🎈الخفة لي فيا درتها ليا 🎈
🖋️بقلم :رميسة عبيدين 🖋️
❇️البارت 155❇️
فالكنينك عند صوفيا لي دخلات عندها خالت هود
فاش خرج هود من لكنينيك دخلات فوزية عند صوفيا جات جلسات جنبها فوق كرسي وشدات ليها فيدها وكدوز ليها على رسها
صوفيا غمضات عنيها فاش حسات بالباب تحل سحابلها شحد من ولديها ولا هود دخل تاني فضلات تغمض عنيها ولا تبقا تهدر ولا تسمع لشحد
فوزية:الله بنتي اش وقع فيك سمحليا حيت بنتي مرام عندها دخل فهداشي لي نتي فيه سمحليا بنتي الله اشافيك يارب ويتبت حملك يارب وميحرمنا من هداشي لي فكرشك انا من شحال ونتمنا امتا نشوف ولاد هود ياربي متحرمناش منو يارب
بدات فوزية دمع وهي كتهدر سحابلها صوفيا باقي مفاقتش من لبنج
صوفيا غير سمعتها اش كتقول عرفات بلي ماشي شحد من لي كتكرهم هو لي دخل عندها طمنات وحلات عونتها العسلين كتشوف فيها ودموع محجرين فيهم
صوفيا:ولدي مغذي يوقع ليه والو ياك
فوزية:(كانت كتمسح فدموعها غير سمعتها شافت فيها وهي درب ليها برسها) لا بنتي مغدي ايوقع لولدك والو ان شاء الله كولشي يولي بخير وربي ايتبت حملك يارب وانا غدي نرد ليك لبال حتا دوزي هداشي لي بقا ليك تكملي تلاتة شهور اش بان ليك
صوفيا:اه انا انرد ليه لبال ولدي ايبقا معيا
فوزية:اكيد ايبقا معك قولي باش كتحسي
صوفيا:شوية دالوجع تحت كرشي وراسي كيحرقني
فوزية:اه حيت لي دوزتيه هدا نهار ماشي قليل الله احسن عوانك بنتي
صوفيا :(تفكرات هود واش كان يقول عليها) انا معرفت هشام خوه انا بصاح كنت هدرت مع هشام باش اجي أصلح غلاطو مع مرام وهو قال بلي ايجي ولاكين فاش جا وتلقاني مقالش ليا بلي هو خو هود مفراسيش بلي خوه اما كاع منهدر معه بلا خبار هود هو شك فيا بلي كنخونو ودربني وكان ولدي اضيع مني بسبابو
فوزية:(قربات ليها حضنتها غير من رسها) شش تهدني بنتي انا عارفة داك شماتة هو سباب فكولشي وهود ردت فعلو درها حيت كيبغيك وهو تعرض الغدر من خوه ومن ديك لي متسماش تاع بنت كرشي وداكشي علاش غضب وخلا الغضب تاعو اعميه غير شاف تصاورك مع هشام فوق الفراش متحكميش فراسو(عودات ليها لي قالو ليها هود)
صوفيا:كيفاش شمن تصاور
فوزية:تصاورك نتي وهشام قاليا بلي هشام سيفطهم ليه مرة كنتي معه فالبحر مرة فالبيت فوق لفراش وهداشي لي خلاه اتعصب ويتعما وشك فيك
صوفيا تفكرات فاش كانت هي ولبنات فالبحر وجا هشام زعمة غير صدفة وتفكرات فاش فاقت لقات رسها فبيتو عاد حسات بالقلب طلع معها وحسات بشمتة حيت فعلا مكانتش متوقعة بلي هشام صورها وغيصيفط تصاور ل هود ندمات حيت خبات على هود بلي شحد عتقها فاش سخفات قدام لافاك شافت ف خالت هود وهي تنطق
أنت تقرأ
الخفة لي فيا دارتها ليا ❇️مكتملة❇️
Romantizm💎مكتملة💎 ❌حصرية على الواتباد❌ سلمعلكم الفريزات😁 جبنا لكم قصة جديدة وفكرة جديدة وكاتبة جديدة لهي انا 🙂 متخلعوش راه كاينة حتا روميسة كاتبة مبدعة ديالنا 😘مهم كيفما شفتو كبيدات قصة بعنوان الخفة لي فيا درتها ليا قصة كتجمع بين الكوميدية ودراما اح...
