الخفة لي فيا دارتها ليا ❇️مكتملة❇️

❇️الجزء 109❇️

الخفة لي فيا درتها ليا 🎈
🖋️بقلم :رميسة عبيدين & Safae Safae 🖋️
❇️ البارت109❇️
ادهم : اش نقول ليك كانو صحة سلام غير دخلو وهوما ينتاشرو ليا  ماعرفت شكون نتبع من شكون  بداو يجمعو في الحوايج كيف ما كانو ديال الدراري ديال البنات ديال صغار ديال كبار وكل وحدة دخلات لغرفة  تلبس وناس كتسنا فيهم اخرجو شدين نوبة  اش نقول ليك اخويا هود وحدة تلبس حوايج رجال ولخرا حوايج دراري صغار وحدة تلبس حوايج لعيالات ويخرجو يبداو يضحكو ويمتلو بحال فمسرح محمد الخامس وناس تفرج فيهم وضحك انا ملقيت فين نعطي وجهي

منال : زدتي فيه حنا غير تلفنا يصحاب لينا حوايج لبنات ولبسناهم
هود : سكتونا انتوما  لي منكم البلا اما صوفيا ديك نهار خرجات معايا كانت بعقلها
صوفيا : هاااا الله يجيب لي يقول لحق اجي عندي نعنقك اجي ( شافت ادهم خنزر فيها وهي تسكت)
ادهم : نزيدك مزال  ملي جات عندهم مشرفة دارو بيها منعاودش ليك اش دارو فيها كون مادخلت  بفلوس وفكيت جرة وملي قلت ليهم اجي نخرجو مابقا عندي الوجه لي نزيد فيه شي دقيقة تما بداو يتغبنو ليا قالك مزال ماخداو لي بغاو اما مراتك لي كتقول بعقلها  طاحت الارض وتمرغ برجليها ملي شفت هكاك عاد خليتهم يكملو 4 سوايع 4 سوايع وانا جالس على كورسي نتسنا فيهم اساليو
هود : (شاف فيه وفالبنات لي كيدور فعنقهم نطق بكل برود) صافي غير هاد الشي اللي دارو
ادهم :(خرج فيه عينه ) هاد الشي كامل ومقدكش لهلا يزيد كتر
هود :, اودي ماشتي والو كون نعاود ليك اش دوزو عليا انا يجيك هادشي عادي
لبنى : شتي قلت ليك راك غير  غادي تعدب راسك وتبرا ليه منا ماينفعك ميدرك
هود: (صنكعها لكفاها ) هانيونا من الهضرة وكولو  باش نرجعكم لدار
ادهم:(كيشوف فهم كيف َياكلو وهدر مع هود) اربي واش هدو فعمرهم 18 عام اخويا اربي واش صوفيا مزوجة وحاملة وهدا جوجات باغين يتخطبو بغيت غير نعرف واش بصاح هداشي بصاح كيف دارو ليها لا بزاف
هود:ههههه وييه وانا براسي كنسول هدا سؤال ملقيت ليه جواب
ادهم:لا بزاف باز ليكم معهم وباز ل عز وعادل لي شايفينهم كيف ديرين وباغين يخطبوهم
منال : مالك حكرتينا اخويا ولا كيفاش
ادهم:لا ماشي حكرة غير هو راه بزاف دوزت معكم نهاو شداتني شقيقة دكشي علاش كنفكر ل هدوك لي ايبقاو معكك مذا الحياة
لبنى:راه سعداتهم بينا انقتلو ليهم الملال من حياتهم شكون فحالوهم
ادهم: وهداشي باش سليتو معيا لهدرة عندكم تقنعو بيها بنادم وخا معرفت اش ايكون (شاف فواحد ختو خاريج تغطية وهمس ل هود) شوف واحد خاريج تغطية تقول كاع مكنهدرش عليها
هود: خلي هديك راه لعب عليها لهرمون دالحمل 
صوفيا(كانت خارج تغطية كيف قال أدهم  حتا هزات راسها نطفات ) بغيت الخل 🙂
كلهم شافو فيها هي لي كدور في عينها
هود : اش بغيتي الخل ابنت ناس
صوفيا: شكون قال ليك انا لي بغيتو راه ولدك اسيدي قالي باغي نشرب الخل انا مالي
هود: جلسي الارض من الفشوش
صوفيا:(بهدوء )واحد من زوج يا اما تجيب ليا لخل ولا نجيبها في ولدك قرعة ديال خل قد هاك ( عبرات ليه بيدها ) ختار تجيبو نشربو ولا نخرج فيه توحيمة مصورة فيها قرعة دالخل

منال : اه بصح جيب ليها لي بغات لا تجيب لينا شي ولد فيه توحيمة ديال قرعة ديال الخل خايبة حتا لتعاويد ولدك مصورة فيه قرعة دالخل
لبنى : ويلي غادي تجيه مخيرة ياخدوه مالين شركة ديال الخل يدير ليهم اشهارات ويصور فلوس  ايكون  غاني من صغرو
هود (بغوات )؛لووبنى

اصلا عصبو هاد لوحم ديال صوفيا لي معرفها منين كتجيبو وزادو عليه لحلاقم بهضرتهم
صوفيا: ( جمعات لبكية ) ونووض جيبو ليا دبا
ادهم:(طرع فمو فيهم) سبيطار متنقل صافي حسن عونك اخويا

هود :اللهم طولك ياروح(تنهد وناض  سول مالين مطعم على لخل لقاهم عندهم  وطلبهم يعطيو في شي كاس ويزيدو فيه ما باش يتخفف شوية وجابو ليها غير  شربات منو شوية معحبهاش ورجعاتو ليه)
صوفيا: اووف خايب مابغيتوش صافي
هود : كضحكي على ملتي دبا  ياك
صوفيا:(بعنج )لاءح
لبنى:صوفي بب توحمي على شي قصرية درفيسة راني مشهياها ابب)
هود::(كملتها عطها لرسها) تقول بغتها برب حتا تنوضي توجدي فيها اشنولة
لبنى :اي مالك علاه اتصعاب علينا راه نوجدها ليها مي بشرط تمشي تبات معنا ونديرها هدا ليلة اش بان ليك صوفي
هود:) بان لياا نعلق موك البرهوشة  نوضو تلاحو لداركم بايتة معكم ول لبارح تبعتوها بتو معها لبارح ودبا كدوري تجريها تاني راه كتقلبو عليا (شاف صوفيا اتهدر وقف وجرها معه) تقولي اتباتي معهم نقصم موك
صوفيا:لا غير بغيت نقول بغيت الكلاص  اما نبات معهم منقدرش حيت بغيت نشوف عنيك فصباح
هود :(بتاسم ليها ومشا شرا ليها الكلاص) كنحبك انا

لبنات كملو المكلة مناضو حتا مسحو طباسيل  جمعتهم دكشي لي شراو  وناضو كل واحد مشا لقنت لبنات وصلهم ادهم حيت دارهم  في طريقو وهو داز لسبيطار عند خوه وصوفيا وهود مشاو لعشهم زوجية 

فرحانين مع بعضهم صوفيا جاها الوحم على هود وهو فرحان بالحمل وعلاقتهم لي بدات تقاد شوية ب شوية  كيوصلها كل صباح لافاك وتما كتلقا مع البنات لي كيفوجو عليها وينشطو ويضحكو  اما حتا دراري عز وعادل تشغلو فهدا الاسبوع مع صفوان وعائلتو وقفو معهم وفنفس لوقت كيوجدو لخطبة  هكا داز اسبوع عليهم

داز اسبوع بضحكو ولعبو وفرحتو  وقرحتو على شخصيات قصتنا
نبداو عند هود لي صوفيا خرجتها  منو فهاد الحمالة كل مرة توحم على حاجه يا ببوش ولا رمان لي ماشي وقتو  خلات سي هود لي كيمتل الامن في بلد ولا بحال شفار كينقز على فيرمات باش ياخد رمان حيت  عيا مسكين ما يدق مالقا حتا حد لي حلو مبقا عندو  حتا خيار اخور من غير انقز صور ويجيب ليها لرمان وخا باقي مطايبش  وهي غير تاكل  منو شوية وصافي يطلع ليها في راسها مهم شطحاتو مزيان مسكين هبلاتو