لعبة الزمن

لعبة الزمن 22

#لعبة_الزمن
الحلقة 22

أكرم: نبي نقولك على موضوع وأنتي قرري هذا مصيرك لأنه ليك ولصغارك 
نجاح: تكلم
أكرم: اليوم مشيت لعامر وقالي إنه ماعادش ليا علاقة بيكم وأنتي قلتيله هكي صح الكلام هذا
نجاح: ماتوقعتش الأمور توصل لهنا ولا ومعاود حتى لخوها ياعليك حالة وخلاص ... ايه فعلا أنا قلتله الكلام هذا لأنه هو يدير في شي مافيش حد يتحمله
أكرم: وماعادش يبي يصرف عليكم قصدي شن بيصير
نجاح :صغاري وأنا مسؤولة عليهم مش ناسيتهم لو هو ناسيهم ومش مدورهم والدليل سافر وسيبهم لاصرف ولا مصروف أنا نعتبر فيه نكرة بيه أو بلاه عايشة هذا لو بيطلقني مستعدة من اليوم لأنه بعد مالقيت الاستقرار مش مستعدة نرجع للحياة الأولى من جديدة مش مستعدة نرجع لحياته ونكون نكرة
أكرم: لو تطلقتي صغارك يرجعوله مسؤول عليهم ويتحمل مسؤوليتهم من غير نقاش
نجاح: حتى لو تطلقت صغاري مش حنسلم فيهم ونخليهم يعيشوا تحت رحمة مرأة ثانية لو بعت الناس كلها على خاطرهم تو أنت تقدر تبعد عن واحد من أولادك
أكرم: أكيد لا ولكن مش حنسيبهم ونخليهم
نجاح: حتى لا لو خدلتهم حتى أنا شن مازال تبيهم يعيشوا طبيعين أو بنخليهم يعيشوا طول عمرهم بيناتنا ومش عارفين كيف يعيشوا وأنا مستعدة نقعد معاهم لآخر يوم في حياتي لأني أمهم لتسهر على راحتهم راحتهم هي راحتها أنا بنخدم وبنقرا وبنصرف عليهم عشان نلقاهم في المستقبل مش حندفهم لبوهم وبعدين نقول صغاري وين وهذا لعندي لاغير
أكرم: تمام وأنا هذا لنبيه مهما كان نبيك قوية وضد أي شي
نجاح: غدوا بنمشي للكلية بنشوفهم شن منهجهم عشان نعرف وين وشن نقرا
أكرم: خلاص غدوا نمشي معاك نشوفوهم
نجاح: تمام هيا خش خلى نمشي لفاطمة
اكرم: هيا
خشوا هدرزوا وروحوا أكرم وفاطمة
وهي خشت الداخل
نجاح: غدوا الصبح بنمشي للكلية نبيكم تردوا بالكم من بعضكم تمام
أحمد: ماما غدوا بتمشي بتقري
نجاح: يمكن لكن بنمشي ناخد المنهج عشان نرتب أموري نقرا الاول الأول على الأقل نشوفه شن هو
محمد بالتوفيق أمي وبعتلها لايك
أمجد: ماما أنا متأكد إنك حتنجحي
محمد: حتى لو مانجحتيش فيه محاولة مرة ثانية لعند تنجحي
أحمد: ايه أمي ندعموك حتى تنجحي لأنك أنتي كل امتحان تدعيلنا عشان ننجحوا
نجاح: حضنتهم يسلم وليداتي ان شاء الله ننجح ونصفي أول بأول ونكون قدها
محمد: أمي القوية لايهابها شي
نجاح: ابتسمت بوجودكم معاي ناخد منكم في القوة أنتم مصدر قوتي وسعادتي في الحياة

في الصباح اليوم التالي :
نجاح نوضت محمد:محمد محمد
محمد: ناض نعم أمي
نجاح: أنا توا قريب نمشي وتيتلكم الفطور بعد ينوضوا خوتك فطرهم ودخلهم للحمام قمر وقدر
جهزت روحها نجاح وجي أكرم ركبت معاه ومشت للكلية
كانت تشوف فيها كان هذا مكان بعيد المنال عنها ماتفكرش حتى توصله بس اليوم خشتله برجليها وهذي كانت أول خطوة تخطيها نحو الصح
مشوا لرئيس القسم تكلم معاه أكرم وهي نجاح تشوف وتراقب برا شن فيه وشن مافيه تشوف في الممرات
أكرم: هي تبي تحضر حتى تتجهز للامتحان
ر.ق: عادي تتفضل تحضر تاخد الجدول وتحضر على حسب المحاضرات لكن حضورها أو غيابها مش محسوب عليها بتخش عالفاين عالمية
أكرم :ايه هي فاهمة كل شي غير تبي تحضر الدروس عشان تلحق تقرا
ر.ق: الجدول معلق برا وتشوف محاضراتها وإذا كان اليوم عندها تحضر معاه والتابع لماتبقى من محاضرات قبل الامتحان وتاخد المنهج من الكشك
أكرم: تمام بارك الله فيك دكتور السلام عليكم