🎈الخفة لي فيا درتها ليا 🎈
🖋️بقلم :رميسة عبيدين 🖋️
❇️البارت 135❇️
كتغوت بحال الحمقة وكترطا بغات تدرب فرسها ولاكين حسن شدها كتفها وحضنها بكل جهدو لصدرو
حسن:ششش تهدني احبيبة تهدني عافكي تهدني القاو حل لكولشي وان شاء الله اتجمعي مع بنتك وتصلحي معها هي اتسمح ليك
نادية:لا هي مغديش تسمح ليا وانا مغديش نمشي عندها مغديش نبان فحياتها دبا هي مزوجة وعندها حياتها مبقاتش محتاجني لاش انبان فحياتها نرونها ليها لاش هئ هئ هئ اش اتحتاج مني دبا هي صافي كبرات وتزوجات وعندها درها ورجلها اش اتبغيني ندير فحياتها ملي مكنتش فيها وهي صغيرة ومحتاجة الحنان ولي يعطف عليها لاش اتحتجني دبا هئ هئ هئ
حسن:نادية مبقاش تجوبي راسك واش هدرتي مع صوفيا هي قالت ليك ممحتجاك فحياتها ومعندك متزدي ليها فيها لا هي مقالتش(حس بيها تهدنات وهزات رسها شافت فيه وهو يشد وجها بين يديه وكيهدر معها بكل حب وحنان) نادية انا راجل وكبير ياك ولاكين مزال محتاج لمي فحياتي وفاش نكون فحضنها كنرجع طفل صغير وخا نكبرو حتا نعياو كنحتاجو لوالدينا ولحنانهم وصوفيا اكيد محتاجك انادية وغدي تسمح ليك فاش تعرف ماضيك.
نادية:بصاح اتسمح ليا
حسن:ايخصك تصبري هي اتبغي تعاقبك حيت خليتيها واكيد اتاخد موقف منك وتبين ليك بلي هي ممحتجاك جنبها ولاكين انتي خاصكي تصبري ليها حتا ترجعيها لحضنك وتعوضيها لي فات اوكي
نادية:(كتبتاسم) اه انصبر ليها انا انصبر لأي حاجة جات منها اي ردت فعل منها انتقبلها وغنصبر مهم غير تسمح ليا وترجع ليا وتقبلني فحياتها احسن
حسن:(مسح ليها دموعها وبسها فرسها) ان شاء الله يلاه اجي دبا رتاحي وقولي ليا اش درتي وشكون لي شفتي فاش مشتي لدار خوك(جلسها فوق سرير
نادية:شافت خويا من بعيد هو كبر ولاكين متبدلش شفتو خارج من دار وبقيت تما مقدرتش ندخل عند نزهة باقي مامستعداش احسن معرفتش علاش خفت بزاف
حسن:شفتي كون خلتني نمشي معك
نادية:كون خلتيك كون ضغطي عليا ندخل وكون دبا وقفين قدام باب دار بنتي وانا مزال مامستعداش نتواجه معها معرفت منقول ليها
حسن:(حضنها بجنب ونطق) قولي ليها سمحليا بنتي ولا عرفتي شنو غير حضنيها دخليها لحضنك الحنين دفي غدي تنسا كولشي بحال كيف كيوقع معيا غير كنحط راسي فيه كنسا دنيا ومافيها (حط راسو فوق صدرها وغمض عينو)
نادية:(خشات يديها فراسو كتلعب ليه فشعرو) مسهلاش احسن هديك بنتي وانا ولدتها وعطيتها حتا شوفة مشفتهاش فيها وغبرت حتا فات 18 سنة ورجعت نخشيها فحضني صعيب نوصل ليها باش نحضنها ايخصني نتعذب بزاف غير باش نحط يدي عليها هي مغديش تخلني نقرب منها
حسن:انتي غير كتقولي وكتصعبي الأمور انتي معرفاش تفكير بنتك واش هي حقودة ولا قلبها كبير وبيض بلا متحكمي قبل متعرفي عليها دبا نساي هداشي وقولي ليا واش شربتي دواك
نادية:(تكات على ضهرها فوق سرير) شربتو قبل منمشي راه كونما شربتو كون راني كومة فصبيطار
حسن:(نزل تكا على جنبو حدها وكيدوز ليها على شعرها بحب) نادية بغيت نقول ليك واحد الحاجة
نادية:شنو (هزات عنيها فيه)
حسن:عندك بنت اخرا من غير صوفيا وعمرها 16 سنة وحتا هي محتاجك انادية وحتا هي عاشت بعيدة على حضنك 16 سنة وخا هي عايشة معك(شافها كيف شافت فيه وكمل) تقربي منها هي بعدا وعاد شوفي صوفيا احم كنهدر على نهى انادية نهى حتا هي محتاجاك وبزاف (طبطب على كتفها وقف خرج من لبيت خلا نادية كتشوف فسقف
أنت تقرأ
الخفة لي فيا دارتها ليا ❇️مكتملة❇️
Romantizm💎مكتملة💎 ❌حصرية على الواتباد❌ سلمعلكم الفريزات😁 جبنا لكم قصة جديدة وفكرة جديدة وكاتبة جديدة لهي انا 🙂 متخلعوش راه كاينة حتا روميسة كاتبة مبدعة ديالنا 😘مهم كيفما شفتو كبيدات قصة بعنوان الخفة لي فيا درتها ليا قصة كتجمع بين الكوميدية ودراما اح...
