#لعبة_الزمن
الحلقة 15
رانية وصلت عند نجاح ودقت باب الحوش بعدها تدكرت انها في المطبخ الخارجي لكان عبارة عن غرفة وفيها مطبخ وحمام دقت عليهم
نجاح: اهلا رانية وسلموا على بعضهم
رانية: كيف حالك نجاح
نجاح: واضح عليها إنها باكية الحمدلله تفضلي
رانية: خشت لقت الصغار لكيف مروح ولراقد خشت سلمت عليهم وقعمزت
نجاح: كيف حالك وكيف حال شيابينك
رانية :الحمدلله ااا عامر
نجاح: رانية احكي أي موضوع إلا هالموضوع هذا
طبعا ماجي الليل وانتشت في العيلة انه عامر خطب وبيتزوج على نجاح وانه أخته خطبتهله وماشاء الله أخبار أول بأول
نجاح: هيا رانية تعالي نخشوا داخل مادام العمال روحوا
رانية: هيا هي نخشوا
جن علا ووداد: يباركوا لنجاح وهي يبوا يشوفوها سامعة أو لا مش يشمتن فيها
دقوا الباب وفتحتلهم نجاح: اهلا مرحبتين بسلفاتي تأخرتي في الجية توقعتكن من بكري
وداد: والله هذا وين حصلنا فرصة وجينا
نجاح: تفضلوا آنستونا
رانية: اهلا اهلا بنساوين خوتي
علا :هههههههه شن جاية يارانية اطبطبي على نجاح
رانية: نجاح ماتستحقش طبطيب شكلكن أنتي تبن من يطبطب عليكن
وداد: ههههههه من قال عامر يتزوج على نجاح والله وجعتيني
نجاح: شن شفتيني نندب ونعيط حتى بنوجعك لا ياحلوة مش نجاح الناس تسخف عليها أنا لقلتله تزوج وخود فاهمة أو لا وبكامل إرادتي
علا :امالا وين رندة مش معاكم حتى هي
وداد: قالوا هي لمشت خطبت لعامر عاد اليوم مع عمكم علي
نجاح: انصدمت وشافت لرانية عادي من حقها وحق خوها عليها تمشي معاه وتخطبله
علا: اها باهي سلم وخيته
نجاح: الله يسلمك ناضت تجيبلهن مايتسقطرن وهي الزيت راقي لودانها
جي عامر: من فيه هنا
نجاح: تلفتت بابتسامة عريضة ألف مبارك قالوا اليوم مشيت تخطب ان شاء الله بالذرية الصالحة وان شاء الله تلقى معاها الهناء والراحة لعمرك ماحصلتها معاي وهي ماشية جايين يباركولك ماشاء الله ربي يبارك أصحاب واجب
عامر: قعد يشوفلها وخلاص ماعنده أي كلمة يقولها ولا أي كلمة تعبر واضح إنها مجروحة منه وإنها تكابر وبس ومن ماينجرحش ولا يتدمر كلمة ضرة واليوم ماشي يخطب في غيرك تكفي
خشت نجاح: وضيفتهن وهدرزت معاهن فوق من نفسها هي من غادي مش طايقة روحها وهنا لاصقات
وداد: هيا خلينا نروحوا خير لأنه بالك في حد عنده مايدير
علا: هيا مع السلامة نجاح وربي يعينك وهدي بالك
نجاح: عقبالكم ان شاء الله نشوف وراكم ثلاثة أربعة
وداد: بعيد السو علينا كان أنتي هاملة راجلك مادخلناش فيك احني
نجاح: ليجي يتشمت ان شاء الله عقباله سوى أنتي أو غيرك هيا اهو الباب يفوت جمل مع السلامة من غير مطرود
علا :على شن قادر ياجحي كان تدعي علينا يانجاح هدا واحني جايين نصبروا فيك
رانية: نجاح ماشاء الله عليها ماتحتاجش تصبير
علا: الحق علينا وطلعن روحن
نجاح: وووووه شن هاللصقات جايات يقصقصن ويخبرن على أساس انه رندة ماشية
رانية: نجاح أنتي تعرفي من الأول
نجاح: ايه نعرف رندة اتصلت بيا وكلمتني ومشت أنا نصدمت الأخبار واصلة فيهن مش ناسيين حتى نقطة
رانية: هذا وأنا نفكر كيف بنخبرك من بكري
نجاح: عارفتها رندة مش عارفة لشني تخططت وأنا حاجة من ناحية خوتك ماعنديش مشكلة لبتمشيله بتواصلها في النهاية هذا خوكن وأنا البرانية
رانية: عيب يانجاح بعد هالسنين تطلعي برانية والله حاسباتك وخيتي مافي حد يستقبل فينا ويلمنا بعد أمي كان أنتي حوشك ديما مفتوح لينا
نجاح :هذا واجبي لا أكثر
رانية: مهما كان أنتي مرات خوي عامر وبس وكان يجيب غيرك عشرة
نجاح: ابتسمت انه مهما صار مازالوا واقفين معاها وضد خوهم مهما كانت هي كنة فيه من حموات تفرح لما خوها يجيب على مراته مراة وقريب الديرله حتى عرس ربي مايخش بينا عدو
رانية: هههههههه لو تبتعد علينا وداد وعلا مافي واحد خاش بينا
نجاح: ايه هاللفعات سبحان الله مش عا،فة شن يحسن بس أو شن يقوللهن دماغهن
رانية: مافيش أحلى من ردك عليهن ببرود لدرجة صدقت
نجاح: إذا نبي نعيش وبحالتي لجديدة لازم هكي ندير نلبس قناع البرود واللا مبالاة لأنه تو لبيشوفني يتسخف عليه وياناري وياغبينها جاب عليها مراة وووووو لازم نكون على استعداد عمكم عامر يتزوج ويتهنى وأنا نتلقى في الإهانات والشماتة الماشي والجاي
رانية :ايه والله لصدقتي
أنت تقرأ
لعبة الزمن
ChickLitرواية ليبية خيالية فيها معظم الأحداث من الواقع الليبي تحكي عن زوجة حضرت جميع أنواع القدر وأقساه من لعبة الزمن
