داروا أجواء العرس المعتادة من أغاني وضيافة وروحوا أهل العروس وجي العريس ورفع عروسته وكل واحد لم قشيشه وروح واهني تم العرس لولولولوليش في صباح يوم الجمعة صباح عادي كأي يوم من الأيام في كل حوش واحد فيهم غير العظام توجع من العرس ومريض محصلها بردة شتاء في جرت اللبس والصقع عادي أيام وتفوت المهم حضر العرس وفات فيما أحسن مايكون كان عرس ثلاث أيام بلياليهم وأجملهم ماخلوا شي في خاطرهم إلا وداروه مقعمزة نجاح وبجنبها صغارها ويفطروا جميع عامر: خش عليهم ليش ماناديتوني عالفطور نجاح: شبحتله على قلت مانبوش زعجوك في نومتك الحلوة وهي كان قصدها في مكالمتك الحلوة عامر: وهو فهمها كانت عندي مكالمة نجاح: مش وقته ياعامر قدام الصغار وتتحلفله
كملوا فطورهم وناضت تحدد في سورية عامر لبيمشي فيها الجمعة عامر: خش عليها ليش الحوش رايح حايس ومقلوب نجاح :أمس بس كان فيه عرس شن بتتوقع منه يعني عامر: والحايس ينظم وديما أربعة وعشرين ساعة هو مقلوب قاعدة شن الديري نجاح: توا على قد مادرت طلع ماندير في شي ياعامر بارك الله فيك مالحقتش مالحقتش نقطع روحي بين زوز مش نكمل طلباتكم أو شني عامر: أنتي من قبل العرس وأنتي متغيرة نجاح: أنا لمتغيرة أو أنت لما طايقني والدور في مية حاجة عشان تهزب مش بالدوش وبتمشي للجمعة امشي خير ماندير في روحي كارثة عامر: طلع وهو مش عاجبه الوضع نجاح : هذا زي لطلع الرز عظام خزي عليه على قد مادرت في الأخير نطلع ماندير في شي كملت تحديد السورية عطيه رية وخشت للمطبخ حطت الغداء عطيه داء عالنار وطلعت للحوش ... هيا هيا ياجماعة الحوش اليوم نبوه يرجع زي ماكان بنديروا مسابقة ليساعدني أكثر واحد هو الفائز كلهم ناضوا بحماس موافقين بدت بلف البساطات وطلعتهم برا وجابت الطوبوا والصابون والركينة وكل واحد منهم شاد مكنسة ويكد وحتى من قدر تتكركب في المية مستمتعة كل واحد عاطياته حاجة يديرها كملوا كدان ومرج الله على ريحة النظافة وجابت لمية وغسلت الدنيا من الصابون ويجبدوا في المية من الديار ووسط الحوش وكملوا ومشت طفت عالغداء ونشفت دار المعيشة وفرشتها عشان يتغدوا فيها جي عمكم عامر: وين وين الميه لواصلة للشارع نجاح: تبي نظافة وتبي اقتصاد في المية هلبا عامر: خاش يردس ويجي زالق في الممر وقعدوا الصغار يضحكوا عليه مجد: حي بابا طاح هههههه عامر: نجاااااح تعالي نشفي البلي يانجاح نجاح: جت تجري شافاته طايح شدت ضحكتها يستاهل هذا نيتها شافت الصغار اسكتوا عيب هذا بوكم كيف تضحكوا عليه مشت جابت المنشف ونشفت الممرات والديار ... هيا كان بتتغدى ياعامر بعد مانشفنا قمر :بابا تعالى نشفناه كلللله عامر: شاطرة قمورة قمر: ايه نشفته كله خديتله فوطة وبدت تشرحله كيف نجاح: اشيه اشيه أمتى صار قمر: ماما اسكتي عيب ماتحشمينيش قدام بابا من بكري نشرحله نجاح: ههههههه ايه حقا حق بنيتي فالحة هي لمسحت وضمت قمر: ايه صح 🙂 عامر: يشبحلهم على جنب تغدى وناض وهو ولا كلمة نجاح: تشبحله بتوعد هيا ياصغاري الحلوين بنردوا البساطات وبنفرشوا الحوش محمد: هيا يوم السبت عندي اختبار نبي نقرا أحمد: أنا مريض 🤒 نجاح :مريض لا حاجة هيا هيا نوضوا فيسع مرت ساعة والحوش رجع زي ماكان عامر: ماتخلوش الواحد يرقد يتريح نجاح: مش تبي الحوش مضموم وتبي الراحة هلبا والله عامر: أنا طالع اقعدوا فيها نجاح: مع السلامة مع على قلبك شر عامر: شبحلهابتجميط وطلع والصدف دائما جميلة وابدا نسي تلفونه والصدفة الأجمل خشت نجاح القت التلفون ومشت تأكدت إنه طلع نجاح: اسمعوا يجي بوكم قولولي باهي كلهم بصوت واحد :حاضر نجاح: عطيكم دعوة تقول مربية جيش مشت تجري للتلفون خداته القت فيه رمز قمر قمر تعالي ماما قمر: نعم ماما نجاح: تعرفي تفتحيه رمز تلفوني لأني نسيته قمر: ماركزتش انه مش تلفون أمها فتحاته متعودة عليه تلفون بوها الأكثر كان عندها طبعا قبل مايتعرف عالمكلوبة عفاف نجاح: ماتقوليش لحد إنه قلتلك افتحيه باهي البنت الشاطرة ماتخبرش على أمها زي ماأنا ماخبرتش عليك لبابا صح قمر: بتفكير ايه صح ماخبرتيش عليه لأنك ماما نجاح :وانتي ماتقوليش لأنك بنتي قمر: خلاص مش حنقول نجاح :عارفة لو بتفتح هالتلفون باب من أبواب جهنم بتنفتح على عامر فلهدا طلعت قمر لأي ردة فعل منها متوقعة خشت وسكرت الباب وفتحت التلفون وخدت نفس عميق وهي فكرة تاخدها وفكرة ترفعها وقررت نهار أسود عليه لو طلع يخون فيها وفتحت الرسايل القت اسم مدير وعرف رسايل ووصلت رسالة للتلفون وينك حبيبي نجاح: هنا استوب استكت حبيبي ومن مدير وفي يوم الجمعة وخشت ياحنة وياريتها ماخشت شافت العار لين يغطي الشيطان وجه مشت الرسايل من أولها القت عادية في الأول وبعدها يبدا الدق القوي
(عفاف: استاحشتك حبيبي عامر:قاعد في الحوش عفاف: شن قاعد معاها عامر: قاعد ومش طايق حتى نشوفها منقرف منها وهي رايحة زي البقرة وصنتها بصل وقلي الناس ترقد وتنوض عالعطور والورد والمسك لزيك أنتي ياحلو )
وقعدت تمشي وتقرا وهي خلاص بتنوض بتعيط وتشح شعرها بتنوض تنتحر مش عارفة شن بتعبر عن غضبها لدرجة قعدت الدور في النفس ماعاد قدرت تاخده من الصدمات لتلقى فيهم هذا راجلها لواثقة فيه وأب صغارها لأفنت عمرها وصحتها على خاطره وعشان تشوفه متريح ومتهني هو والصغار لتحملت معاه في أسوء حالاته وفي الأخير تطلع هكي يدوي بيها للنساوين ولمن ووحدة تهين فيها وهو يضحك ويزيد معاها نزلت دموع من عيونها عيون يواسوا فيها في ألامها المرة والقهرة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
محمد: دق الباب ماما تعالي عمي جي نجاح :طفت التلفون وحولت شي فيه أي شبهه انه شافت شي أو حد خش عالتلفون خدت نفس عميق ومسحت دموعها ومشت غيرت حوايجها وغسلت وجهه مشت القت أنس ونورة تصنعت الابتسامة خايفة آلامها كلهم مرحبين بالعرسان سلمت عليهم تفضلوا تفضلوا أنس: وين عامر مش قاعد نجاح: والله لطلع ونسي تلفونه أنس: فيها خيرة نجاح: نستأدنكم شوية خشت جابتلهم عصير تفضلوا نورة: يزيد ليش تعبتي روحك نجاح: تعبك راحة شن عصدتلك البازين أنس: ههههههه قمر: تشوف من بعدين هي وقدر شبحتهم نورة: ضحكت تعالوا سلموا نجاح: شبحتلهم في خاطرها يحشم حالكم قديش مرة بنهزب على هالحركة خشن قمر وقدر خشت قمر ووراها قدر سلموا على نورة وقمر ارتمت في حضن أنس أنس: قمورة حبيبة عمها نجاح :حي عليك قدر تغار نورة: خدت قدر من يوها وهي قدر قعمزت وكمشت ايديها ورجليها وضعية المتحشم قدر صاحبتي أنا صح قدر قدر هزت راسها بايه ومن غير ماتفهم حتى شنو نجاح: مامشيتوش لرندة ورانية أنس: جينا هنا طول توقعت قاعدين اليوم نجاح: لا روحوا أمس كلهم أنس: ماشاء الله الحوش ولاكأنه فيه مناسبة نجاح: ضميته بكري أنا والصغار . . . يتبع
