#لعبة_الزمن
الحلقة 14
في الصباح اليوم التالي: ناضت نجاح بكري نوضت صغارها وخدت حوايجهم متاع المدرسة ومتاع الحوش ورفعتهم برا ونوضت بناتها ليبي دوش وليبي تمشيط تغيير وطلعتهم كلهم وجهزت الفطور
قمر :ماما أنا نبي نرقد
نجاح: افطري وبعدها ارقدي باهي ماما
قمر: هزت وقعدت تلعب مع مجد وقدر
مجد: هيا ماما أنا جعان
نجاح: باهي اصبر لين بوك يجيب الخبزة
أمجد: أنا ماعاد نبيه بابا
نجاح: لا يأمجد هذا يقعد بوك فاهم عليه أو لا تعامله زي ماتعامل فيا أنا وإلا نهارك أسود على راسك والكلام للكل وشبحت لمحمد وأحمد
محمد وأحمد: حاضر
نجاح: مش إذا كان احني متفاهمناش معناها هو ماينفعش هذا بوكم تحترموهم وتقدروه حتى الناس بعدها تحترمكم وخلوا سيرتكم على بركم مسك ماتتكلموش عليه كان بالباهي حتى لو هو العكس الأب تاج ينحط فوق الراس خلوا كلامي هذا حلقة في ودنكم قبل ماتتكلموا أو الديري أي ردة فعل مفهموم كلامي أمجد
أمجد: هز براسه مفهوم
نجاح: محمد وأحمد
محمد: مفهوم
أحمد: يعني بنعيشوا بروحنا زي صاحبي بوي بيسيبنا
نجاح: لا تو كل تلقوه هنا وقاعد معانا
سمعوا صوت سيارة بوهم جروا الصغار لبوهم ومن ضمنهم أمجد
نجاح: ابتسمت انه مهما يصير ومهما يدير عامر هذا بوهم لماعندهم حد غيره مهمتها صعبة لازم تزرع حب بوهم في قلبهم في الأيام الجاية وتهون عليهم غياب بوهم وهي تبي من يهون عليها
شوي وخشوا بالشكاير حاجات الفطور والخبزة وشكارة فيها شوكولاتة ليهم
مجد: ماما شوفي بابا جابلنا شوكولاتة
نجاح: شفتوا ماتنسوش بوكم لهو مش ناسيكم صح
عامر: كان يسمع فيهم ومبتسم ومشي جاب العمال وجي ودخلهم للحوش ورفعهم للمطبخ وقاللهم شن يديروا ومشي للمطبخ شن الفطور واتي
نجاح: العمال جو
عامر: ايه ثلاثة
وتت نجاح سفرة للعمال وسفرة ليهم ومدتها لعامر رفعها ورجع للمطبخ عشان يفطر معاهم قعد يشوف في نجاح ويقارن فيها بيوم لفطر فيه مع عفاف يقارن في الشكل طبعا رد بالكم تحسابوه مال لنجاح طبعا لا لأنه يقارن فيها بعفاف عشان عفاف الوجه الحلو ونجاح وجه المرهق من قلة الاهتمام وعفاف زي ماقال وجه ليفتح النفس وجه نجاح وجه مافيه حياة
نجاح: عامر
عامر: ها شن فيه
نجاح: هيا افطر وأنتم من بكري مسهم وقت عليكم عالمدرسة وخدمتك
عامر: باهي هيا بسرعة يأولاد افطروا بسرعة مش تبدلوا
فطروا ولبسوا وطلعوا
قعدت نجاح: في كساد قبل عالأقل عندها عندها مالدير في الحوش توا مكسدة ونحبست ... طلعت الصيانة مش ساهلة شافت للصغار القتهم كل واحد واخد وسادة وراقد غطتهم وفتحت تلفونها فتحت على صورة عامر هو وعفاف كيف واضح عليه الحب ليها في عيونه تنهدت بألم بتنهيدة طالعة من الأعماق طلعت منها وفتحت عالاتصالات اتصلت بأكرم ... الو أكرم كيف حالك
أكرم: اهلين كيف حالك نجاح
نجاح: تمام الحمدلله بنقولك يأكرم لو بعدين فاضي تجيبلي الشهادة متاعت الثانوية
أكرم: شن بالديري بيها
نجاح: هههههههه بنعلقها قدامي وبنتفرج عليها شن بندير بيها يعني بنرجع بنقرا
أكرم: عامر عنده علم بالموضوع
نجاح: عنده علم
أكرم: باهي ان شاء الله لو فضيت في العشية نجيبهلك
نجاح: تمام ان شاء الله في أمان الله وسلملي على فاطمة
أكرم: مع السلامة يوصل
أنت تقرأ
لعبة الزمن
ChickLitرواية ليبية خيالية فيها معظم الأحداث من الواقع الليبي تحكي عن زوجة حضرت جميع أنواع القدر وأقساه من لعبة الزمن
