#لعبة_الزمن
الحلقة 4
روحت عمتك نجاح من المزين وهي وحدة ثانية شعر للونها يمكن أول مرة في حياته يشوفه شعره وعمكم عامر يشوف فيها كيف متغيرة عاد لكن ضروري من رسالة الدكره بالواقع وبمن معجب وفي من يكلم
عفاف: شن روحت الهانم
عامر: ايه كيف روحت بيها
عفاف: اها وتقول فيها ومش عاجبها الجو قريب تقوله حتى الرفع ماعاد ترفعها ماصح خليقتها والله
نجاح :عامر اليوم بيجوا أهلي
عامر: باهي ويجوا
نجاح: لا بنخبرك بس لأنه بنظموا الحوش لأنه من غدوا قالوا بيجوا أهلك بيباتوا
عامر :غير يبدا العرس هو
نجاح: شن بنلزهن ونقوللهن ماتجنش هما مفروض عارفين الظروف صغار قراية مش عارف كيف بنديرلهم
عامر: ارفعيهم للثلاثاء والاربعاء والخميس غيبيهم
نجاح: ان شاء الله
عامر: قعد هايم فيها في شعرها وقصة شعرها والحنة
نجاح: هيا أنا بنمشي نبدأ نظم مابين ماجو
عامر: باهي امشي
جو خواتها وهداكا الحوش لا تعرفه حوش ولا مخزن ولا أهله مدايرين انتقالة ولحقت عليهم فاطمة
فاطمة: نجاح شن بتغيريهم بساطاتك تو يتمسخوا
نجاح: ماعندي مانفرش في مكانهم وهنا تبهدلن
فاطمة: تو نبعتلك أكرم يجيبلك بساطين عندي فرشيهن بساطاتك مازال يعاننك تو يمشن في الترفيس خسارة
نجاح: باهي كلميه
كملوا هداكا الحوش وحولت حوايجها في دار وخلت الباقي فاضيات
ليلى: دارك النوم ردي بالك تخليها مفتوحة عارفاتك تهزي في راسك وتفتحي ليجي
ليلى: أختها واعرة وبعد نصايح لنجاح وتهديد وان شاء الله نجاح تفهم وماتهزش راسها على قولتها
من اليوم الاثنين الحموات والسلفات درسوا عند حوش نجاح عاد هما من غادي يجوه يابال فيه المناسبة وهذاكا الحوش يحفر ويعور
الحموات وصغارهن خدوا دار والسلفات وصغارهن خدوا دار
وجن العشية خواتها ومرت خوتها
ليلى: حالفة ماتجي حتى هي وتبات زيها زيهن حتى هي حوش أختها وعارفة أختها ماتهنيش
ليلى: جابتها الحلويات وخلصتها نجاح حقهم
رندة: شن نساوين خوتي ان شاء الله غير لقلتوا عليهم جبتوهم راهو عابيين عليكم وداد شوكولاتة والعصير وانتي ياعلا قلتي حلو بيفرقوه الثلاثاء صح
وداد: ايه قلنا وعند كلمتنا خايفين نجوبوهم اليوم ياكلوهم مانلقوا مانعطوا
رندة: وهي التمتم كان مش أنتي والهايشة لبجنبك مندري
وداد: شن قلتي
رندة: ماقلت شي كلهم مدايرين وجايبين ماشاء الله مش صح ليلى
ليلى: بتأكيد كلامها صح الصح وداسة ضحكتها
رندة وليلى أحرف من بعض وحيتفاهمن هلبا مع بعضهن
وداد: أنا قلت لعمار يجيبهم الأربعاء الصبح ايوا جابهم ماجابهم مادخلني فيه
رندة كيف بتتكلم رانية : خلاص رندة امشي نشوفوا نجاح: بالك بالدير حاجة
رندة: باهي هيا وهي تحلف وتحنت
رانية: نجاح شن بالديري
نجاح: وصيت عامر على حاجات بندير العشاء وبكري الجارات كلمني قالوا لو بتبدوا في الشوار بنجوا بنشوروا معاكم
رندة: غالي عليها الأعراس وهالأجواء كلمي كلمي بالك عندهم حتى درابيك خلى يجيبولنا خلى نقيموها الليلة ونفرغوا لفي قلوبنا
نجاح باهي ان شاء الله
كلمت نجاح جاراتهم مش يجوها في الليل
بدت أجواء الأعراس الليبية
عالة الشاهي منصوبة في تركينة وعليها مرأة ترغي في الشاهي ووحدة تمد في الشاهي وحلويات الشاهي
والتانيين في المطبخ يطيبوا في القهوة ومدوها وجابوا الدربوكة
على أول مانبدا ونقول عالصلاة عالرسول
رندة: فرحانين قريب نطيروا هذا آخر عرس نديروا
رانية: سلم خويا ومراته هو باهي وهي زاداته
💃💃💃وكملوا باقي عرسهم بروحهم سادهم عطيتهم أغنيات من عندي 😂
روحوا الناس وكلها تشكر في نجاح كيف مستقبلة العرس في حوشها
حان موعد النوم
ليلى: تو احني وين بنرقدوا
رندة :كلا أنا مانبيش راقدة بحدا علا الكلوط
رانية: غدوا بيجوا خالتك وعمتك وعيت عمامك وخوالك دوري وين تحطيهم بعدين
ليلى: غير اصبروا عليه شوية خلينا احني نمشوا نرقدوا في الصالة والدار هذي خلوها للشناطي وكناينكم ندكولهم الصغار
رندة: جبتيها خلهم هما يهربوا
رانية: تلاقيتن عاد رندة القت من يجي معاها أنا بنغسل ايديا منكن
ليلى: امالا شنو بنرقدوا الناس وين هذا غير احني عيلتين وطشة امالا يجوا كلهم وين بنطيروا بيهم
مشن للصالة فرشن وستفن شناطيهن في الدار ومشن فرشن الصغار مع علا وداد للقوهن قرمة ليه ليه وقارنات روسهن في بعضهن تقول هذا وين شافن بعضهن
علا: وين جايبينهم الصغار هذي الدار يالله تسدنا حني وحوايجنا
رندة: بالك قاعدة في فندق سبعة نجوم دبشك طلعيه في الدار الثانية ونرقدوا الصغار معاكم بجنب بعضهم مش حياكلوا بعضهم
وداد: الدار ضيقة وين بتحطيهم هدوما كلهم
رندة :لمش عاجبها مازال الوقت وتنوض تروح ولعاجبها ترقد وين ماتحط راسها ليلة وفراقها صبح
نجاح: خير شن فيه
ليلى: جبدتها مافي شي غير نقسموا وين بنرقدوا أنتي وين كنتي
نجاح: كنت نلود عالصغار ليبي يرقد ولبيقرا
ليلى: اها باهي هيا تعالي وتينا فراشاتنا
نجاح: زعمك البطاطين يسدوا
ليلى: يسدن وغدوا منى قالت بنجيب معاي
نجاح: باهي هيا تعالي
رندة: بعدت مارقدت صغارها هي ورانية كل وحدة عندها ولد وبنت مش هلبا طلعت ومشت للصالة القتهن راقدات تغطت ورقدت
خلى ندخلكم في أجواء أعراس زمان شوي من عشر سنين فاتو
في اليوم لبعده عندهم يوم الثلاثاء برا يركبوا في الخيام ودبح اليوم والناس وصلوا العم والخال والخالة والعمة والجار والخو والأخت والدنيا رابخة في العرس
وطلعوا النساوين يغسلوا في البطن ولطيب في شواء وأجواء جميلة ولواخدات الدربوكة ويغنن ولحاطة الغداء عالنار وبدت الطيب والبنات يمدوا في الشاهي مع الكعك من عاداتنا الشاهي طول اليوم يطبخ والناس تشرب وبالرغوة عاد والعالة والكعك لمستف في سبات متاع السعف والأجواء الفرح الجميلة
تغدوا وغسلوا اماعينهم والأجواء كسدت شوي العشية وصلن غسالات الماعين والطباخات من اليوم عندهم في العشية فاتحة والناس لمعزومة عالفاتحة بتتعشى عندهم
مشوا الرجالة العصر للجامع بيقروا الفاتحة وروحوا وبدو في الزكرة لبرا تضرب والمنظومة داخل ودربوكة وأغاني والأجواء الجميلة وطبيخة البازين لعالنار تطبخ
عامر: بره كل مايحصل في فرصة يتحصل بعفاف ومش هلبا لأنه هو قايم العرس مش فاضي بيها هلبا
عفاف: دير حل ياعامر معقولة نشحت في اتصالاتك شحاتة
عامر: والله غير خلي العرس يمشي على خير لمنمشي نخطبك بعدها طول وتكوني معاي ومن غير اتصال
عفاف: المطلوب وصلاته أنه بيخطبها بعدها عرس أنس ... غير كمل عرسكم على خير وأنا قاعدة نراجي فيك ياحبي
عامر: طفى تلفونه ومشي مع الرجالة
ونجاح: في المطبخ مع الطبخات تطمن عليهن وشن يديرن
والغسالات يغسلن في الماعين بيحطوا فيهم العشاء
رندة: شن يارانية شن صار في الحار
رانية :اهو عز الدين كيف مشي بيجيبهم من المرأة بعد روح من الفاتحة
رندة: باهي طمنتيني
ليلى: خير شن تقولوا
رندة: موصية عالحار سألتها عليه
ليلى: اها بتوزعوا
رانية :ايه ان شاء الله
ليلى: والله العرس جي ماشاء الله هذا غير قاعدين في أول يوم
رندة: نية أنوسة
رانية: وقلب نجوحة
.
.
.
.
يتبع
أنت تقرأ
لعبة الزمن
ChickLitرواية ليبية خيالية فيها معظم الأحداث من الواقع الليبي تحكي عن زوجة حضرت جميع أنواع القدر وأقساه من لعبة الزمن
