الخفة لي فيا دارتها ليا ❇️مكتملة❇️

❇️الجزء 26❇️

الخفة لي فيا درتها ليا 🎈
🖋️بقلم :رميسة عبيدين & Safae Safae 🖋️
❇️البارت 26❇️

محمد :احم بنتي فراسك قريب تبداي القراية اتحاولي ل رباط وتخلي لينا لقنط
صوفيا :كل عطلة تلقاني جاية عندكم ندير لكم شغب تاني
نزهة:حتا حنا بنتي كل شوية نجيو نطلو عليك احم كون غير لقينا كيفاش ونتحولو معك لتما مي خدمة دباباك هنا
محمد :اه كوما لخدمة نتحول لتما مي متخافيش بنتي اتمشي معك ماماك تجلس معك حتا تولفي

صوفيا :ان شاء الله

كلاو الفطور وقفات صوفيا تجمع لمواعن جلستها ماماها حيت قالت ليها بلي راكي عيانة غير جلسي رجعات صوفيا ل بلاصتها وجلسات وهي غير مهمومة محمد ونزهة فسرو هداشي بلي ردت فعل منها حيت هي عرفات بلي هوما ماشي ولديها وخبتها شحال ودبا وجهاتهم بيها عادي تنعازل هكاك وتبقا غير تخمم مفراسهم بلي بنتهم مخبية حقيقة عضمى كتر من لي فبالهم صوفيا كتخمم لمشاو حتا عرفو اش وقع اش ايوقع فيهم

دوزات صوفيا اسبوع فدار وهي غير مهمومة وكلمها قليل محمد ونزهة خلوها على خطرهم مبغاوش اوركو عليها وقالو ربما حيت لبنات تخصمو معها دكشي علاش مكتخرج مكدرج

بعد مرور اسبوع
صوفيا سمعات دقان فالباب شي لي فيقها هزات رسها شافت فساعة لقات شي ل 11 وقفات مشات لدوش غسلات وجها وخرجات بانت ليها ماماها طلعات فدروج وتبعها الام تاع لبنى والام تاع منال ومعهم منال ولبنى

شافتهم وقفات

السعدية:صوفيا بنتي لباس(كتسلم عليها وصوفيا مديراش حتا حركة).

سلمات عليها الام تاع منال ونزهة طلبات منهم اجلسو جلسو وصوفيا جلسات كتشوف فهم.

الام تاع منال:بنتي صوفيا احم سمحلينا عافك بنتي على داك نهار كتعرفي عمك يوسف فاش كيتعصب ودكشي لي درتوه مكيدارش ابنتي دكشي علاش دار فيك.
السعدية:حتا انا بنتي سمحليا على كلامي راه لحضة غضب ولسان مافيه عضم

منال :(كتشوف فيها) صوفيا لباس عليك

صوفيا مكتهدر معهم موالو
نزهة:باينة مقلقة منكم نيت وشوفو كيف ترضيو لي بنتي
فاطمة:(الام تاع منال) اتسمح لينا صوفيا قلبها بيض وحنا جينا نطلبو منها سماحة اه وجيت نقول ليكم بلي قال ليكم يوسف بلي ايهدر مع سي محمد امشيو رباط اقلبو لبنات على الكرا كتعرفو لقرية غتبدا
السعدية:اه وغنطمنو على لبنات فاش يكنو مع صوفيا احم وخا عرفنها مشاغبة وشيطانة ولاكين هي بعقلها وكتسلك رسها ولبنات ايكنو فامن معها

صوفيا:(سمعتها وهي تزير على يدها) لا غير سمحو لياا انا مكنسواش ومعندي منسلك ولا باش نفع بناتكم
(وقفات بغات تمشي وقفات لبنى ومنال تلاحو عليها)
منال :سمحلينا عافك صوفي متقلقش منا اه من بعد نهدرو(قالتها ليها بهمس)
لبنى :سمحلي لينا ختي