#لعبة_الزمن
الحلقة 20
طلع محمد بوي أنت روحت
عامر اهلين محمد ايه روحت وينكم مش واتيين
محمد وين بنمشوا
عامر للمدرسة
محمد بوي راهو عطلة توا
عامر كملتوا قصدكم
محمد ايه كملنا الخميس
عامر باهي كيف حالكم أنت وخوتك
محمد باهيين الحمدلله
عامر امالا هيا بنمشي للخدمة أنا
محمد باهي مع السلامة
عامر تلفت شاف سيارة استغرب فيها لكن يحسابه خوها جايهم أو لقطة طلع ومشي لخدمته
خش محمد
نجاح من جي
محمد هذا بوي
نجاح بوك روح هو
محمد ايه وجاي بيرفعنا للمدرسة قلتله عطلة
نجاح ضحكت هذا وين قاعد يحلم
محمد شن اليوم صار بنمشوا مع خالاتي للمنتزه
نجاح مادام بوكم جي اتصلوا بيه أنا مالياش دخل
محمد باهي تو نكلمه
نجاح خلاص تم امالا خلي النوض خوتكم وكلمه وشوفه لانه الساعة 10 نكونوا غادي
محمد باهي خدي تلفونه ورن على بوه الو بوي
عامر نعم يامحمد
محمد بنقولك اليوم بنمشي للمنتزة وبنسالك عشان بنمشوا مع خالاتي
عامر وين أمك
عامر لود ورجع للحوش
نجاح شن صار
محمد مش عارفة سكر عليه
نجاح هيا ابدا ارفع معاي الحاجات في السيارة تو نشوفوه بعدين
بدي يحطوا في لبيرفعوه والصغار نايضين لهذا فرحان أكثر من الثاني لعند درست سيارة عامر
وكانت نجاح واتية لابسة عباية وخمارها
درست سيارة عامر
نجاح خافت منه ونزل كان قارن حواجبه وتدعي على أيامها السود الجاية ... نجاح كوني قوية كوني في وجه عدوك زي المرصاد دافعي عن حقك دافعي
وصل فيها عامر نجاح
نجاح من الرعشة نعم
عامر يشوف فيها لابسة خمار ويحطوا في الحاجات في السيارة وبجنبها محمد والصغار الأول الأول بيطلع ... لوين متسقدين ومن أمتى تلبسي في خمار ولمن السيارة هذي
نجاح تلفتت لمحمد محمد أرفع خوتك وخش للحوش
محمد مانبوش نبطلوا بعد مانبوا نمشوا
نجاح تبي تمشي لم خوتك وأرفعهم من قدامي بسرعة
محمد خدي خوته وأرفعهم لدارهم
أمجد ماصارش صح بوي جي
محمد لالا صار غير أمي بتتفاهم معاه بس وبتكلمه
نجاح تفضل توا تكلم على شن تبي تسأل
عامر أول شي حولي لعلي وجهك وبعدها نتكلموا
نجاح لعلي وجهي من وقت طويل نلبس فيه هذا دليل هلبا تشوف فيا السؤال لبعده
عامر لمن السيارة هذي
نجاح السيارة هذي ليا أنا وشريتها بفلوسي
عامر غيب ياقط ألعب يافار تخليني نغيب والديري لفي راسك هذا بس قاعد ماطلقتكش كان طلقتك امالا شن درتي
نجاح أنا مانسمحلكش تهيني أنا الحمدلله لا درت عيب ولا درت سيئة ولا حاجة توطي الراس خديت السيارة بموافقة الكل وكلهم مؤيدين للسيارة
عامر وأنا وين وليش ماخديتيش إذني
نجاح وين وين كنت يابيك حتى بناخد إذنك كنت تدهور مع السندريلا ماحبيناش نزعجوا رحلتكم الحلوة
عامر ضحك على جنب مقهورة أو شني توا
نجاح ماعمريش حننقهر أكثر من نذالتك وين كنت مسيب صغارك وين لامخليهم لا مصروف ولا إكال ولا مسيبلهم حد يوصلهم للمدرسة ويروح بيهم هذا كله جاي تحاسب فيا عشان خديت سيارة خديتها من القهر من حقارة راجلي لمشي وماقالش حتى وين أو كيف ندبروا روحنا أو كيف هالبنادمة شن بتوكلهم لا هم نفر أو اثنين مسيبهم ست أرواح في رقبتي نقعد نتفرج عليهم وساكتة يوم الأحد لقبل شهر فات كان أولاد الحلوين طالعين يستنوا فيك عشان ترفعهم للمدرسة بس للأسف طلع بوهم لا مدورهم ولا سأل عليهم مسافر وجاي اليوم بيرفعهم للمدرسة بالك تحساب وقف الوقت من هذيكا اللحظة ويوم الأحد هذا وين جي
عامر جيت اليوم نحسابهم قاعدين يقروا وين نعلم بيهم
نجاح شهر ياعامر شهر بحاله من اليوم ماعادش ليك دخل فينا ابدا كلامي مفهوم نسوق سيارة طيارة قطار مادخلكش فيا أنت انتهيت بالنسبة ليا انتهيت ولي أمري هو خوي أكرم ولناخد منه الإذن وخديته منه لما خديت سيارة وتعلمتها وبارك الله فيهم كلهم كانوا يدعموا فيا
عامر بالسهولة هذي لو ماتبيعيهاش أو الديريلها حل لما نكسرها
نجاح ماتقدرش ولا تقدر تحط صبعك عليها
عامر شن يمنعني
نجاح أنت تزوجت وشفت حياتك صح لو في يوم وجي حد من أولادك وكرهك ماتلومش حد غيرك بأفعالك هذي كرّهت الكل فيك في يوم كنت مستمتع بأجواءك الجميلة ورومانسيتك مع الهانم لمتزوجها كان في ولدك ليبي يمشي المدرسة وكان في ولدك ليبي أدوات وكراسات للمدرسة كان فيه أولادك ليبوا ياكلوا ويشربوا وكان فيه بناتك وكان يبوا حفلة عشان كملوا امتحاناتهم هذا كله يمنعك لو سمعته يومها مجد يقول بعد مامشي بابا الحوش حلو شوف كمية المعاناة لكنت مسببهلهم وحارمهم من كل شي هذوما ليبوا يتفسحوا ويتدهوروا وليهم حق عليك يجي يوم ويسأل الراعي عن رعيته شن تجاوب أنت كنت ندهور في المدام الجديدة هيا توكل لخدمتك وصغاري حرة فيهم اعتبرنا درنا حادث شنيع ومتنا احني السبعة وخشت الداخل نادت عليهم محمد أحمد قمر هيا كان بنمشوا
مجد يشوف لبوه يعني بنمشوا صارلنا
نجاح وهي تشوف لعامر ايه صارلنا بنمشوا وماعاش من يمنعكم الناس تتفسح ويسافروا بيهم وأنتم حتى في البلاد مانعكم حلوة هذي هيا اركبوا
أنت تقرأ
لعبة الزمن
ChickLitرواية ليبية خيالية فيها معظم الأحداث من الواقع الليبي تحكي عن زوجة حضرت جميع أنواع القدر وأقساه من لعبة الزمن
