#لعبة_الزمن
الحلقة 33 والأخيرة
الجزء الثاني
احكيلنا ياوقت شن داسلنا ... زعما نفرحوا والا الهواء يشغلنا
زعما خير أو شر يستر ربي ...احساسي قوي ويقول ودي معبي
الإنسان مهما طغى في هالدنيا سيوره في يوم يطيح ويطيح طيحة سودة ماتودعها حتى لعدوك
فإن لا ينسانا لاينسى من ظلم ظلماً إن الله يمهل ولا يهمل
هناك نوع من البشر يحتاجون استحمام من الداخل لان رائحة خبثهم تفوق رائحة اجسادهم النتنه ..!!
روح عامر: بعد ماحبسوا الولد وخبر على آمال ومازال يتوعد لمعاد وعفاف في عملة أكبر
وصل الحوش وفتح الدار على عفاف القاها نايضة
عامر مشي حدفلها شيشة امية وفردة خبزة وسكر عليها الباب وطلع
شاف تلفون عفاف يهز محطوط عالهزاز شاف الاسم القاه معاد وبجنبه قلب هو هذا كله وقاعد مافتشش التلفون مازال فيه صدمات ثانية بيحصلهم عمكم عامر حيذوق لمرار لذاقاته نجاح مر متل العلقم سكر. على وجه الخط
معاد: شاف للتلفون طوط طوط تو نوريك ياكلبة عفاف انا تسكري وجهي
عامر: كمل تفتيش التلفون خش عالرسايل لبينها وبين معاد
عفاف: بجنبي عامر مانقدرش نكلمك حبيبي
معاد: دبري نبي نكلمك ونسمع صوتك الحلو
عفاف: تو نمشي للصالة ونكلمك
في تاريخ ثاني :
عفاف: معودي وينك شن صار في البضاعة
معاد: اهو جاي اليوم لما توصلني نجيك
عفاف: تمام حبي نستنى فيك
في وقت آخر:
معاد: أفتحي الباب أنا قدام الشقة
عفاف: حاضر معودي
في تاريخ ثاني:
معاد: اليوم وينك حبي
عفاف: اليوم عامر قاعد مانقدرش نطلعوا
معاد: نبي فلوس اليوم
عفاف: من وين بنجيبهالك
معاد: خودي من الهبل لمعاك
عفاف: أنا خنبت مرة ساد
معاد: مافيش ممنوعات
عفاف: قديش
معاد: 5
عفاف: هلبا بيشك
معاد: قلت 5 تزيدي شوي ثاني يقعدوا عشرة
عفاف: باهي خمسة
معاد: نجي غدوا لما الحمار في العمل وناخدهم وياويلك ياسواد ليلك نلقى دينار واحد ناقص
عفاف: باهي
مصائب نجاح بجنب عامر ولما قرت الرسائل وصدماتها ماكانتش بقدر صدمات عامر هي صدمتها يخون فيها وتكلم عليها أما عامر فعفاف تخون فيه وتكلم عليه وتخنب فيه
عامر: ماعاد تحمل يقرا بكل صدمات تلقاهم في اليومين مستعدات يدخلوه في المستشفى غيبوبة ماعاد ينوض منها
اتصل بيه المحامي اسمه رمضان: الو عامر كيف حالك
عامر: الحمدلله على كل حال
رمضان: اليوم وصلتني ورقة توقيع طليقتك وطالبة فيها المؤخر والنفقة الأطفال
عامر: حاضر كل شي يوصلها
رمضان: تمام لازم تجي توقع حتى أنت والجلسة بعد يومين
عامر: تمام نظم امورك وكلمني أكدلي عاليوم الجلسة
عامر: أنا مانستاهلش نقعد مع إنسانة زي نجاح لأنه هي صانتني أنا وصغاري وحوشي بس ماكلفتش نفسي نردلها شوي من لدير فيه على خاطري لا أنا زدت جبت عليها وحدة ثانية وخليتها من غير فلوس ومن غير حد يهتم بيهم لا سيارة توصلهم ولا شي ونزلوا دموع لعلها رحمة من الله وتكفير عن ذنبه لارتكبه في حق نفسه قبل عائلته ذاق من نفس الكأس لكان أكثر سماًّ وفتكاً من أي سم آخر
أنت تقرأ
لعبة الزمن
Chick-Litرواية ليبية خيالية فيها معظم الأحداث من الواقع الليبي تحكي عن زوجة حضرت جميع أنواع القدر وأقساه من لعبة الزمن
