#لعبة_الزمن
الحلقة 21
بعد مالعبوا الصغار مشوا لأمهاتهم تغدوا وبعد نهار طويل روحوا وكان قريب المغرب وصلوا للحوش غيروا حوايجهم ودوشوا
محمد: أمي فيه رقم يتصل بيا
نجاح: رد شوف من
محمد: الو السلام عليكم
ص.م: أنت محمد عامر ...
محمد: ايه تفضل أنا
ص.م: من أمس ندور علي رقمك راح مني الزبائن يسألوا عالحلويات تبعكم غدوا نبوا طلبية للمحل ياريت تكون عندنا غدوا
محمد: تمام حاضر تو نخبر أمي تخدمهم
ص.م: ربي يعاون مع السلامة
نجاح: شن صار محمد ماعاد يبوا
محم:د تي شن مايبوش الناس مداير هجوم عالمحل تبيهم من أمس غير الرقم راح منه ويبي غدوا طلبية الحلويات
نجاح: فرحت قول والله نمشي نعجن بسرعة (تأتينا لحظات نكونوا نريد أن ننام فقط ولكن بعدها تأتينا فرحة تجعلنا نرقص بسعادة )
هذا حال نجاح: كانت تعبانة نفسيا وجسديا وعقليا من اليوم الطويل وتبي ترقد وبس بس باتصال واحد خلاها في قمة النشاط هي وصغارها لمشوا يعاونوا فيها
كملت عجن العجاين وخلتهم يرتاحوا ودارتلهم عشاء
محمد: شن بالديري بيهم الفلوس لما بنبيعوهم
نجاح: المرة هذي بندسوهم نصرفوا بيهم أول مرة شرينا بيهم ومتعنا رواحنا المرة هذي نشروا بيهن حاجات للحوش تمام
أحمد: نبي شوكولاتة باهي أنا
نجاح: حاضر كل واحد طرف بس
أمجد: عادي قابلين بيهم
نجاح: خلاص تم هيا نوض أحمد أغسل الماعين بنبدا نخدم
أحمد: وخيره محمد
نجاح: محمد بيطيب معاي مش صح محمد
محمد: ايه أنا بنطيب مع أمي وأنت بعدين تعال دير معانا
أحمد: اووووف باهي رفع الصفرة وغسل الماعين زي لوليد الشاطر
وبدت نجاح: تكركب وتستف وبدأ العمل
عند عامر: كان طول اليوم بره طايرتله من نجاح ومن كل شي روح للحوش كان متوقع يلقى عشاء وعفاف تستنى فيه ولابسة ومكيجه روحها
لكن للقاه العكس لابسة بجامة ومقعمزة تتفرج عالتلفزيون
عفاف: وينك حبيبي من بكري نرن عليك
عامر: قعمز بجنبها وغمض عيونه بألم فيه بنادول
عفاف: ايه فيه تو نجيبلك
عامر: خدي الحبة وين العشاء نبي نرقد
عفاف: حاضر تو نجيبلك
جابتله صفرة وحطتها قدامه وقعد يشوفلها ويشوف للصفرة هذا شنو
عفاف: هذا عشاء شن ماتشوفش فيه
عامر: قاليتلي طشة دحية وتقوليلي هذا عشاء ومسه بيده لا ومسقع من أمتى مدايراته
عفاف: والله ياحبيبي مافضيتش هذا متاع الغداء لما ماجيتش جبتهلك توا
عامر: أنا قاعد على لحم بطني من امبارح نروح نلقى عشاي دحي تي حتى الفطور مافطرتش دف الصفرة وناض كوليه أنتي عشاك هذا
عفاف: أنا مش متعودة عالتطييب ولا نعرف نطيب تبي عشاء جيبه معاي واتي من غير هكي ماعندي مانديرلك العشاء مادرته لروحي مش بنديرهلك أنت
عامر: تنهد تنهيدة طالعة من وسط خاطرة ومشي رقد هو لولا الميه والعصير والحاجات زي هذي راهو صارله هبوط ومشي رقد
نجاح: للساعة 3 ساهرة الطيب في الحلويات لتبي تسلمهم غدوا
محمد: أمي خلاص بنرقد
نجاح: امشي ارقد حبيبي نكمل الطاجين هذا وباقيته نكمله غدوا الصبح
محمد: امالا نقعد معاك لعند تكملي
نجاح: ابتسمت وكملت الطاجين وراجت طيباته وهي خلاص تفتح في عيونه بصعوبة ومحمد رقد وهو مقعمز
نجاح: ضحكت عليه ... محمد؛ نوض وليدي ارقد
محمد: لالا أنا مارقدتش
نجاح: خلاص قاومت معاي حطيته في الكوشة نراجيه يطيب وبنرقد خلاص أنت ارقد وتريح
محمد: باهي أنا ماشي تصبحي على خير
نجاح: وأنتي من أهل الخير حمودي
أنت تقرأ
لعبة الزمن
Чиклитرواية ليبية خيالية فيها معظم الأحداث من الواقع الليبي تحكي عن زوجة حضرت جميع أنواع القدر وأقساه من لعبة الزمن
