الخفة لي فيا دارتها ليا ❇️مكتملة❇️

❇️الجزء 27❇️

🎈الخفة لي فيا درتها ليا 🎈
🖋️بقلم :رميسة عبيدين & Safae Safae🖋️
❇️البارت 27❇️
صوفيا:(وقفات وبدات دفع فيهم) خرجو تقو&دو عليا برا
لبنى :مخرجينش حتا نشوف هدا زمر تاعك الق&بة (كملتها حسات بحنكها عواج جتها تصرفيقة من عند صوفيا دورتها شدات فحنكها وهي دور شافت فيها) اش درتي مال زا&مل بوك دوي القلا&وي (مشات ليها غتبدا درب فيها وصوفيا جمعات ليها يديها ودفعتها كانت اطيح لبنى كون ما منال شدتها).
منال:(شدات لبنى وهي تنطق) دبا واش كدري هداشي حيت درنا فيك داك نهار راه بسبابك كلينا العصا وتحيدو لينا تليفونات وتحبسنا فدار حتا كملات العطلة اش ذنبنا لاش كدير هكا معنا لنتي هدرك لي عايشة معهم ماشي ولديك ومكيهمكش مشاعرهم ولا كلامهم واخا يقلو ليك مدريش لحاجة ودريها حنا راه وليدينا لي من لحمنا ودمنا وهوما قالو لينا منبقاوش نهدرو معك ودرنا بكلامهم اشنو. (قبل متكملها حتا هي حسات بطرشة لحنكها)
صوفيا:(شافت فيها بعنين حمرين نطقات) برا خرجو عليا برا انا وياكم مبقا صحبة بنتنا ومبقا حتا حاجة كتجمعنا ولشفتوني كريت معكم راه ماشي حبا فيكم راه غير بغيت نوفر فلوس لكرا على هدوك لي قالتي عليهم ماشي ولديا انا بغيت نقص عليهم لمصاريف ومبغيتش نكري بوحدي قالت نكري معكم وكل واحدة تخلص شوية حيت دار اتجي غالية عليا بوحدي وهدا هو شي الوحيد لي خلاني نتجمع معكم من بعد ذاك نهار انا دربت عليكم كتسمعو دربت عليكم ودبا تقود**و عليا برااااا
لبنى :(شافت فيها كيف كتهدر ودموع نزلو من عنيها اول مرة يشوفو دموعها نطقات) صوفيا داك نهار لي قالتو كان بزز مني حيت ماما كانت واقفة ومن بعد فاش دخلت بقا فيا الحال وحتا تليفوف بغيت نعيط ليك خداتو ليا ماما وفاش جات خالتي نزهة تسول عليك تشوشت عليك والله العضيم ولاكين ماما سدات عليا وخرجات ملقيتش كيف ندير نخرج وماشي ذنبنا منال غير تعصبات ومعرفاتش توصل ليك حنا راه خوتاتك صوفيا وحنا توعدنا عمرنا نتفرقو ولا نتخلاو على بعض
صوفيا :(بدموع) نتوما تخليتو عليا انتوما جريتو عليا وعطيتوني بضهر فالوقت لي كنت محتاجكم فيه فالوقت لي خرجت لي فقلبي وقالت لبابا وماما بلي انا عارفة الحقيقتي وعارفة شكون انا هوما بغاو يوسيوني وانا خرجت قالت لهم نبدل لجو مشيت عندكم حيت نتوما لي اتفهموني وتواسيوني حيت نشركت معكم كولشي من صغري وانا نعاود لكم ونتوما كتنسيوني همي جيت عندكم ودرت عليكم وحدة بوحدة فالوقت لي ضعفيت فيه وبغيت لمن نشكي ملقتكمش حسيت داك نهار بلي خصرتكم بسباب داك زام&ل ومشيت نتاقم منو درت بيه بلاغ بلي غتصبني وهو معطلنيش فرعني (لبنات كانو كيسمعوها ويبكيو معها حتا سمعوها اش قالت وهوما يشهقو وحطو يدهم على فمهم) كولشي بسبابكم كون غير وحدة فكم سمعتني غير جوج دقيق مكنتش انمشي نبرد عصبيتي فقونت اخور ونجيبها فراسي
لبنى :صوفي حبيبة. (بغات تقرب ليها وصوفيا رجعات لور).
صوفيا:لا بلا متقربي انا مبقيتش محتاجكم دبا لي عطا الله عطاه تقدرو تخرجو عليا من هنا بغيت نعس
منال:صوفيا سمحليا عافك
صوفيا:برا (شيرات لباب لبنات فهموها وخرجو وخلوها بوحدها هي لي رجعات نعسات وكتبكي)