الخفة لي فيا دارتها ليا ❇️مكتملة❇️

❇️الجزء 112❇️

الخفة لي فيا درتها ليا 🎈
🖋️بقلم :رميسة عبيدين & Safae Safae 🖋️
❇️ البارت112❇️

دخلات نزهة وسعدية على البنات اما فاطمة رها مشغولة مع طبخات كطل عليهم فين وصلو فطياب

نزهة وسعدية دخلو  لقات غير لبنى ومنال جالسين فوق سرير ومسندين ضهرهم ببعضياتهم كل وحدة تشوف في جهة وجامعين رجليهم عندهم  باين الحزن عليهم وتوتر 

سعدية : ارسول الله انتوما مالكم مقرنصات هكا وجهكم مغبن  عندكم العزو

نزهة : زعمة خاصكم تكونو فرحانات بهاد نهار
لبنى :(دارت عندهم)  لا صافي مابقيناش فرحانات وهادشي غير لغيوه حنا غادي نساحبو مقدينش عليه

سعدية :(بانت ليها كتهضر من نيتها بنتها وعارفاها امتا تهضر من نيتها وامتا تفلى خبطات سعدية على فخضها) ويلي حاي اش هاد الهضرة ياك انتوما لي جايبينهم  وباغينهم اش تبدل دابا باغين تردونا ضحكة مع ناس

منال :(بدات تنخصص)اخالتي حنا ميصحابش لينا زواج فيه هادشي كامل حنا مانقدو لا على برزة ولا على طلوع في العمارية ولا دخلة ولا الحمالة ولا ولادة

لبنى:اه خلي عليك مسؤلية ونبوس ليه يدو نقول الله اخلف عليك ويبارك فعمر سدي
السعدية:ويلي حاي اش كتقولي البهلة باغية تردني ضحكة مع ناس 

نزهة:( عرفتهم خايفين من اش كيسمعو على زواج حبسات سعدية لي بغات تمشي لبنى تنتفها و مشات توجهات عندهم جالسة معنقاهم بجنب) ابنياتي هادي راه هي سنة لحياة وزواج ماشي كيف كتسمعو عليه زواج زين ولبنت لتزوجات  كتلقا راجل في جنبها  يبغيها بل يعشقها  يهتم بتفاصيلها ويكون  هدفو هو يفرحها  فعلا الزوج صالح نعمة ودراري تبارك الله باينة فيهم واش كيبغيوكم  غير من دكشي لي جيبين ليكم وغير من طريق لي دربو باش اجيو عندكم  زائد بغاو اتزوجكم وخا باقين كيقراو يعني كيبغوكم كون شواحد غيرهم كون كيتحجج ليكم بدروف وبلقرايا باش اتفلاو عليكم ويرهنكم معهم حتا نهار اخدمو اخليكم ويتزوجو غيركم  ودراري تبارك الله عليهم واعين وزوينين مشالله وأهم حاجة بغوكم لحلال مافيهم ميتعاب ولا لي اخليكم تفكرو تنساحبو

لبنى: وراه مشكيل ماشي فيهم هوما
نزهة:فين كين المشكل
منال:فدوك  الاوجاع لي يسبو لنا فيهم 
نزهة : مم  في هاد الحياة كاين مبدأ عنوانو عطي باش تاخد باش تعيشي الفرحة مع لي كتبغي خاصك تصبري معاااه في حلوة ومرة اما بخصوص الالم ديال الدخلة راه كيف والو حلاوتو كتر من الآمو  (دارت عند سعدية كيضحكو ) غادي تحسو غير  بحال ملي كيضربو ليك برة في سبيطار والوجع دالولادة راه دغية يفوت قالك غير تشوفي عوناتو  وتنساي وجعاتو كاع النسا دازو من هداشي  الحمد لله راهم  صحة سلام ولدو وعاودو ولدو مرة اخرا كون كان لوجع صعيب كيف كتسمعو عليه كون كيولدو لعيلات مرة وحدة ومبقاوش يعاودو احملو هوما كيولدو كدوز عام مكملاش تلقهم حملو  و ماشي داك الوجع بقا لاصق  فيهم حياتهم  كاملة فهمتو بنياتي  تحملو الام باش تنعمو بسكينة من وراه
ماشي انتوما تسمحو فالأمومة على قبل شوية دالوجع مدة ديالو 4  ولا5 ايام  وتحرمي من كلمة ماما لعمر كامل
سعدية : ايييه ابنياتي واش مابيغينش توليو أمهات