🎈الخفة لي فيا درتها ليا 🎈
🖋️بقلم :رميسة عبيدين & Safae Safae 🖋️
❇️البارت 60❇️
الكل باركو زواج لهود وصوفيا وتمناو ليهم حياة سعيدة
رجعي جلسو تاني هود فرحان بزاف مقداه دنيا حدا صوفيا لي صافي ولات مراتو وحلالو ديالو بشرع والقانون
دخلات لبنى هازة الحليب وكدور فعينها ووراها منال هازة طبسيل ديال تمر معمر
لبنى فرقات الحليب على الحضور وصلات عند هود وهي تبدا تفتف كون ما صوفيا لي حمرات فيها باش تجمع راسها عاد دورات ليها بلاطو من جهة لي فيها كاس مالح وغمزات صوفيا باش تهزو وعطات حتا لهود كاس حليب يلاه ايشربو نطقات نزهة
نزهة : ولادي شربو بعضياتكم الحليب وتمر باش تبداو حياتكم بحلاوة وتيسير
هود معطلهاش بتاسم ليها و هز تمرة عطها لصوفيا لي راسمة بتسامة على وجها حتا هي عطاتو تمرة وهو امد ليها لكاس شرب صوفيا وهو كيشوف فيها بحب جات نوبتها حتا هي شرباتو الحليب وكتشوف فيه بمكر
هود غير تحط الحليب في فمو خصر سيفتو ملي داق مداق ملوحية واحد مداق كيجيب تقية حرقو فمو مع جغم جغمة نيت بزز باش صرط ديك جغمة باش ميبينش لي حضرين حيت كيشفو فيهم
صوفيا كتشوف فيه باستفزاز وعلى وجها ضحكة تشافي
مد هود يدو تحت طبلة وقرصها لفخدها وزير ليها عليه غرس فيه دفارو ونطق تحت سنانو )
هود:انت مولات الفعلة ياااك بديتي بخصايلك عوتاني البرهوشة عاجبك نبداو حياتنا بمرورية ااااه ؟
صوفيا :(وعتها في فخدها هزات رجلها شتفات عليه حتا طلق منها) انت لي بديتي علاش جبتي معاك الشاف ديالك باغي تفضحني اه ومكملها بالعدول ياك انا قلت ليك غير خطبة علاش زربتي عليهم وخليتي ولدي يتجاراو فيهاد ليل
هود :(قرب عندها ملي شاف العائلة ملاهيا بهضرة
همس ليها)مزروب احبي مزروب وحيت انت مافيك تيقة خفت تقلبي عليا بحال زمان قالت نربطك فيا قبل متقلبي
اما شاف جبتو حيت راه في مقام الواليد ديالي
(شاف ف عبد العزيز لي مجمع مع يوسف ومحمد وبتاسم فاش تفكر الهدرة لي دارت بنتهم)
فلاش باك🕑
هود من بعد ما وجد كلشي الخطبة بقا خاصو شكون لي يدي معاه
هو من بعد لي وقع ضرب كروة كحلة على عائلتو ولا حاسب راسو معندو عائلة وهاد الشي ماكيأزموش بالعكس عادي ولكن جات عيب يمشي بوحدو عند ناس هاد الشي علاش قرر يتاصل بشاف ديالو حيت في مقام باه بيناتهم علاقة قوية
دوز ليه اتصال غير شوية وهو يجاوب
هود ؛الو سلام عليكم احتراماتي مون شاف
عبد العزيز :اهلا ولدي اش خبارك طولتي علينا الغيبة بقات بلاصتك
هود :انت لي صدرتيني لهنا اش اندير ليك
شاف : والله الى توحشناك كيبان ليا غير رجع يمشي يعوضك شي حد اخر
هود :لا غير خلني اه بعدا شكرا بزاف حيت بسبابك لقيت حبيبتي
عبد العزيز: (مستغرب حيت هود مكانتش عندو علاقة بشي وحدة ) ؛احم اه كفاش شكون هدا حبيبتك
هود : ههه صوفيا لبنت لي قدمات بيا بلاغ بلي غتاصبتها
شاف :اه عرفتها وملقتي غيرها تحبها غير ديك الجنية مولات الزبايل
هود : وجنية وشمن جنية وفعايل عندها ولاكين لقلب وميبغي اشاف مهم صوفيا حبيبتي كنبغيها وبغيت نتزوج بيها والى سمحتي شرفني ويلاه معايا باش نخطبوها حيت معندي حد
شاف :(تصدم في أول ولكن سرعان ما بتاسم )هي رجعتي
هود:اه انا فكازا مهم جيت غير ندرب الكحل فالبيض وندخل لقفص دهبي ونرجع لرباط وجد راسك تمشي معيا راك عارف معندي حد لي نديه معيا
عبد العزيز :(بتاسم) مرحبا والف مرحبا مبروك عليك واخا صدمتيني ولكن من داك نهار و كنت عارف بلي ديك المدابزة اخرتها غادي طيح على زنافرك ههه الله يكمل عليكم بالخير
هود:( بتاسم ) اميين يارب يلاه وجد راسك مورا العشا اندوز عليك أن شاء الله
أنت تقرأ
الخفة لي فيا دارتها ليا ❇️مكتملة❇️
Romance💎مكتملة💎 ❌حصرية على الواتباد❌ سلمعلكم الفريزات😁 جبنا لكم قصة جديدة وفكرة جديدة وكاتبة جديدة لهي انا 🙂 متخلعوش راه كاينة حتا روميسة كاتبة مبدعة ديالنا 😘مهم كيفما شفتو كبيدات قصة بعنوان الخفة لي فيا درتها ليا قصة كتجمع بين الكوميدية ودراما اح...
