الخفة لي فيا درتها ليا 🎈
🖋️بقلم :رميسة عبيدين & Safae Safae 🖋️
❇️ البارت 86❇️
بقات تاكل وتهضر غير بوحدها غير كملات نقزات دوك لمواعن ومشات تلاحت فوق فوطوي كتفرج شي ساعة وهي كتقلب فالقنواة فتلفازة جاها لملال
صوفيا: ناري تفو قلت مايدار اش ندير دابا نوض نخرج نجيب شي دورة ( يلاه جات بغات تنوض وهي تفكر شي حاجة)باغا تخرجي بهاد لحالة اصوفي دري ضحكة فراسك وتشوهي الله ياخد الحق فداك زام&ل
صوفيا ناضت تمشي وتجي وسط ديك روينة. كتفكر اش دير
صوفيا: كيبان ليا نوض نجمع هاد دار بعدا جابت ليا الكئابة تفو درت روينة راسي تفو
ناضت بدات كتجمع داك شي دوزات نص نهار باش يلاه تجمع دوك كويغطات وغسلات لماعن في غسالة وشطبات وتلاحت عيانة زعمة 🙂
صوفيا: اووف هاد شقا شحال فيه ديال تمارة تفو
نرجعو عند لبنات لي خرجو ومشاو جلسو في جلستهم وحاسين بملل بلا صوفيا
منال : صوفيا خلات بلاصتها والله
لبنى ياله اتجاوبها بان ليها عز جاي وهي تبتاسم بلا هواها خلات منال غير تتشوف فيها
حتا جا عز سلم عليهم عاد فهمات لبلان
عز :( سلم على منال بيدو )فين ابتبانة
منال : بزاف عليك الحلوف (بتوتر )فين هو عادل
عز : برا كيستنا فيك
(دار عند لبنى باسها من حنكها قريب لفمها خلاها مبنجا)
عز :( بهمس ) توحشتك
لبنى : ااه 😳
عز. :(ناض وقف عليهم) لبنى بغيتك
لبنات :(خرجو عينهم) كفاش ؟
عز : حتا انت امنال بغاك عادل يلاه تبعوني نخرجو
(لبنات فهموها عوجة)
لبنى : هداك ها عنداك يصحاب ليك غير ماكايناش صوفيا صافي اضحكو علينا بزوج كلمات سيرو بعدو منا بلاما نجمعو عليكم عباد الله
عز :(اصلا طالع ليه لقردة مافيه لي يتعاطا معاهم) لبنى ماتعصبيش عدو ربي باغين غير نهضرو معاكم فقط تبعوني بلا هضرة
لبنات مركو من نيتهم لعوجة وتبعوه
خرجو من لفاك ومشاو جهة عادل لي كان متكي على لوطو ديال عز كيتسنى فيهم باين عليه تعب
منال غير شافتو وشافت حالتو وعينيه كيف منفوخين بقلة نعاس مشات تجري عندو كتفحص فيه بيدها
منال : حبيبي مالك اش وقع ليك واش مريض
عادل :(بابتسامة شاحبة ) والو اعمر اجي معايا نهضرو على خاطرنا
جرها غادي بيها واحد لجلسة معزولة شوية وهي تابعاه شطناتها حالتو
عند عز ولبنى لي طلعو في لوطو وكسيرا واقف ورا لافاك وسط لفيلات خلا لبنى غير ضور في عينها
لبنى :عز مالك اش كاين
عز :(تنهد ومسح على راسو ونطق) صفوان تشلل ومابقاش قادر يوقف بقا فيا بزاف البنى واخا لي دار تيبقا خويا ماقدرت نقصح قلبي من جهتو
لبنى: (شهقات وبدات تبكي ) ناري مسكين حتا انا بقا فيا بزاف مبغيتش ليه هكاك كون غير تحبس ولا اتشلل هود تسرع
عز:هو لي قلب عليها راه هود عندو الحق كون انا بلاصتو لقا شحد قرب ليك كون قالتو معرفت علاش هداشي كامل علاش ( زير راسو بين يده معصب
لبنى شافتو هكاكا بقا فيها هزات يدها متردد وحطاتها فوق يدو كطمانو)
لبنى : ان شاء الله يرجع كيف كان غير رخف على راسك ووقف معاه هادي أزمة وغادي دوز
أنت تقرأ
الخفة لي فيا دارتها ليا ❇️مكتملة❇️
Любовные романы💎مكتملة💎 ❌حصرية على الواتباد❌ سلمعلكم الفريزات😁 جبنا لكم قصة جديدة وفكرة جديدة وكاتبة جديدة لهي انا 🙂 متخلعوش راه كاينة حتا روميسة كاتبة مبدعة ديالنا 😘مهم كيفما شفتو كبيدات قصة بعنوان الخفة لي فيا درتها ليا قصة كتجمع بين الكوميدية ودراما اح...
