🎈الخفة لي فيا درتها ليا 🎈🖋️بقلم :رميسة عبيدين & Safae Safae 🖋️
❇️البارت 11❇️
دفعو البنات الطور حتى ديمرا وعاد ركبو ورا صوفيا لي قلعات موقفاتش حتا وقفات قدام واحد المحال ديال الالات الالكترونية دخلت وخلات الموطور خدام والبنات معرفينها علاش داخلا بقاو اتسنوها تما حتى خرجات
صوفيا :(مكملاش 5دقائق رجعات عندهم فيدها واحد الكرطونة صغيرة)مالكم انتوما اش كاين
منال :اش شريتي ومنين جاوك الفلوس بعدا
صوفيا: (طلعات الموطور وزادت مع لطريق) اوا ياختي الله يخلف على زماني هو لي عطاني لفلوس
(لبنات غير شدين فيها لاتلوحهم لشي جيحة وسكتو ملي سمعو زمنها فالموضوع حيت لعودو سولوها اتبدا طلق عليهم سلوكيات ومتركزة مع طريق حتى دخلهم فشي بوطو وقفو البنات قدام العمارة لي ساكن فيها هود بلاصات صوفيا الحديد حدا واحد الحيط مخبين وجلست تتقاد لمنال في ليكيت فودنيها)
صوفيا :(تتقاد ليها ليكيت في ودنها وتخشي سلوكا لصدرها خبات ليها تليفون تما )عرفتي احبي منال هادو اشنو هوما ياكي الى مشيتي حتا قلتي شي حاجة ماشي هي هاديك مشيتي فيها
منال :اش عندك ماديري ازين ها (بطنز)
صوفيا :(جبدات واحد صاعق من الكرطونة هو لي خداتو من داك المحل دير كيف البراصلي ركباتو ليها فرجلها ووقفات شافت فيها بشر)غادي نزنز الحبيبة ديالي بهادا
منال :(شحال من مرة ضربها الضوء ولات عندها فوبيا منو)حرام عليك ازمرة واش باغا تقتلينا عاد تزوجي انت. ولا اشنو
صوفيا :(كتسبسب في عينها)واش غادي ندير راني تنغير على حبي صبري معايا وحدري عينك الي قالها ليك ديريها غلط صغير نسوطي ختي بالضو 😌
لبنى :(غير كتشوف وحابسة ضحكة على منال خصوصا هي كيليميني مكتعرفش الشغل الدار منين اتجيه ولا اش ادير ادن غادي تسوطا ما فيهاش ) صوفيا راه 7هادي غادي يكون فاق هادا هو الوقت باش توجد ليه الفطور سيفيطها خلاص😈
صوفيا:اه بصح يلا ابب حمري ليا وجهي
منال:ياك لبنى ياك😢
صوفيا:تحركي خلاص شمن ياك لبنى
(عند هود لي كان في سابع نومه حتا كيفيقو صونيت ديال الباب ناض بشورط فالكري ساد عين وحال عين وخاسر نيت غير حل الباب وهو يلقا منال قدامو )
منال: (مسكينة غير شافت دو العضلات ودوك الكتاف نطقات بلا فرنات ) وااا و واااو بشااخ أ ليدام اييي اااع
صوفيا:( غير سمعتها عرفتها كتعنب عليه وهي تورك على واحد الزر عندها خلات منال مسكينة طير تاالسما وتنزل)هاكي اطحبة باش تعلمي ساعتين وانا نوصي فيك ونسيتي كلشي فدقيقة
منال: (كتهضر مع صوفيا وترقص بحر صعقة لي عطتها وناسيا داك لي محنزر قدامها كيشوف فيها)واتي اصاحبتي كون شفتي هاد الشي اللي شفت كون غيبتي سبعيام وملي تفيقي وتفكري اش شفتي تعاودي تزيدي شي سبعايم خرا تشي را بزااااااااااااااااف
هود :(عصباتو كيشوف فيها تتهضر غير بوحدها مفهم والو يصحاب مسطية )اش كتخوري انت منين تسلطي عليا عود
منال :احم انا لا والو واقيلا غير غلطت في عنوان غير رجع نعس ان (ضربها الضوء عوتاني مشات وجات ونزلات تحك فرجلها)اميمتييي
صوفيا :(معصبة)واطحبة واش باغا تخرجي ليا العقل تي قولي ليه داك شي لي قولت ليك ولا ولا حتا نشوه اختي
هود : يلاه تقو&ي عليا معرت مالي مع هاد الهبيلات غير هوما لي نطيح فيهم كل نهار وحدة (تفكر صوفيا مفراسوش بلي الجيش تعها هذاك بغا يسد الباب وهي توقفو منال)
منال:(بتوتر)لا اسيدي انا راني جيت في بلاصتي ختي الخدامة لي كانت عندك
هود: (كيطلع ويهبط فيها مادخلاتش ليه لضميرو باينة فيها بهلة)ممم واخا انا غادي نعيط الشركة نطلب تفسير علاش بدلوها
صوفيا: (سمعاتو اش قال)لا لا حبسيه متخليهش يعيط عليهم اطحبة هدري بكي وشكي اااعععع شوفي إلى منجحتيش بلا مترجعي حيت نتقلك
منال :(بدات تبوحط )عفاك متعيطش عليهم غادي تخلق ليها مشكيل عفاك هي غير مريضة اليوم وجيت بلاصتها هي لي هزانا عندي خوتي معاقين والوليد هرب وخلانا والوليدة مريضة و
هود:صافي سكتينا دخلي ديري خدمتك (اصلا دماغو عامر ممساليش لا ليها لا لغيرها زاد داخل اخلا الباب محلول)
منال وقفات مسكينة بقات غير تفافا معرفات اش دير كاع لي قراتو ليها صوفيا نساتو ملي شافت داك الصدر عند هود
صوفيا:ديك الطحبة اش بقا كديري دوخلي وجدي الحوبي هود الفطور راه تبعاه الخدمة
منال: (سمعتها عاد فاقت):ناري ازمر اش غادي نوجد راني مكنعرفش لهادشي
صوفيا:ويلي على المعفووونة قالت ليك مكتعرفش طيب حتى الفطور دابا واش انت بنادم دابا اوا الآلة مني تزوجي اش غادي طيبي ليه وشكون غادي يوجد ليه شهيوات اش اتاكلي انتي وزمانك (دارت عند لبنى لي مخرجا فيها عينها)سمعتي الملعوقة قالت ليك مكتعرفش طيب
لبنى: (,هازة فيها حاجبها)من نيتك ابنت العبد انت مطفراه زعمة
صوفيا:🙂🙂 شدي وريها اش دير من الهضرة اما الطياب حالو ساهل غير يومين هانا تعلمت خاص غير نديرداري و راجلي لقا لمن نطيب وفين نطيب
لبنى :اه بصح تعلمي تقلبي الكوزينة ولا تشعلي فيها العافية اما الطياب عمرك تعلمي ليه اساطة
(شدات تيلي وبقات توري لمنال اش دير وصوفيا مقابلاها)
لبنى :هانتي سلقي البيض في شي كاسرول دير الما الشعلي البوطة حطي البيض وخليه حتا نقول انا طفي عليه صافي الشطورة
(منال بقات دير داك شي لي قالت ليها لبنى الكوزينة كاملة قلباتها باش تسلق زوج بيضات وتفيض كاس ديال الحليب قادت ليه داك شي في بلاطو متولة (منال هاد الشي اللي كتعرف في طياب غير تزواق)حطات ليه داك شي فوق طابلة وجلسات فوق الفوطوي تتسناه ايهبط وفنفس الوقت كترتاح حيت عيات مسكينة الله يكون في عونها كما زلقات ليها شي كلمة كتصعقها صوفيا بضو حتى طير لسما وطيبات لفطور على وعدها وسعدها
هود:( لي خلاها دخلات وطلع خدا دوش سخوون وخرج لبس سروال دجين كحل وتيشورت بيض فيه الكتبة بالكحل لاح كويرة فوق منو قاد ساعتو ورش من ريحتو الرجولية بامتياز
هبط جلس يفطر وكيشوف في منال لي مقابلا معاه جالسة حداه بحال عارض عليها) شكاين
منال: 🙂🙂
هود :ياك ما كاين باس الشريفة
منال :والو باس كيف جاك الفطور راه انا لي وجدتو
صوفيا :(غير سمعتها وهي تصعقها) ديك الحمارة نوضي بعدي من حوبي ولا والله حتا نجي نخلطك تقعدي جمعي الكوزينة
منال :تي مالي غادي ناكلو ليك
هود: (سمعها يصحاب ليه على الفطور )واش بغا التفطري (ناض واقف ومخلي ليها داك الفطور لي بحال وجها )انا غادي نمشي الخدمة دابا (لاح ليها سوارت )جمعي غير هاد روينة وسيري بلاما توجدي العشا وغدا صباح حلي بسوارتك بلاما تخسري ليا نعاسي تاني حس تقرقيب منسمعوش
منال :هي لولا اسيدي اصلا مكنع(صعقتها صوفيا حيت عرفتها غادي تقول مكنعرف نطيب وتفرش قدامو)واخا اسيدي وخا اسيدي(كتقولها وتحك فرجلها لي كتوزوز عليها)
(هود ملي كيشوفها كيفاش كتصعق وكدير ديك الحركة كتجيب ليه الضحك معرفها مالها قال يمكن مريضة خرج من دار وخلاها)
عند صوفيا لي كانت محلفة على منال حيت على شوية ويتفرشو حتا كتشوف هود خارج بكامل اناقتو وهيبتو في كل حركة كيتحركو معاها عضلات كتافو
صوفيا:اااح على قلبي اااح(شدات فقلبا وتكات على الحيط)
لبنى :صوفيا مشا واخا نطلعو نطلو على هديك لي بقتي تصعقي فيها واش باقية عايشة
صوفيا :نطلعو نشفو إلى باقيةعايشة نقتلها
أنت تقرأ
الخفة لي فيا دارتها ليا ❇️مكتملة❇️
Storie d'amore💎مكتملة💎 ❌حصرية على الواتباد❌ سلمعلكم الفريزات😁 جبنا لكم قصة جديدة وفكرة جديدة وكاتبة جديدة لهي انا 🙂 متخلعوش راه كاينة حتا روميسة كاتبة مبدعة ديالنا 😘مهم كيفما شفتو كبيدات قصة بعنوان الخفة لي فيا درتها ليا قصة كتجمع بين الكوميدية ودراما اح...
