لعبة الزمن

لعبة الزمن 30

#لعبة_الزمن
الحلقة 30
نجاح: وقفت وتسطروا بجنبها الستة  ... توا قولولي لو في يوم سألوكم بين تعيشوا بين أمكم وبوك من تختاروا
عامر: يترقب في ردود أفعالهم
محمد: وقف وراء أمه وكأنه يبيها تحميه من بوه لأنه خايف منها بعد مايقول كلمته ... أنا نبي أمي لأنه لليوم الدير في كل شي على خاطر استغنت حتى على صحتها وتخدم في الحلويات عشاني أنا وخوتي ودارت سيارة عشاني أنا وأحمد بالذات لأنه يوصل فينا بوي وهو سافر وسيبنا لشهر العسل مع مرته الجديدة هو حتى من جوازات السفر ماعندناش أمي لتفكر فينا وتلقط في حق مولد على خاطر مانقعدوش في القبلي وماتبيش ينقصنا وأنت شن درتلنا يابوي غير إنك مشيت وسيبتنا وأمي هي لقامت بالدورين أمي هي أمي وبوي أمي هي لترفع فينا أمي هي لتصرف علينا
نجاح: شبحتله بمعنى تفرج شن درت لعمرك
عامر: حاس بروحه صغير هذا كله كان داسه في قلبه الصغير وكلام مش لعمره وفي سنه يطلع منه كان يلقى الأرض تنشق وتبلعه
أحمد: تشجع بعد محمد جي وراه حتى أنا نبي أمي
أمجد: ومجد كذلك
قمر :تبي تقدم تمشي لبوها بس عشان هي متعلقة بيه ويطبها فوق بس لأنه مش فاهمة كل الكلام ليقولوا فيه شبحت جنبها القت خوها وراء أمهم تحسابهم يلعبوا مع بوهم شدت بيد قدر ومشت وراهم حتى هي وأختها
عامر: تمام هذا كلامكم اقعدوا مع أمكم تو تنفعكم مايجيش واحد في يوم من الأيام ويقول وين بوي فاهمين كلامي
نجاح: تلفتت لمحمد
محمد: لم خوته ودخلهم وسكر الباب
نجاح: الحمدلله دائما وابداً لطلعت عفاف في وجهك مش طلعت على حقيقتك ياعامر توا هذا حوشي وباسمي الحمدلله كمهذا نلقاك حادفني في الشارع أنا وصغاري قاعدة نحمد في ربي على هذاكا اليوم لكبرت عقلي ودرت فايدة ولو لمرة وحدة في حياتي طالبت بيها حقي منك أنت اليوم رميت عليه يمين الطلاق وتريحت من هم المرأة الثانية من يردلي حقي
عامر: حقك عندك اهو شارية بيهم سيارة
نجاح: هات دليل مافيش مهري يوصلني لعندي لأني ماعادش متسامحة مع حد تعرف شن شعورك تشوف ولدك الكبير وهو يقولي أصحابي يقولولي شفنا بوك في المكان فلان وشفناه في مكان علان تقطع قلبي عليه لأنه يسمع في هالكلام وبسبب من بسبب بوهم لمس سائل عليهم ومن اليوم تبي تشوفهم تعال الجمعة تشوفهم وطلعهم يتدهوروا فقط الحوش لا تفضل وخشت للحوش وقربعت الباب في خليقته على حد جهدها
هو: غمض عيونها من قوة الصوت وقعد مسهم في الباب ... شن درت ياعامر شن درت أنت جيت بتكحلها عميتها يعمي عيونك ان شاء الله
ركب سيارته وروح للحوش

خشت نجاح: للحوش شافت لصغارها مرعوبين وخايفين من ردة فعل أمهم على قد مايخافوا من بوهم لكن أمهم تقوللهم يصبوا في النار يصبوا مايقدروش يتحركوا من غير شورها وهذا أحلى شي في الصغار يشاوروا أمهم ويتعاملوا معاها زي علاقة نجاح بصغارها علاقة جميلة
مشتلهم حضنتهم كلهم أنا مستحيل نستغنى عنكم أنا ماجبتكمش عشان نسلمكم لمرأة ثانية توريلكم النار الحمراء
محمد: احني خدينا القرار الصح لأنك أنتي ماعمركش سيبتينا وتوا مش حنسيبوك
نجاح: لو بتسيبني بعدين من بيهتم بيا ويحن عليه
أحمد: حتى أنا يأمي مش حنسيبك بعدين من بينصحني ويهتم بواجباتي وقرايتي
نجاح: ابتسمت حتى أنت لو سيبتني من بيطيبلنا مكرونة ويغسل عليه الماعين لما نكون تعبانة
أمجد: حتى أنا ماما مش حنسيبك
نجاح: حتى أنت بعدين من بيرقيليةالضغط بطلباته
مجد: وأنا
نجاح: زادت توسعت ابتسامتها من بيقعد طول الوقت جعان ويبي ياكل
قمر: وأنا ماما
نجاح :من بيحن عليه كان بنيتي وتسأل عليه
قدر: شافتهم كلهم يقولوا حتى نا
نجاح :ضحكت من وسط دموعها مسحتهم  من بنهتم بيه كل صبح ونمشط شعراته الحلوات
الجميع: ونحن معاك ماما مستحيل نسيبوك