الخفة لي فيا دارتها ليا ❇️مكتملة❇️

❇️الجزء 91❇️

الخفة لي فيا درتها ليا 🎈
🖋️بقلم :رميسة عبيدين & Safae Safae 🖋️
❇️ البارت91❇️
صوفيا بقات شحال كتشوف فيه وحتا هو بقا كيشوف فيها بحلا توقف بيهم زمن ب جوج  شوية حسات صوفيا  براسها وهي تنطق
صوفيا: احم سلام عليكم اش حب الخاطر اعمي

عتمان حس براسو تزير من ديك عمي شاف فيها وهو يزيد داخل مخلي صوفيا متبعة ليه العين  ومصدومة فيه
صوفيا:(شافتو دخل وجلس فوق الفطوي وهي  تقندش ) اشريف فين غادي مدرم عليا واش داخل الكوري ولا اشنو
عتمان :(بدون مقدمات نطق) اش كتجيك نادية المسعودي

صوفيا :(خلات الباب محلول ومشات قدامو) باشمن حق داخل مهجم عليا وكتسول فيا
عتمان: ( مافيه لي يطول معاها لهضرة كيتسناها غير تقول بلي نادية غير وحدة من العائلة وماشي ماماها )نااادية المسعودي اش كتجيك
صوفيا: ماكنعرف حتا وحدة بهاد السمية 
عتمان:( جبد صورة من بزطامو فيها هو ونادية معنقها من لور وبزوج فيام فاش كانو شباب باينين تيضحكو و بزاف ديال الحب باين في ديك صورة على غير الواقع) هاد سيدة لي في سورة واش كتعرفيها

صوفيا هزات صورة في يدها وبقات شحال كتشوف فيها دخلات لعتمان الشك
صوفيا(بغباء): هادي انا 😳
عتمان:(ضرب يدو مع طابلة حتى قفزات )هديك ماشي انت هاديك نادية ودبا جوبني واش هادي لي في صورة ماشي هي ماماك

صوفيا غير سمعاتو اش قال يدها بداو يترعدو  ضبابة طاحت على عينها طاحت على وقفتها جات جالسة على فوطوي وديك الهدرة تاع واش ديك لي فصورة ماشي ماماك كتردد فودنيها

عتمان:(شفها هكام ناض مخلوع عندها ) بنتي مالك اش عندك

صوفيا كلها ولات كترعد وهي كتشوف فصورة وكتسول فرسها واش هادي هي ماماها واش هادي هي ق&حبة لي حطاتها لهاد درجة خرجات كتشبه ليها حتا في وجها مايمكنش هادي ماشي مها والديها انقى خلق الله هادي مكتعرفهاش
عثمان مشا يجري جاب ليها كاس ديال الما وعطاها تشربو
عتمان : بنتي هاكي شربي

صوفيا:( دفعات ليه يديه وزيرات على الصورة لي في يدها حتا تكمشات ولاحتها عليه ونطقات بكل ألم وعصبية ) هادي لي في صورة مكنعرفهاش مكنعرفهاش  ماما سميتها نزهة وبا محمد المسعودي هادو هوما والديا حتا انت مكنعرفكش هادشي علاش خرج عليا من هنا هز زمر تاعك وخرج علياا مكنعرف حتا واحدة سميتها نادية وماشي ماما هي ماشي ماما مكنعرفهاش
عتمان : ولكن
صوفيا: (بالغوات) خررررج عليا من داري داااابا
عتمان : كالم انا خارج دابا سمحي ليا على الازعاج اوكي انا غادي غير تهدني  عافك

خارج وكيهدن فيها بيديه غير فات العتبة وهي تخبط عليه الباب بحر جهدها خلاتو يغمض عينيه بالم زار قلبو من ردت فعلها عرفها بنتو وعارفة حقيقتها

عتمان : بنتك هي بنتك اعتمان الله يا ربي اش غادي ندير دابا اش هذا المصيبة وقعات على راسي اش نقول ل صفوان بلي باك حمل سكرتيرة تاعو وتخلا عليها وبلي لبنت لي  كتبغيها وحولتي تعدا عليها هي ختك من باك الله اربي اش هدا الوحلة (كمل هدروتو ونزل فسانسو محطم شد فراسو)

عند صوفيا لي طلعات تجري لبيتها سدات عليها وتلاحت على سرير تبكي بصوت عالي وتندب

صوفيا؛ لا هي ماشي ماماك هاديك ماشي ماماك اصوفي ماماك هي نزهة  اعععه ياربي علاش علاش ياربي  علاش كنشبه ليها علاش شفتها علااااش  كنكرها كنكرها ماشي ماما انا مكنعرفهاش

ناضت من سرير وشعرها لاصق على وجها بدموع
صوفيا: الى كانت بصح هي لي ولداتني هدا راجل شكون هو باش عرفها ماما اعوذ بالله اصوفيا هي ماشي ماماك وحتا داك راجل ماكتعرفيهش سمعتي سوا شفيتها سوا لا هي ماشي ماماك وخا كتشبه لياا علاش سميتها بحال كنيت بابا محمد هي هي لي ولدتني باين (رجعات طاحت على وجها كتنخصص وخشاتو تحت لمخدة بقات تما كتبكي وتقول مبكاتش)
بقات صوفيا كتبكي وتنخصص كلما تفكرات بلي ماماها من عائلة محمد وبلي كتشبه ليها كتزيد فالبكا وكتقول يعني ماماها من العائلة ولاكين فين هي علاش معمرها شفتها ولا سمعات محمد ونزهة كيهدرو على شحد سموتو نادية بقات كتبكي اما نهار كامل  وهي غير كتنخصص وكتفكر كيفاش داك راجل وقضيتو حتا هو واش اقدر يكون هو الاب تعها الحقيقي ولا كيفاش

بقات تبكي محساتش بالوقت لي داز ومشعراتش بنهار لي طار حتا حسات بدقات فالباب وصوت هود كيغوت

عند هود لي رجع من الخدمة مع 6 دالعشية جاي وجايب معه كادو ل صوفيا وبوكي دالورد كنوع من تحفيز باش تزيد تعلم طياب ودير عقلها وتولي مرة تاع زمان  وصل لدار طلع وهو ناشط هاز دكشي فيدو عبارة على شوكولا ودبدوب فالحمر ورد

دخل لدار لقها مجموعة على حقها وطريقها بتاسم برضا
هود:ها حنا انكنو زوينين دبا برهوشتي بدات دير عقلها

دخل وحط سوارت ودور راسو فدار ملقتهاش لتحت تنهد وغادي بغا اطلع لفت نتباهو كأس دزاج لي طاح فالارض ولما لي تحب فوق  زربية
هود:ميمكنش دير عقلها داروري من شي زبلة اللهم طولك يا روح

طلع مع دروج شاف باب البيت مسدود مشا دور لبوني تاع لباب لقاه مسدود من لداخل تنهد وهو أدق فيه مرة لولة تانية تالتة بدا اخبط قال اتكون دارت لكيت فودنيها تاني
هود:صووووفيااا حلى مالك سدة على راسك لبرهوشة اش هدا الفعايل حلى زمر قبل نفرعو عليك
صوفيا:(جوباتو بصوت فيه بحة تاع لبكا) هرسو ولا يهرسك عطني بتساع حتا انت لي بقتي لياا بعد مني

هود:(سمع صوتها عرفها كتبكي) صوفي مالك كتبكي اش واقع معك واش مقلقة مني(كيهدر بحنان وحط يدو وراسو على لباب)
صوفيا:بعد مني متهدرش معيا دبا تفو عليك حتا انت
هود:حتا انت شكون اخور دار ليك شي حاجة حلى لباب
صوفياا:مبغيتش نحل مبغيتش نشوف وجهك حتا انت عطني بتساع(كتهدر وصوتها كيتقطع بالبكا)
هود:(كيحاول اهدن  راسو ويقنعها تحل) صوفيا الله ارضي عليك لما حلى هدا لباب نشوف مالك اش واقع معك واش شحد خصر ليك خاطرك واش بقا فيك الحال على قبيلة انا منويت فيها والو احبيبة غير قالت نعلمك طيبي سمحليا وحلي لباب عافك  متخلنيش هكا راه بديت نتعصب حلي وقولي ليا مالك علاش كتبكي شكون دار ليك شي حاجة(كيهدر معها بكل حب وحنان شي لي خلا صوفيا غير تزيد فالبكا هي محتاجة شحد لي تعاود ليه اش كين حيت قلبها درها بزاف حلات لباب وقفات قدم هود وجها حمر ونيفها حتا هو عنيها منفوخين بالبكا كتشوف فيه ومزال عنيها كيقطرو منهم دموع حس بغصة فقلبو فاش شاف منضرها طلق دكشي لي فيدو   ومد يدو حطها على خدها بكل حب وحنان ونطق) حبيبة مالك