تعال معاي أنا تو نعلمكم عمكم أنس هذا باير ومايعرف يعلم يزلبح فيكم
محمد: عارفة حتى أنا
مشوا للبحر ومعاهم محمد راجل رندة
بدي يعلم فيهم في مواضيع العوامة ماليناش بيهم دخل
عفاف: عامر نبي نمشي البحر متت من القبلي
عامر: لا
عفاف: أنت من وين أمس مشيت لأختك وأنت قالب وجهك أنا شن درتلك
عامر: أنا مايغيرني حد
عفاف: باهي نبي نمشي
عامر: بعد مانفختله راسه قاللها باهي
رفعها للبحر ومن قلة المصايف مشوا للمصيف لفيه العائلة السعيدة خدوا كراسي وطاولة ومشوا للشط قعمزوا
محمد وأحمد كانوا يعوموا مش لاهيين
أمجد ومجد عالشط يعوموا مهددتهم نجاح يقدموا نهاراتهم حرف على روسهم
وقمر وقدر وصغار رانية ورندة مدايريلهم ألعاب متاع الرمل يلعبوا بيهم
أنت تقرأ
لعبة الزمن
Chick-Litرواية ليبية خيالية فيها معظم الأحداث من الواقع الليبي تحكي عن زوجة حضرت جميع أنواع القدر وأقساه من لعبة الزمن
