الخفة لي فيا دارتها ليا ❇️مكتملة❇️

❇️الجزء 114❇️

الخفة لي فيا درتها ليا 🎈
🖋️بقلم :رميسة عبيدين & Safae Safae 🖋️
❇️ البارت114❇️

(باست نزهة بنتها فرسها ومسحات ليها تحت عنيها لي دايع فيهم الكحول والمسكرة قدات ليها حجبنها وكتشوف فيها بحب هداشي داز تحت عنين هود لي شاف حب نزهة ل صوفيا وخا هي ماشي من كرشها ولاكين كتعتبرها بحلا ولدتها من كرشها

هود:احم نزلو نشوفو التحت فين وصلو
نزهة:اه يلاه راه دكشي علاش طلعت كنقلب عليكم لبنات قالو ليا بغاوك جنبهم اصوفيا
صوفيا:اه يلاه نزلو

نزل هود وهو فرحان بزاف حيت صوفيا سمحاتو وحيت نسات لماضي وعترفات ليه بحبها ليه وفنفس لوقت نزهة فرسها اش وقع بحلا حمل حيدو من فوق ضهرو  حس براسو رتاح بزاف  وهو تابع مرتو لي شدات ف ماماها لي كتخاف عليها وتحبها وتسمحها مهما دارت كتبقا بنتها ومتقدرش تقصا عليها

وصلو لتحت لقاو منال جلسة جنب عادل وجنبها لبنى وعز جلس جنبها مشبكين يديهم مع بعض والعيلات كيزغرطو ويصليو على نبي  صوفيا دخلات هي وهود لي جا شدها من يدها جرها عندو كيبين لرجال لي تما بلي هي ملكو الخاص وديالتو
هود دخل صوفيا  شاد ليها يديها بتملك وداخل يتعنكر ويدور عينه جهة رجال ليكون شي حد يشوف فيها شي شوفة ماشي تما

وصلها عند لعيلات جلسات ودخل هو عند رجال تزاحم مع واحد راجل حتا جلس مقابل مع صوفيا خلا راجل لي جا زاحمو غير كيشوف فيه  هود جبد تلفون تاعو شدو كيبقشش فيه وعنيه على صوفيا لي كيزوميها فالكاميرة ويبتاسم غير بحدو

عند العرسان تعنا
جالس عادل وحنبو ليمن عز ماقدهم فرحة علاش لا وكل وحد بجنبو حبيبتو لي ولات مرشومة ليه
تقدمو الاباء ديال دراري ورجال كبار خطبو لبنات من عند ولديهم ومن بعد الموافقة تقرات الفاتحة باش تسمع زغاريت وصلاة على نبي في درب كامل

جابت خت عادل صغيرة  مريم 15 عام  بلاطو في خواتم وتبعاتها خت عز ضحى في عمرها 16 عام هازة بلاطو فيه تمر والحليب

عزالعرب  هز الخاتم وخدا يد لبنى لي غادي تمون بالخلعة بزز متحكمة في راسها ركب ليها الخاتم وهو كيشوف فيها بحب ماقاده فرحة غير ركبو بيها باس ليها يدها وراسها
لبنى : ويلي تبوس ليا راسي مالي حناك انا
عز : الى بغيتي نبدا نشلقم فيك قدامهم مرحبا  معندي حتا مشكيل (قالها ليها بهمس)
(لبنى خرجات فيه عينها وبدات تلون بحال مطيشة)
مريم :(شافت فيها ونطقات) لبنى حبيبة ركبي لخطيبك لخاتم راه كيتسنا
لبنى : اه واخا اري داك شقف نركبوه ليه
(خداتو وركباتو ليه وشربها لحليب وكلها تمر وحتا هي شرباتو ليه وعطاتو تمرة 
مشات مريم وضحى عند منال وعادل وخلاتهم هوما يوشوشو مع بعضهم)
عز :(شاف يدها لي كتقفق قرب عندها وهمس ليها ) مال حسك كترعدي عليا ياك انت لي باغا لمعقول دابا غير تركاب الخواتم خلعك  ملي ندوزو لمسكي اش ديري
لبنى :(بنفس نبرة )شوف عز انت راك عزيز عليا وانا راه بنت ناس ماشي ديال دوك الفعايل
عز : كفاش اش كتخربقي عليا جلسة دخلي وتخرجي فالهضرة
لبنى :شوف نتفاهمو من هنا انا  بغيتك تحسبني بحال ختك ضحى فهمتي بلاما نديرو داكشي لي تيدير هود وصوفيا (فرشة هاد لبنى)
عز : كفاش غادي تسدي داك دلقوش عندك قبلما نوض نتكي ملتك هنا نوريك

لبنى بدات تصفار وتخضار تاني وتخنزر فيه
جنبهم منال وعادل لي  دارو نفس شي ركبو الخواتهم لبعض وهوما غادي يطيرو بالفرحة شربو لبعض حليب وتمر
عادل :مبروك علينا حبيبتي
منال : اه بصح
عادل: (هاز فيها حاجبو ) كفاش اه بصح
منال : تامالك اه مبروك علينا
عادل : شربي شربي
(شربها لحليب وتمر تحت زغاريت وصلاة على نبي

سلاو  جاو العائلة كيتصورو معاهم ولي تصور معاهم  ينوض يخوي لبلاصة كولشي تصور مهم بقا غير هود وصوفيا لبنى شيرات ليه زعمة اجي تصور حدنا
ناض هود مشا عند صوفيا  جرها  هي لي كانت كتدرب فالحلوى وتلحس شكلاط بوحدو عاد تبعها صابلي بوحدو وممسوقاش لتصاور ولا لناس  🤷🏼‍♀️

هود: ( كان مغدد عليها وقفها عندو وهمس ليها )علاش خدامة تلحسي علينا هنا ملي غادي تاكليهم بزوج خشيها كولها في فمك راه كولشي كيتخلط في معدة
صوفيا: ولا راه مداق بسكوي بوحدو بنة ومداق شكلاط بوحدو بنة اخرى احح ممم خطير
هود:(شافها كيف بدات تستبنن عليه وتوحوح تنهد ودار يشوف الى سمعها شي حد ساعة كولشي مشغول مع عرسان ) شي نهار ناكل موك بلا مضيغ  اجي تصوري مع صحابتك ولا مبغيتيش
صوفيا: (هزات واحد حلوى خشاتها في فمها وتبعاتو )اه ياله
مشاو عند العرسان سلمو عليهم وباركو ليهم عاد تصورو معاهم
هود : الله يكمل عليكم بالخير
دراري:امين يارب العالمين
هود:شوفو خواتاتي أمانة عندكم تجي شي نهار شي وحدة تشكا منكم راه منعقلش عليكم ديروهم في عينكم ومنبغي نسمع عليهم تقلقو بسابكم
عادل : كون هاني متوصينيش على مشيميشتي (خنزر فيه هود وهو يتفافا )احم على اكبيدة  احم لحبيبة مهم هادي ختك ختك 😁
عز :(دار عند صوفيا)صوفيا كيف غادا مع لحمل هود مهلي فيك كضرك شي حاجة سمحي لينا تشغلنا مابقينا سولنا فيك
صوفيا:اويلي ماتقولش هاكا دنيا هانية و هود مسكين مامخليش من جهدو
منال : تي هادو امتا باغين يحطو لينا لعشا 
لبنى : واييه تعطلو علينا
هود:زعمة راه خاص تكون شهية مسدودة ليكم
لبنى : تشا راه كولشي يتسد الى شهية ديالنا
هود:هذي عندك تموتو على كروشكم
عز:وييه تنوض القيامة ميسمحوش فكروشهم
عادل:خصوصا صوفيا
صوفياا:انا اخويا  راه مكناكلش بزاف
منال:ييه بسلامتها غير حنا لي بقينا مكلتناش

صوفياا:عندكم راه غير مع لحمل وليت ناكل بزاف
هود:بصحتك حبيبة اجي نوضو راه عمي يوسف باغي يتصور مع لبنات نخويو ليه بلاصة

وقفات صوفيا مشات جلسات جنب ماماها وهي مقابل مع هود لي مبعيدش ليها بزاف  جا يوسف وسي محمد تصورو مع لبنات ورجعو عند رجال

طلق شعبي لبنى هزها  لحال بغات تنوض تشطح كيخنزر فيها عز وبتدا تشطح غير بيدها وضحك ليه ضحكة صفرا
عز : جمعي مكافشك وتبتي الارض
لبنى : شوف بلاما دير عليا ديك لغيرة ديال تامر حسني انا راه عزيز عليا نشاط من هنا نقولك ليك ماكنعرفش نمشي لشئ عرس ونتبت
عز : دابا نشوفو
لبنى : انا قلت ليك باش الى ماعجبكش لحال ارا داك لخاتم
عز :(عيبها) ارا داك لخاتم بحال شارياه انت الله يمسخك جلسي وهنينا