لعبة الزمن

لعبة الزمن 3

#لعبة_ الزمن
الحلقة 3

وخش عامر :السلام عليكم
نجاح: ان شاء الله غير كملت مكالمتك المهمة لصغارك يستنوا فيك على خاطر يورولك شن شروا ويبوك تفرح معاهم
عامر: عندي مكالمة ضرورية كملتها وجيت ومشي خش بجنب الصغار
قمر وقدر: بابا
عامر جي بجنبهم نعم يابابا
قمر: شوف بابا قفطاني قديش حلو
عامر: لا ماشفتاش امشي البسيه وريهلي هي
قدر وأنا
عامر: امشي جيبيه نلبسهلك
قدر: مشت تجري ماما دفتان
نجاح: شافت لعامر بامتعاض ومشت للدار وعطتها قفطانها وولت للمطبخ تكمل عشاهم
عامر سمع صوت مسج وشافه كانت عفاف:  ... شن شكلك خشيت للحوش
عامر: شاف المسج وابتسم وبدي يكتب ايه خشيت للحوش قاعد مع الصغار
عفاف: باهي كويس ان شاء الله عن قريب تخش لحوشنا وتلعب صغارنا
عامر: ابتسم ان شاء الله عن قريب
هذا كله تحت أنظار نجاح لتراقب فيه من بعيد
وقدر جاية بقفطانها وتكلم في بوها وتقولها هيا وهو يقوللها شوية
نجاح: غسلت ايديها تعالي قدر حبيبتي نلبسهلك بوك هالأيام ماعادش فاضي بينا
عامر: استاقظ بروحه تعالي قدر حبيبتي نلبسك
قدر: مشت لأمها تجري
عامر: أنتي تعلمي في الصغار في الحركات هدوما وتقولي قدامهم في الكلام لمش كويس
نجاح: البنت ليها ساعة تكلم فيك لو ماعندكش علم
قمر كانت واقفة في الباب وتشوف في أمها وبوها يتعاركوا وقعدت تبكي ومشت خدت أختها ومشوا لدارهن

أمجد: محمد ماما وبابا ليش يتعاركوا
محمد: أقرا ومادخلناش احني هذينا مواضيع كبار
أحمد: صاحبي أمه وبوه ديما يتعاركوا وبعدين بوهم تزوج جابلهم مرأة ثانية وتوا عنده منها صغار ونسي صغاره زعمك حتى بوي هكي بيدير فينا بيتزوج وحدة ثانية وينسانا
مجد: لالا مانبيش نبي بابا أنا
محمد: خلاص مافي حد قال الكلام هذا خلاص اسكت أنت وياه اقرأ في قرايتك

عامر مشي وسيبها
نجاح: والله ياعامر لو نشوفك تخون فيا حتشوف يوم عمرك ماشفته ومانكون أنا نجاح مش أنا لنتبدل بعد هالعذاب هذا كله أنا أنا نمشي زي القش
مشت عشت صغارها وماعدلتش عليه يتعشى أو ينحرق ومشت رقدت مع بناتها  رقدت شوية وناضت هييييييي انا راقدة هنا ومخلياته على راحته نهاره أسود اليوم ومشت رقدت في دارها
عامر: مش توا بترقدي عند البنات
نجاح: ماصارليش وعطاته بظهرها ورقدت
عامر: حط تلفونه عالكومدينو ورقد

في اليوم لبعده
بعد الفطور نجاح رنت على خواتها قالتلهن تعالن عندي اليوم

وسقدت صغارها ودارتلهم الغداء وغدتهم وماعاد دورت عامر لأنه هالأيام مش فاضية بيه عندها هم هالعرس لطايح على راسها
في العشية جن خواتها منى وليلى

بعد هدرزة ونشدة
نجاح: ياليلى مش حماتك الدير في الحلويات
ليلى: ايه الدير
نجاح: بالله امالا نعبى عليك نبي منها كعك حلو ومالح ومقروض وكمية كبير 400 طرف اظني يسد
ليلى: يسد يسد
منى: أنا نديرلك نوع أو نوعين
نجاح: ايه كويس تهنيني عليهم والله واكله همه هالعرس
ليلى: مادوري شي احني خواتك معاك لما بالديري حاجة نادينا ماتخليش كله عليك والله يركبك الضغط مانافعك واحد
نجاح: ان شاء الله
منى: باهي وحلويات الثانيات من بيجيبهم
نجاح: قالت أخته بتجيبهم
ليلى: خلى يجيبن امالا بالديريهن أنتي كلهن
نجاح: أنا المهم خديت متاع الشاهي اليوم والباقي مادخلني في شي
منى: نسينا ماقلناش لفاطمة بالك تجي
نجاح: ايه والله حقا
ليلى: ترا فكينا منها
منى: مادوريهاش والله ماعندك ماتقولي عليها
ليلى: باهي أنا العافنة فيكن كلمن قصدي نبوا لمة وخيات بس
نجاح: كلمت فاطمة وقالتلهن تو نجي
نجاح: خطرها يامنى لو بنتك ماتبيش الفيلو متاعها نبيه لقمر تلبسه شدت فيا قلتلها ماتاخديشي بتلبسه مرة وبتحدفه في الدولاب
منى: تاخده بكل قمورة صغر عليه بنتي
نجاح :باهي ربي يجبر بخاطرك
ليلى: ليش أنتي نجاح محتاجة فلوس
نجاح: لا عندي بس يومها طلعن والفلوس يالله شريتلهم بيه اللازم ومالحقتش شريت لروحي
منى: هذا اهمالك ديما ناسية روحك لأمتى بتقعدي هكي يانجاح
ليلى: أمس لقيت سلفتك وداد ياحنة جاية تصبغ وتحجز في الحنة والمزين للأربعاء والخميس ونهارك أسود على دمتقلك أحرف كان ماحتى أنتي تمشي تغيري هالخليقة لرايحة تهرب
نجاح: باهي قوليلي وين نمشي وشن ندير
منى: هذا يوم الأحد الجاي تمشي تحني وتصبغي وتقصي
ليلى: يوم الأربعاء تلبسي زيك زي الناس وتقعمزي
منى: والخميس تلبسي قفطان أنيق وحلو والديري تسريحة وتهفتي
نجاح: وندير هذا كله والناس يتفرجوا عليه وخلاص أو كيف فكرتن
منى: في عرس حماتي جابوا سفرجيات ثلاثة أيام ماشاء الله يجنك العشية وريلهم شن يحطوا وشن يديروا غلفيلهن كل شي وهنا يصبن ويمدن بس ويغسلن في الماعين
نجاح: باهي هذي انحلت والغداء والعشاء أقل شي نبوا حد يطيب
ليلى: نعرفلك وحدة الطيب ماشاء الله جابوها في سلفي وحتى من جيرانا بعدها جابوها نحجزوها ثلاثة أيام الثلاثاء والأربعاء والخميس يجوا بنساوينهم أنتي أعطيهم وقولي شن تبي واطلعي لعند تلقي غداك وعشاك واتي
نجاح: زعمك هدوما قديش يطلع حقهم غبارتي السودة النودة
منى: تبي صحتك أو لفلوس أنتي
نجاح: تفكر لالا باهي كلموهم أحجزوهلي خلاص
ليلى: من وين بنشاورك ناقص كان أنتي تحرقي دمك وهنا مبردات

دق الباب مشت نجاح: تفتح اهلا فطومة تفضلي
فاطمة :يزيد فضلك
خشت سلمت على حمواتها وقعمزت كيف حالكن
ليلى ومنى:  الحمدلله كيف حالك انتي واكرم والصغار
فاطمة: الحمدلله بخير
نجاح: جابتلها عصير وقعمزت
فاطمة: ها نجاح شن قررتوا بالديروا في العرس
نجاح: بنحجز عند سلفة ليلى: حلويات الشاهي
فاطمة: أنا بناخد حق غسالات الماعين
منى: بنجيبوهن ثلاث أيام
فاطمة: قلت عليهم لأكرم قالي شوفيها وقوليلي شن ناقصها عادي ليطيح عليه ندفعه مش خسارة فيها نجوحة
نجاح: ان شاء الله نردهلكم  في فرح صغاركم يارب
منى: عيب عليك احني أهلك أكيد مش بنخلوك بروحك
فاطمة: وبنلبسك العربي يوم العزومة وبنعطيك سدرتي تلبسيها
منى أول يوم نحل
ليلى: وأنا مني أحلى قفطان
نجاح: شكرا ليكم
منى: ماتنسيش حقك واصل خدمتينا هلبا حتى أنتي أمتى بنردوهلك
ليلى: ايه والله امالا في عرسي لقريب تكسرتي وأنتي حامل بمحمد في وقتها لولا ستر ربي كمهذا الولد عدا فيها

مرت الأيام وجن أيام مشي باقي الأسبوع من غير أحداث روتين يومي

ليلى: الو نجاح وينك هاني طلعت للمزين مش نلقاك غادي
نجاح: حاضر اهو بنوتي روحي
ليلى: باهي هيا مع السلامة

نجاح: عامر
عامر: لاهي في التلفون نعم
نجاح: بنقولك نبيك ترفعني للمزين بندير شعري وبنحني
عامر: وخيره شكلك مافيه شي حتى بتزينيه
نجاح: بترفعني أو ماتبيش
عامر: باهي وين هو
نجاح: فرحت في شارع ###
عامر: باهي تو نرفعك وتي روحك
نجاح: مشت لبست وطلعت ووصلها عامر وهي في قمة السعادة مسكينها وأخيرا حصلت يوم تهتم بيه بنفسها
وصلت للمزين وبدو فيها تنظيف بشرة على صبغة توصيات من ليلى هي مهتمة بكل شي
.
.
.
يتبع