الخفة لي فيا دارتها ليا ❇️مكتملة❇️

❇️الجزء 82❇️

الخفة لي فيا درتها ليا 🎈
🖋️بقلم :رميسة عبيدين & Safae Safae 🖋️
❇️ البارت 82❇️

وقفين لبنات عند لباب تيتوادعو معها ويوصيو فيها دير عقلها
هي قالبة  عليهم وجها حيت مبقاوش معها
لبنى : ديري عقلك اساطة ومتبقاش شادة معاه ضد باش مايخلطش اصلك
منال :اه بب و عطي فرصة  لداك لقليب عندك راه غمل مسكين 

خرجو وخلاوها غير كدور في دار مالقات مادير
صوفيا: الشيخات قاهريني بي نديرو خطة نعصبوه نخليوه يطلقك ويديه فوق راسو نخليوه اندم على نهار تزوجك حنا معك اصوفيا وديما ودابا جالسين تيقلو ليا عطيه فرصة حبيه  بغيتها تعطاه ان شاء الله

تافافات ومشات دخلات كتشوف فروينة لي دارو فالكوزينة بتسمات بشر ومشات تكمل عليها جلسات كتقاد فطارة ورقية وتزلعهم فدار وتحط فوق الماء لبطوات ولا تكمش الوراق وترميهم حتا سلات داك دفتر  تاع 100 ورقة وهي تنوض كتكسل وتجبد فضلوعها حسات بريضا فاش ردات دار بحال شي مزبلة حسات بضهرها درها مع تحنات كتقاد فدكشي زائيد المصايب لي دازو عليها هدا نهار طلعات لبيت وهي دخل ل  دوش قرقرات دوش باش ترتاح  دخلات ليه  من بعد ما وجداتو مزيان عاد دخلات ضربات ب تدويشة ديال القلب خرجات منها سباكيتي ديال طاليان
خرجات وساست لعكز ودهنات الكريمات عجباتها ريحتهم جاها لملال قالت تهلا في راسها شوية
لبسات دوبياش في الابيض ومعاه كسيوة قصيرة بيتية فالغوز  زوينة
وتلاحت على سرير تتخربق في تيليوفنها من بعد نانشفات شعرها بسوشوار وخلاتو مطلوق على راحتو 

عند هود لي سلا الخدمة مع ديك 6 ورجع لدار ارتاح وصلو الخبار على صفوان اش واقع فيه قرر اخليه بلا ميحاسبو بركة غير عطبو يعني ديك مذكرة تاع الاعتقال لغها  صافي خلاه لي فيه كافيه  رجع لدار اشوف المصايب لي خلا فيها اش دارو فيها هو عارف بلي مدام تجمعو اكيد ايدروها قد راسهم

وقف هود بلوطو قدام الإقامة هز راسو شاف الوضع هاديء وناس غدين عادي فشاريع

هود:الحمد لله مشعلوش العافية (نزل وعطا سوارت تاع لوطو لحارس ادخلها لكاب فيه بركينك وهو دخل وطلع فسانسور وصل لقدام لباب تاع در كيسمع الهدوء شككوه فراسو واش خرجو حل لباب باش أعقد حجبانو فاش شاف در كيف المزبلة بالاوراق فكل بلاصة

هود:عرفتهم مجموعين على خزيت ودبا انعاود لمهم ترابي يلاه صباح قالت دارو عقلهم وجدو الغذا دبا وجدو ليا شغل فدار   صووووووفيااااا  هدي فين ياكما خرجات هي ودوك الحلاقم(غوت ب سميتها والو حيد لافيست لاحها فوق الفطوي وطلع لبيت اشوف واش كينين فيها ولا خرجو)

هود طلع مع دروج وهو صعر ملي شاف دارو كيف رجعات الوراق معمرين الصالون اما الكوزينة بلاما مانهضرو عليها
هو بحكم كان ساكن بوحدو كان موالف النضام وترتيب ومكيحملش لفوضة و لحاجة فينما حطها كتبقا دنيا ديما نقية عندو  بحال عايشة معاه مرة كتجمع دار و هادشي علاش مابقاش كيتحمل روينة طلع ساخط في الدروج ومعول ليوم يشركهم كاملين يحيد منهم كاع هاد لفعايل نيت شحال هادي  معطاهم شي سلخة غادي وكغوت ومرة مرة ايقول ياكما خرجو لبرا جاي وناوي على اخزيت سوا لقاهم فالبيت سوا لقاهم خرجو ليوم افرشخهم