لعبة الزمن

لعبة الزمن 1

#لعبة_ الزمن

الحلقة 1
روح عمك عامر: القي غداه واتي وقعمز يتغدى
نجاح: بعدين في العشية بيجوا خواتك
عامر: باهي ويجوا
نجاح: الحوش منفض نبي حاجات بشن بنستقبلهم
عامر: مافيش يوم قلتي هاك مافيش كان كلمة هات هات جيب جيب
نجاح: وقفت بلكي تحساب نرفع فيه لأمي لتجيب فيه تأكل فيه أنت وصغارك مش جايبه لحد براني
عامر: اكتبي لتبيه وهاتي نجيبهم مايخلوش الواحد يتهنى في حياته خدي الورقة وطلع قربع الباب
نجاح: قعدت تبكي أنا شن درتله شن قلتله تقول طالبته بذهب أو ألماس زي الناس هو حتى لخراس لمكسر مانكسابه
قمر: جتها ماما ماعاد تبكي أنا خايفة
نجاح: شافت لصغارها كل واحد يشبحلها ويبكي هذي أمهم مهما كان هي سندهم مش متوعين يشوفوها بحالتها هذي... مسحت دموعها وقعدت تضحك وقفت هيا هيا بسرعة ضموا معاي تو يجوا عماتكم يقولوا علينا خامرين 😂
محمد: يشوف لأمه لأنه كان الوحيد لكبير شوي ويفهم ناض معاهم يساعد فيها

بعد ساعة: وصل عامر ومشوا الصغار يجروا لبوهم وياخدوا منه في الحاجات ويدخلوا وخش للمطبخ يشرب الميه توقع منه يعتدر يتأسف حتى على خاطر لصار قدام الصغار لكن لقلبه تخش فيه مرأة ثانية خلاص بيشبحها خدامة قدامه أو مش عارفة شني

طلع ورقد في الدار القي مسج من عفاف: وينك ياحبي
عامر: اتصل بيها بعد ماتأكد من نجاح لاهية  تغير مية وتمانيين درجة اهو كنت نجيب في بضاعة للحوش
عفاف: ياحبيبي يعطيك الصحة وأنت مروح تعبان مفروض لبعدين
عامر: الله غالب شن بالديري
عفاف: والله ياحبيبي مرتك هذي ماتعرفش تقدرك بكل
نجاح: كانت جاية تسأله بالك يبي حاجة تسمع فيه يتصل بحد وتسمع في ضحكته ولت وين ماكانت الطيب عشان حماواتها والدمعة في عينها
دق الباب تصنعت الابتسامة ومشت فتحت لحمواتها تستقبل وترحب لليوم دار عركة على خاطر بيجن خواته ... تفضلن مرحبتين بيكن آنستن
رندة: الله يآنسك
رانية: يزيد فضلك كيف حالكم كلكم بدون دكر أسماء
نجاح: كويسين الحمدلله تفضلوا خشوا نمشي نغير حوايجي ونجي
رانية: خودي راحتك
رندة: وين عامر امالا
نجاح: من الدار اهو راقد تو النوضه
رانية: كانهو كيف راقد خليه راقد قاعدين أمتى ماينوض نسلموا عليه
نجاح: بعد مالبست ولادت على روحها نوضت عامر... عامر عامر
عامر: ناض ومش عاجبه الجو ها شن فيه
نجاح: وجعتها لكن خلاص هي لازم تتعود عالأسلوب هذا من هنا وطالع خواتك جو ويسألوا عليك مانبي منك شي وطلعت
صبتلهم عصير ومشت مداته ليهم وللصغار أقوام صغارها وصغارهن كل وحدة وراها ثلاثة أربعة
جي عامر: سلم عليهن وقعمز
رندة: حكالك أنس إنه بيدير العرس
نجاح: ابتسمت حي حددوا
رانية: الشهر الجاي يوم 15
نجاح: ماشاء الله معناها مازال شهر
رندة: احني جايين ونبوا نديروا العرس في حوشكم ماعندناش وين نديروه
رانية ايه آخر واحد خلى نستروا عليه ونتريحوا عليه
نجاح: شافت لعامر شن بتكون ردة فعله هو مع عيلته كويس وماشاء الله بس بعدين هي بتاكل السحن
عامر: عادي في مقام بوه خوه الكبير أنا لبنديرله العرس
رندة: والله فرحت قلت كمهذا عند عمار لكن نجاح كويسة وحوشكم كبير ماشاء الله
نجاح: ابتسمت فوق من نفسها وتفكر في اللي جاية هو على طشة حاجات قريب كلاها فيهن مش يابال عرس
قعدوا يهدرزوا لليل وروحوا
نجاح: مشت رقدت صغارها واطمنت عليهم ومشت لدارها القت عامر عيونه في التلفون ... عامر
عامر: هممممم
نجاح: كيف بنديروا في العرس
عامر: ماندريش أنتي تعرفي تتصرفي
نجاح: أنت قلت بنديرله العرس عارف شن معناها هذي
عامر: ايه يعني أنا بنعرسله
نجاح: الناس تبي اكال ضيافه خيم كراسي اماعين مونة كله على راسك وأنت شوف وبيكلفك على وقتنا هذا مش أقل من 10 ألاف كما أكثر
عامر: تو غدوا نمشي نسحب ونديروا راي
نجاح: مادام هذا رايك تمام تصبح على خير
عامر: شاف لنجاح أنبه ضمير شوية وماهي إلا ثواني وبعتت عمتك عفاف ليه ليه عاد نسي نجاح ونسي زواجه وضميره معاها (ربي يبعد عنا خرابات لبيوت )
بعد أسبوعين: في العشية جايين العيلة سلفات وحماوات الدنيا تردس في الحوس وصغار ودنيا (تخيلتها جاني الصداع )
علا: مرت محمود كيف بالديروا في العرس
وداد: مرت عمار ايه شن بالديروا من حلويات وهكي
علا :كلا أنا بنديرلكم نوع حلو
رندة: قالتها بهزوة ...باهي فيك البركة
علا :بارك الله فيا شن عندنا احني اهو عيت عامر ماشاء الله
رانية: وأنتي ياوداد
وداد: عليه الشوكولاتة
نجاح: تشوف فيهم وراسها بيتفجر منهم ومن مجاملاتها ليهم
رندة: أنا عليه حلويات الأربعاء والخميس
رانية: أنا بندير الحاجات الحارة لبنقدموهن
وداد: والعصير
رندة: لبتجيب الشوكولاتة تجيب العصير
وداد: نجلطت ايه ايه ان شاء الله

كمل اليوم ومتحملتهن نجاح فوق من نفسها بالأخص سلفاتها لأنه لما يتلاقن مافيهن خير ينقلبن عليها وين بروحهن وحدة تقرم عالثانية (أكيد عندكم منهم الناس هذي )
نجاح: بعد ماروحوا قعدت تحسب لأنه لفضل منهم أي نقص بيجي على راسها ومافي حد بيتحمل المسؤولية هذا ليش كلهم يبوا يديروه عندهم
مشت لدولابها طلعت حديدة ذهب من النوع لقديم يعني تجيبلها
عامر: خش شن ترجعي في الذكريات بيها
نجاح: الحديدة هذي عاطيتهلها أمها في عرسها مابتش تبيعها ولا تصرفها ... نبيك تبيعها غدوا
عامر: زمان لما كنا نبنوا مابيتيش تبيعيها ذكرى من أمك واليوم بتبيعيها شن خطرها عليك
نجاح: عشان العرس شن تحساب نساوين خوتك بيجيبوا حاجة لا والله مش طامعة فيهم حتى باكو البشكطي الساهل
عامر: مش اليوم جو على أساس بتتفاهموا شن بالديروا
نجاح: أنا ماقلت بندير شي قعمزت وتفرجت عليهن عارفة لبيصير زي في عرس أختك رندة بالك تحساب نسيتها عرب العريس جايين للقفة وأنا وياك ماشيين نجروا ندوروا في الحلويات من محل لمحل
عامر: قعد يتدكر ايه صح بس الحديد حرام تنباع على حاجة زي هذي
نجاح: حط على جيبك امالا وقت يجيني يوم زي هداكا اليوم نمد يدي للشارع
عامر: تو ندبروا أنا والله يالله ندير بيهن العرس مش نجيب هالفترش
نجاح: غدوا نبي نمشي لخوي خواتي ماشيات غادي
عامر: غدوا زيدي دكريني أنا بنرقد تصبحي على خير (عمكم عامر اليوم ماحصلش فرصة يكلم فيها عفاف من نفخ خوته راسه قعد زي السطل )

في اليوم لبعده كان يوم جمعة ناضت نجاح توتيلهم الفطور وسفنز عالنار والدحي والشاهي ليركرك لعمكم عامر ياريت حتى ينفع فيه خزي ... مشت نوضتهم كلهم عالفطور هيا هيا بسرعة مش بعدين نمشوا لخالي أكرم وخويلة مني وخويلة ليلى
فطروا وبعدها الصغار مشوا يلعبوا ولعنده اختبار يقرا والباين أنهم عائلة سعيدة مثالية بس ضروري حد يخربها زي عمكم عامر طبعا 
ضمت الحوش وصلت في دارها تسمع فيه يوشوش ويضحك ... مش وقتك ياعامر تو نفضالك في الأيام الجاية
.
.
.
يتبع شن بيصير فيهم