لعبة الزمن

لعبة الزمن 24

#لعبة_الزمن
الحلقة 24

رندة:دروحها تعكرت وطاحت وشافت لعفاف ربي يسامحك ماتوقعتها منك
عفاف:تشوفلها ماتعلم شن صار وليش دارت هكي خير شن فيه
رندة: دايرة روحك ماتعلميش شفتها ياعامر هذا من أول ماوصلت ودارت فيا هكي تعال أرفعني لنجاح عالأقل نقعد عندها معززة مكرمة مش زي هني وشافت لعفاف وعطتها نظرة سم وتهديد
عامر: والله مانك طالعتها شن أنا مش راجل عفاف اعتذري من رندة بسرعة
عفاف: تشوف لرندة في خاطرها تبي تبدي في الحرب تو تشوفي أنا آسفة 😒 ماشفتكش سامحيني ومن الجديدة تو ننتبه
رندة: ماعدلتش عليها خشت وخلتها تنبح بروحها هيا جنو خشي حبيبتي
جنى ماما أنا وين بنرقد
رندة:الله غالب ياوخيتي بنيتي وعارفها متعودة عالسرير ايوا من توا محجوز لجنى
عامر:طبها عادي نرقد أنا جنى الحلوة وليش لا مش صح عفاف
عفاف:ايه ايه عادي ومن يرفض حليوة زي هذي

رندة :قعمزت مع عامر يهدرزوا عالحال والأحوال رشقت ابرة وين مابتقعمز عفاف لأنه هي في المطبخ بالديرلهم قهوة
عفاف: والله يارندة لما نوريك على عملتك حطت طاستين ليها ولعامر وخدت طاسة رندة عبتها ملح حركتها ورفعتها ... تفضلي يارنيدة
رندة: شافتلها تبتسم والابتسامة هذي مش بلاش خدت منها الفنجان داقاته بطرف لسانها اشمئزت منه كانت ملح صافي وحطاته على جنب شن ياعامر ناقص عليكم السكر
عامر: خدي فنجان وشرب منه لا خيره
رندة: وشبحت لعفاف لا غير فنجاني مالح قلت بالك ماجبتش سكر حطولنا ملح بداله
عامر: لا فنجاني فيه سكر وشاف لعفاف
وعمتكم عفاف: ماعاد عرفت شن بتقول ااااااا ماهو درت السكر في القوة بعدين وشكله في فنجانها غلطت درت الملح
رندة: باين من خشاتك للمطبخ هلبا ماتفرقيش بين الملح والسكر
عفاف: هاتي فنجانك نغيرهلك
رندة: لا ماعاد نبيه أنا شربت في حوشي
قعمزت عفاف: وتنط تجي واقفة
رندة: دارت روحها خايفو خيرك شن جاك
عفاف: حاجة نخصتني لما قعمزت
رندة:شادة ضحكتها
عامر:هدا أكيد ابره ناسيتيها أو دبوس
عفاف:تشوف لرندة ماتطلعي كان انتي

عامر:طلع وقال عندي مشوار

شوي ورن تلفون رندة: حي رانية ردت عليها اهلين كيف حالك رنو
رانية: الحمدلله وين ماشية لمروقة للدرجة هذي
رندة: ههههههه عارفتيني ديما مروقة بالأخص لما نطلع يزيد ترويقي وتشبح لعفاف وتبتسم وهي تقهر فيها
رانية: باهي دوم وين عاطيتيها
رندة: ماشية لعامر هوينا محمد سافر وبيقعد أسبوع قلت خير مانقعد بروحي نجي لوخيي
عفاف: من الصدمة والخلعة لين شرقت بالقهوة وقعدت تكح
رندة: هاك خودي اميه حي عليك قريب مشيتي فيها
رانية: خيره شن فيه
رندة: هادي مرت خوي شرقت من القهوة شكلها ماتبينيش
رانية: ايه هو واضح
رندة:غدوا تعالي الصبح نهدرزوا لينا أيام على عامر مسكين والله أمس اتصل بيا ويسخف خلى نديروله نهير
رانية: ان شاء الله يصير خير كان صارلي تو نكلمك
رندة: ههههههه عارفاتك تخافي من راجلك وتستادني منه
رانية: امالا كيفك حاكمة فيه مخلياته زي المهبول
رندة: ههههههههه والله مايبوا إلا هكي ترخي البريمة طشة يديرها أحرف من خوك لجايب بومة أحرف من هديكا البومة لتعرفيها ونعرفها
عفاف: خلاص الأعصاب واصلة لحدها
رندة: شبحتلها قريب ماتت ضحك هيا مع السلامة حبيبتي نشوفك غدوا سلام سكرت التلفون وولعت التلفزيون وقعدت تتفرج ولا معدلة على أي بني آدم قدامها
جنى: ماما نبي الحمام
رندة: اهو مرت خالك ترفعك
عفاف: مش مُربية أنا مش نرفعلك حتى فرختك
رندة: مش مُربية تمام تو يبالك وحدة وحدة عليه خدت بنتها ورفعتها للحمام ورجعت لمكانها مالقتش عفاف استغربت وين ممكن تكون مشت دورتها وينها هذي بالك هربت كيدها المهم جيت ومقعمزة على قلبها
عفاف: طلعتلها لا والله ماعندي وين نهرب مش تعبي في راس عامر حلوة هذي نسيب حوشي على خاطر وحدة زيك
رندة: ليك الشرف تجي وحدة زيي للحوش
عفاف: هههههههه على قد ماديري لعامر مش حيدير أي شي أي ردة فعل
رندة: شن قصدك بالكلام هذا
عفاف: لأنه أنا في عيونه وبس خشيتلهم وغمضت عليهم لأنه حصل عندي لماقدرتش مرت خوك المحترمة تعطيهاله
رندة: ياشارب اللبن يامرجوعة للميه واخدك طهقة بس تو سيوره راجع لمرته وصغاره وأنتي يامولية لأهلك يامطلقة بايرادتك أو ملزوزة أو مضروبة لحد الموت وأنتي اختاري
عفاف غير لا حسني رعشت
رندة: سمعت حد يفتح الباب وعفاف مانتبهتش ضربت روحها كف يمسح عالكبد لعند طبعوا صوابعها على وجهه ونزلوا دمعات ... جنى تعالي ماما خلي نروحوا آخرتي مرت خالك تضربني وأنا في حوش خوي
عامر: خش عليهم خيركم شن هالصدعة
رندة: مشتله تجري قعد توريله في مكان الكف شوف شوف هذي نهايتي ننضرب من مرتك عشان بنتي خشتلها للمطبخ قلتلها ليش لزيتيها قالت مادخلكش وضربتني كف هكي ننهان في حوشك وقعد تبكي من جد جدها هذا كدب كدبة وصدقها
وعفاف من الصدمة لتشوف فيها لدرجة قريب صدقتها أنا أمتى ضربتك ياكدابة
رندة :شوف شوف ياعامر كيف تكدب فيا أكيد مش أنا بنضرب روحي
عامر: عفاف خشي للدار وأنا لاحقك
رندة: شبحتلها وابتسمتلها 🤨 تو نوريك أنا رندة رندة مايقدرني كان لخالقني ايوا  ... كملت بكاها وحاضنة بنتها ومشت الطلع في الشنطة ... عامر هذا ليا عندك ساعة بس وماتحملتونيش أرفعني لعند لتحملني وتقدر فيا ومدايرتلك قدر ليك قبل كل شي
عامر: حقك عليا أنتي اقعدي تو نتفاهم معاها خش للدار
ورندة: ابتسمت بنصر وقعدت ترقص هي وبنتها عيلة مهبلة دارها وضربها دارها ولزها حي حي