#لعبة_الزمن
الحلقة 12
نجاح: أنا فكرت واتخدت قراري فكرت فيه بالكل وبمصلحتهم قبل مصلحتي ودست على كرامتي
عامر: والحلقة الأخيرة
نجاح :أني معادش نبي نطلق هذا القرار النهائي لا محاكم ولا محاميين ريحتك من توا عندي صغاري بالدنيا كلها لازم نحطهم بين عيوني قبل مانخطي أي خطوة مش هلبا ابهات شبحتله على جنب باشمئزاز
عامر: قولي خايفة نطلق منك ونقعد وحيدة وأنتي ساكتة
نجاح: لو رفضت الطلاق مش معنى أني تقبلت بيك لأنه لدرته مستحيل نسامحك عليك عندك المربوعة والباقي خط أحمر وعتبة الحوش ماتخطيهاش
عامر: حتى أنا لقيت لأحسن منك ومع هذا حنحترم قرارك طلاق لا والباقي
نجاح: الباقي لبديره ليها ديرهلي حتى من الثلاجة العريس نبيها وصيانة للمطبخ وأثاث الحوش و10 ألاف نقداً لقلت عليهم غير هكي لا وإلا نعرف شن ندير وليا تصرف ثاني نجاح: المدفونة ماتت وندفنت وتوا طلعت وحدة ثانية كنت قبل مسالمة وتوا لا مستحيل نرضا بأقل مني حقي واصلني كامل مكمل وبعدها تزوج حتى عشرة
عامر: هذا بس تبيه تمام لكن نبيك تعرفي إنك خسرتيني بطلباتك هذا كلهم بنخليك على ذمتي عشان الصغار لبينا
نجاح :خاسراتك من زمان أنا وكنت حارمة روحي عشانك ومتسخفة عليك نقول قديش منه لكن أنتم ماينفعش معاكم كان وحدة تسحن كبدكم وبعدها تقول ماشاء الله من غدوا تبدالي في صيانة المطبخ وبعد التم نبي بساطات جدد وجلسة للصالة وشاشة وغسالة توماتيك وثلاجة جديدة هذا من غير دولاب المطبخ بالكامل ايطالي
عامر هز براسه وبيرد عليها
رن تلفون نجاح: الو اهلين رندة كيف حالك
رندة :باهية الحمدلله كيف حالكم أنتم
نجاح: مية مية تعالي مش تباركي لخوك بيتزوج على مرته ياسعدودي بيه
رندة: من خوي ماتقوليش عامر
نجاح :وراسك إلا عامر بطوبته مش بالك تخطبيله أو لقطة من لقطات عاد كيف عريس ويبي يدير كل شي لخطيبته
عامر: يشبحلها وساكت هاذي شن تقول
رندة: والله مايكتبها عليه التاريخ نمشي لوحدة جاية على مرت خوي
نجاح: باهي تعالي باركيله وعزيني في راجلي لأنه اليوم مات
رندة: بعيد السو عليه خيرك يانجاح
نجاح: ليبدلني بمرأة تانية يعتبر روحه ميت وعطاته نظرة سم وطلعت ... تفضلي الحوش حوشك
رندة: أنا مافهمت شي تو نجي ونفهم
نجاح: وكلمي سلفاتي خلى يتشمتن عليه اهو بياخد عليه
رندة: سكري سكري هاني جاية
مشت للحوش عمتك نجاح بعد سمعت عامر كليمتين حلوات ردت فيهم كرامتها لقاعدة وبردت على قلبها جت رندة ورانية ويسألوا فيها
رانية: كيف صار معقولة عامر هكي ياخد طول
نجاح: لعندها سؤال تمشي لخوها أنا ماعنديش إجابة ايوا
رندة: تأشر لرانية بمعنى تسكت
نجاح :تبو شاهي أو قهوة
رندة: جيبي قهوة
نجاح: ناضت تغني ومستمتعة طيبت القهوة وحطتها في صفرة وجت قعمزت بحداهم قوليلي رندة: قررت نرجع نقرا شن تقترحن عليه نخش نقرا وتشرب في قهوتها ولا على بالها
رندة: تشبحلها نجاح خيرك فيك حاجة
نجاح :لا مافيا شي بس من اليوم هكي بنعيش لما كنت نعدل وندور خوكم عطاني كانشو وبيجيب عليه مراة وفي الاخير قال عليه جاهلة ويبي المتعلمة هذا أولا ثانيا غدوا أو بعد غدوا بيجيب المراة بياخدلها حوش وبيفرش وخيرني أنا الفقر لاحقني لا حصلته في الأول ولا في الثاني واظني كلكم شاهدين عليه شن عانيت مع خوكم وفي الأخير كيف جازاني بمرأة تانية قولن الحق ترضنها في روحكن من غير انه يكون خوكم
رانية: ابداً مانرضاها وخوي غالط فيك وحقك علينا أنتي تحملتي معاه هلبا ورضيتي تسكني حتى في دار وفي الأخير هكي لا والله
رندة: كلامي من كلام رانية حتى أنا مانرضاهاش حتى لو خوي
نجاح: غدوا بيبدالي صيانة المطبخ
رانية: حقا باهي كويس
نجاح: ايه ياحنة امالا شنو الزواج على نساوينهم يحسابه ساهل مش تختاروا معاي السيراميك والدولاب وبعدين الفرش تختاروه معاي بنغير كل شي وأولهم أنا طبعا بنبدا نهتم بنفسي وبشكلي جمالي عدا في جرة خوكم قعدت أحرف من العزوز
رانية: أنا لتوا قاعدة مش مصدقة
نجاح: صدقي صدقي ياحنة هذا وخيكم الكبير وكبير العيلة لمفروض يكون المثل والقدوة لخوته
رندة: الله غالب شن بنديروا هذا خونا في الاخير
نجاح: تنهدت بألم ايه أنا حتى الصغار ماخبرتهمش مهما كان يقعد بوهم وصورته لازم تقعد كويسة قدامهم
رندة :احسن مهما كان
نجاح: ايه
رندة: ايه حقا بتقري
نجاح: ايه ان شاء الله شن تحسابوني نبصر معاكم نتكلم بجديات
رندة: باهي شن مقررة تقري وحاطة في دماغك
نجاح: نفكر مرات انجليزي ومرات نغير رأيي نقرا لغة عربية
رانية: اقري لغة عربية على الأقل أسهل
رندة: ايه صح
نجاح: خلاص تمام نقرا عربي
انتهى اليوم على خير ونجاح في برود تام
في اليوم التالي ناضت نجاح: جهزت فطور الصغار والقت عامر جايب الخبزة وتت صفرة دقت عالمربوعة وحطاتها عالباب ومشت
عامر: فتح الباب القي فطوره ابتسم خداه وخش فطر وطلع في السيارة يستنى في الصغار بيرفعهم للمدرسة
سقدت نجاح: صغارها وخشت داخل ضمت الحوش ونوضت الصغار التانيين ودوشتلهم وغيرتلهم وحطت الغداء عالنار ومشت ياحنة تشوف وجهه زعما كيف بيريح شكلي بعد التغيير
سمعت الصغار مروحين من المدرسة ومشت عالغداء طفت عليه وقعدت تستنى في عامر لعند سمعت سيارته طلعت تشوفه
نجاح: عامر
عامر: المطبخ كلمت وحدين بيبدو غدوا بيكسروا وفي العشية بنمشي نختار الزليز ومش بعدها بنبدا نسرمك فيه
نجاح: بنمشي نختاره بروحي
عامر: خيره جيباني ماعاد عاجبك
نجاح: شفناه كيف طلع كل شي بنمشي وبنختاره كل شي بروحي
عامر: ديري لتبيه وأنا نمشيك على وين بتوصلي
نجاح: بنوصل للأحسن نبي نكون في أحسن شي حوشي أحسن شي ومستواي الدراسي أحسن شي
عامر: ليش أنتي شن ناوية بالديري ثاني
نجاح: مازال بنقرا بنجيب شهادتي من حوش أهلي وتسجلني لأني بعد هالسنين طلعت جاهلة بنقرا وكان نمشي بايديا ورجليا زحافة ايوا
عامر: أنتي غير جيبيها وبعدها ساهل
نجاح: اقعد الغداء واتي وبعدها وين مابتتسقد تسقد
عامر: هز راسه وخش
خشت نجاح :وتت دبشه في شنطه كبيرة وطلعتهله ... هذا دبشك وتيتهلك في شنطة مش ترفعا طول بدون ماتلم شي 😒
عامر :يشبحلها على جنب 😒
خشت داخل وهي حاسة بطاقة ايجابية وبدا التغيير في حياتها من اليوم اهو بدا شوي شوي
تغدوا وبعد الغداء جهزت روحها
نجاح: محمد رد بالك من خوتك باهي وخليهم يكتبوا واجبهم ويقروا
محمد: باهي وين ماشية أنتي يأمي
نجاح: ماشية بنختار زليز المطبخ بوكم بيغيرهلنا افرحوا لأمكم بدا الحظ يضحك في وجهه
أحمد: حقا أمي
نجاح: ايه ياحنة الحوش بيقعد قصر
أمجد: حقا ماما نبي سرير ودولاب لقلتلك عليه زي متاع صغار عمي
نجاح: اطلبوا وادللوا كله منفد قديش عندي محمد وأحمد وأمجد ومجد وقمورة وقدورة
عامر: هيا يانجاح وقت
نجاح: هيا هيا ادعولي نلقى لخاطري فيه
محمد :يضحك على أمه ان شاء الله
.
.
.
يتبع
أنت تقرأ
لعبة الزمن
Chick-Litرواية ليبية خيالية فيها معظم الأحداث من الواقع الليبي تحكي عن زوجة حضرت جميع أنواع القدر وأقساه من لعبة الزمن
