الخفة لي فيا دارتها ليا ❇️مكتملة❇️

❇️الجزء 28❇️

الخفة لي فيا درتها ليا 🎈
🖋️بقلم :رميسة عبيدين & Safae Safae 🖋️
❇️البارت 28❇️

لبنى: (بقات تبرقق في عينها جاو يكحلوها عماوها ياله بغات تعتاذر من صوفيا وهي تصدم من اش قالت منال)😓
منال :(بسرعة وضحكة غبية ):الا حنا ممحتافلينش بيك حنا محتافلين بلبنى احم قصدي راجلي هو ماسحي و حيت ليوم حفل ختان تاعو 😁 وغنختنو لبنى
صوفيا: (مقدراتش تحبس وهي تكرشخ بالضحك)هههههه

لبنى يلاه بغات تلاح على منال بنتفة وهي تشوف ضحكة تاع صوفيا وتهدنات اخيرا ضحكات باقا كتامل مع راسها حتا ترفعات بشمال من عند منال لضرباتها بنص وشنقات عليها
منال :(شانقة على لبنى )صوفيا شدي معاها هادي ندخلوها الاسلام
صوفيا :(نسات مشاكلها وعاشت لحضة معهم كيف ديما لبنات لي تيخرجوها من ضلمة حياتها )شدي جري من تم نقصو ليا من داك الحشون اصلا غير زايد ماعندو فايدة
لبنى:( تترطا) وتوما طلقو واش درتوها بصح غير ضاحكين واااااعباااد الله باغين يختنوني اااععع

جروها لبنات وعلقو ليها رجليها في ديك زعلولة وربطو كل واحدة بوحدها بقات فركا رجليها وضهرها وراسها في الارض
صوفيا؛ممم أنسة تقدري تزيحي ملابس باش توضاح لينا القضية
لبنى: اويلي اويلي واش داوين بصح
منال :(هبطات ديك لباندة على نيفها على شكل كمامة وهزات لبنى جلابة لي لبسة وهبطات ليها ديك لبرميدة لي لابسة بقات قدامهم غير بسترينگ سدو نيفهم) يوف
صوفيا : اللطيف اللطيف اتي مالك اختي ساكنة في بلاد لاحونا لا ماء لا طاحونة واش معندكم لا صابون لا جافيل لا مازوط شعلي فيه غير عافية ومتخليهش اختي في هاد الحالة
لبنى: (وقفات بزز ملي حلات ليها منال )اويلي من نيتكم هاهو على مزيناتو (هبطات تتشم فيه )واصلا فيه غير ريحة لمسك
صوفيا :لوا ريحة مسواك باينة عندك فاخري ماشي غير كحل
لبنى: (بغات تبكي )لا والله ما فاخري والله حتا نقي هانتي اجي شوفي (باغا تعريه توريه ليهم توتو تعها )

صوفيا :(سهات في برائتها وكفاش دغيا تيقاتها) غير كنضحك معاك
لبنى:( جراتها حتى تلاحت عليها) حبى سمحي لينا عفاك
منال:( تلاحت من فوقهم معنقاهم وبداو في بكاوات) عافك فين صوفي سمحي لينا نتي عارفة بابا فاش مشا لكميسرية وعرف اش درنا جا مخلا فيا غير لي نسا سلخني نيت وكان ايهرسني من ضهري وسد عليا فطواليت والله ما لخطري موقفت معك
لبنى :(كتبكي حتا هي) حتا انا اختي والله حتا ماما سلختني وقالت لياا لعاودت هدرت معك اتسيفطني لبلاد عند جدة ومبقاش نحلم نقرا ولا شي حاجة وانا طريت ندور فيك
صوفيا :انتوما لي سمحو ليا انتوما تستاهلو صديقة احسن مني سمحوليا حملتكم دنب لي وقع فيا ونسيت بلي انا لي فيا الخفة وبقيت نطير حتا جبتها فراسي ولي بان ليا كنوض لوم فيه نسيت بلي انا سباب راسي فلي وقع ليا
منال ؛متقوليش هاكدا انت هي الكبدة بلا بيك منساوو والو ولي وقع نسايه وحياتك مغديش توقف عند هداشي
لبنى :اه انت ماشي صحبتنا انت راك ختنا و انت راك في مقام ماما نتي لي كتوعينا اه ولي وقع كان بزز منك ونتي معندك دنب فيه حاولي تنساي وعيشي حياتك عادي وربي مغديش انساك اختي حيت عارف اش فقلبك