#لعبة_الزمن
الحلقة 33
ديما يقولوا حبل الكذب قصير وحبل عفاف قصر هلبا وبدي يلتف حوالين رقبتها وتقترب الحقيقة من الظهور زي مايقولوا بكرا بيدوب الثلج ويبان المرج
عامر: فتح الظرف وغمض عيونه مايبيش يتوقع أي شي مايبيش يكون في موقف محرج قدام عيلته مايبيش تكون هذي حقيقة لبدل عيلته عشانها مايبيش يكون لخان مرته وطلقها عشانها واااااااه من كلمة ياريت لكل زي مايقول كلمة ياريت مابنت بيت للأسف الشديد
فتح الظرف وهو على مايتقرب من إنه الظرف ينفتح كل ماقلبه قريب يوقف من كثر الدقان
انفتح كله وطلع الأوراق وشاف الأسماء
عامر: آمال هذي مار عليه اسمها المهم مش موضوعي شاف رقم علي نسيبه فكر وفكر
اتصل بعلي الو كيف حالك علي
عامر: غير بنقولك أنت عندك رقم 09......
علي: ايه هذا رقمي زمان بس عطيتها لأختي عفاف
عامر: اها ايه غير اتصلت بيا واستغربت في الاتصال من رقم غريب
علي: اها ايه باهي تامة سلام
عامر: مع السلامة
وهني انقطع الشك باليقين
فتح مسجل الصوت لكانوا مش شفرة آمال وهنا فتحت الجروح وفتحت الآلام وبدأت الصدمات
كان السجل المكالمات كله عالبضاعة والاستلام والمخدرات والمهمات ليستهدفوا فيها للناس مش تقعد مدمنة بس الصوت مش صوت عفاف لكن مرات يتسجل ويسمع فيها معاهم
المجهول: وينك يآمال شن صار اليوم معاك
آمال: اهو البضاعة وصلت لعفاف وبنستلمها منها وغدوا بنحطها في نصاف المقهى
المجهول: تم كملي مهمتك وحقك يوصلك
آمال: أكيد نبيه كامل وناقصتني ايباري بنموت عليهم
المجهول: اختاري يافلوس يايباري وحدة من الاثنين
آمال: الايباري
سكرا الخط وانفتح الخط على صوت عفاف
آمال: وينك عفوفة
عفاف: اليوم جاية عند أهلي
آمال: البضاعة واتية لأنه غدوا بالتم المهمة
عفاف: ايه تمام بيجيبهلي ولد خالتي معاد وتعالي خوديهم
آمال: تم
مكالمة أخرى بينهم
عفاف: آمال نبي منك مهمة ضرورية
آمال: أمري أمر
عفاف: سمعت بضرتي تخدم في حلويات في محل ### لفي طريق ### عارفة شن بالديري تمام
آمال: ياعيني الفساد والخراب مهمتنا يأختاه
عفاف: سلمك نبيها هكي تموت من جوعها هي وصغارها تستاهل ماعاد نبيهم موجودين قدامي
آمال: ليش أنتي شن بالديري
عفاف: قبل نبيهم يجوا ونديرلهم سم لكن الله غالب ماجوش تي قبل بننفيهم عن الوجود
آمال: ايه وبعدها مش أنتي تطلعي موكلتهم
عفاف: جبت اكل من برا ولو صار ماصار التسمم يكون من برا مش مني
آمال :أنا على قد مانخطط ماوصلتش للمرحلة لوصلتيلها
عفاف: تعلمي ياماما
من هنا صارت قصة موضوع حلويات نجاح من لخطط ومن لنفد
والمكالمة على هالرقم كله على هالمواضيع الباين انه كان رقم آمال وبعدين خداته عفاف عشان مكالماتها مع محمد
وبعدها نفتح اتصالاتها بين عفاف ومحمد هو يفتح الخط وهي تقوله وين حمودي حبيبي استاحشتك وين خط ينفتح وخط يتسكر وهو عامر خلاص بينجلط
لآخر مكالمة بينها هي ورندة وتقوللها نقبل حتى على مرأة ثانية
أنت تقرأ
لعبة الزمن
Chick-Litرواية ليبية خيالية فيها معظم الأحداث من الواقع الليبي تحكي عن زوجة حضرت جميع أنواع القدر وأقساه من لعبة الزمن
