الخفة لي فيا دارتها ليا ❇️مكتملة❇️

❇️الجزء 87❇️

الخفة لي فيا درتها ليا 🎈
🖋️بقلم :رميسة عبيدين & Safae Safae 🖋️
❇️ البارت87❇️
منال مسكينة غرقات قدامهم
اما عادل كتم ضحكة وسبقهم لوطو
عز خنزر فيها واحد تخنزيرة خلاتها تخشا في منال
عز : والله ابرهوشة لبقات فيك زيدي قدامي دابا نوصلك لعشك
لبنات زادو قدامو طالعين لور  ومنال مزال كتهدن في لبنى وضحك في خاطرها

نرجعو لعند صوفيا لي قتلها لملال خرجات كطل من لبالكو وتجلس فيه شوية حتا بانو ليها جيرانها لي في لبالكو لي حداها ( هادوك لي شافهم هود تياكلو الحلوى) جالسين تيتغداو  وهي طل عليهم قفزاتهم
صوفيا : يااااه عندكم الماكلة دكشي كيبان مشهي طاجين بالقوق وجلبانة ممم
المرة : (ضحكات معاها) سلام غزيولة اجي تاكلي معانا مرحبا بيك
صوفيا:بصح شكرا
(طلعات فوق صور)
راجل :اش كديري واش تسطتي
صوفيا:مالك مسموم ياك مرتك لي طيباتو وعرضاتني
راجل:(وقف حيت خاف لتلاح لبرا) مقصدتش هكاك دوزي من لباب دبا طيحي
صوفيا:متخافش معك موكلي شخصيا

نقزات عندهم  وساست يديها وجلسات كتاكل بحال عمرها شافت نعمة وهوما واقفين  حادينها وكيشوفو في طبايع لي في عنقها ويبتاسمو ليها
صوفيا: شكرا بزاف عرفتو شحال هادي ماكليت نعمة
الرجل :(عقد حجبانو) علاش واش ماعندك باش تشري مالكة
صوفيا: لا راجلي كيحبس عليا في دار ومتيبغيش يخلي ليا ماكلة كيخليني بجوع ويتعدا عليا
المرة:(بقات فيها حيت فيها الاتر ديال طبايع تيقتها) شحال فعمرك ختي كتباني مزال صغيرة على زواج
صوفيا:اه اختي مزال صغيرة وباقي مشبعت لعب تزوجني ذاك صعصع دعيتو الله رون لي حياتي عرفتي تمارة باليل ونهار وحتا لمكلة مكيناش
الرجل:لا حولا ولا قوة الا بالله العلي العظيم
المرة:كلكم فحال فحال رجال كلهم طينة وحدة كتجيبو بنات ناس وتعداو عليهم(دارت فرجلها)
راجل:نهاك الله اهدا المرة اش درت انا
المرة:مدرتي والو غير دير فيها فقيه زعمة راه انت ماشي فحالو كنقول ليك نشري شي حاجة تقولي ماشي دبا نخرجو ماشي دبا نجيبو خدامة لاش بغتي الخدمة شووف يدي كيف ولاو
صوفيا:(خلاتهم مناقرين وكتاكل وتبنن) اه اختي شفيها لجابو لينا خدمة تعونا فشقا
المرة :اه بغيت انا خدمة ولا دير يدك معيا تعوني فشقا
صوفيا:اه فكرة مزيانة اش فيها لتعونو معنا فشقا
الرجل:(جلس كيشوف فيهم واحدة كتنگ عليه وتانية كتاكل وتشعل فيها شاف مرتو ولات باش شي ساعة عمرتها صوفيا وبدات تسرسر عليه) شكون انتي(موجه هدرتو ل صوفيا)
صوفيا:انا صوفيا وخليك مني خلني ناكل  وهدر مع مرتك دير معها حل
المرة :اه باغي ادور الهدرة تاني غير كنجبد حس الخدمة ولا شي حاجة تقلب الهدرة هدرة معيا وخلي لبنت تاكل
تسمع صوت جيران وصل ل عند هود لي رجع من لخدمة حل لباب تاع دار ودخل لقا دنية مجموعة بتاسم بريضا
هود:برهوشة لقيت ليها لكود باش نزمطها كتخاف من الكوا جمعات دار باش مرجعش لقها مرونة وحو&ي حسها مي فيها فيها وخا تجمعها  دخل حيد لافيست تاعو لحها فوق الفطوي ودخل لكوزينة اشوف اش طيبات لقا الكوزينة مجموعة ومكين حس طياب طلع لبيت ملقهاش عقد حجبانو
هود:هذي فين اتكون مشات واش تكون مشات لافاك(شاف فساعة لي فيدو ونطق) لمشات خاص تكون دبا رجعات لدار  (جبد تليفونو كيصوني عليها سمع تليفونها كيصوني فلتحت نزل لقاه محطوط فصالون ستغرب فين اتكون هو واقف كيخمم وكيسمع صوت جيران لي منافشين وبدا صوتهم كيعلا فهم لبلان عرف ابليس تاعو كان وحاضر تما وهو سباب هذا الصداع  خرج لباركو باش اقطع شك باليقين  طل بانت ليه كاتكل فطاجين ورجل ومرتو جلسين جنبها كيتنافشو ويشاليو بيدهم

هود:(زير على يدو ونطق بجهد بسميتها خلا كولشي اسقل) صوووووووفياااااا

صوفيا:كح كح (كانت لاحت دغمة لفمها غير سمعاتو صرطتها بلا مضيغ وحلات ليها وخرجات عنيها تجيفات)
المرة:(سكتات وهي فاش غوت هود دارت شافت ف صوفيا لقتها مخرجة عنيها) ناري تجيفات ناري اتموت عماد دير شي حاجة
عماد: كبي ليها ل ماء(وقف باغي اخبطها لضهرها وقفو هود لي غوت عليه)

هود:متحطش عليهاااا يدك نقطعها ليك لحتيها عليها
عماد :راه وحلات ليها تقطعات فيها نفس
(قبل ميكل هدرتو بان ليه هود طلع فوق صور ونقز عندهم ومشا جيهت صوفيا دربها دربة وحدة تلاحت دغمة من حلقها طارت جات فوجه عماد لي جلس كيشوف

صوفيا:كح كح اربي شوية ونموت ارا لما نشرب اختي (شدات لما كتشرب منو حتا شربات متجاهلة هود لي واقف عليها صعر) شفتوه مع وصل بغا اقتلني اوف نخلاني ناكل بخاطري (قطعات خبز بغات تغمصو فطاجين حبسات فاش سمعات صوت هود)
هود:اتقعدي قدامي ودبا(قالها تحت سنانو)
المرة :(شاف هود معصب وصوفيا مزال مشبعات) خويا خليها تاكل وجلس تغدا معنا حتا انت
هود:نو مرسي صوفيا قدمي
صوفيا:(عنييها فطاجين هزات عنيها ف هود) بغيت ناكل مزال مشبعت
هود:(نزل شدها من درعها هزها) قالت ليك قدامي هي قدامي
عماد:خويا رخف عليها حشومة عليك خليها تاكل هي فيها جوع خليها تغدا
المرة:اه مدام انت متوكلهاش ومكتخليش ليها لمكلة خليها تاكل عندنا
هود:كيفاش
الرجل:انت حابس مرتك فدار بلا مكلة بلا والو وكتعدا عليها حرام عليك هداشي ميبغيه لا ربي لا عبدو
هود:(شاف ف صوفيا لي متصرط فريقها) اش هداشي كيقولو
صوفيا:لا لا غير قالت مكدير ليا طاجين وااكسكسو ورفيصة هدو هوما المكلة عندي ماشي خص وخيار بحال القنية 😁شوف هود خلني ناكل دبا هدا طاجين من بعد نمشيو لدار ونتفاهمو وخا
لمرة :واش كذبتي علينا
صوفيا:لا بالعما هو مكيطيبش ليا هداشي لي كيشبع جلس اضحك عليا ب خص ومطيشة وخيار وبيض هذي هي نعمة عندي هداشي تقيل لي فيه تغماص ودغميرة ياسلام جلسو تاكلو مالكم واقفين (علاه خلتي ليهم مياكلو)

بدات تغمس وتاكل وتلذذ وهود واقف غير كيشوف فيها وعماد وسهام مرتو حتا هوما كيشوفو فهدا المخلوقة العجيبة لي قدمهم عاد قالت ليهم  مكيخلي ليها لمكلة ودبا قالت مكيطيبش ليها
ممكن نجمة منين تقراو 🤗💙