🎈الخفة لي فيا درتها ليا 🎈
🖋️بقلم :رميسة عبيدين & Safae Safae 🖋️
❇️البارت 128❇️
صفوان: انا مابغيتش نتعاالج هكا حسن لياا ولنااس بغيت نبقا هكا حتا نموت وكون قدرت نقتل راسي كون درتها
صوفيا:شش متقولش هكاك متكونش جبان (بإصرار) انا بغيت خال لولدي يكون بطل ماشي جبان بغيتو واقف على رجليه باش يوقف مع ولدي ويلعب معاه ويساندوو (مددات يديه وحطاتها على كرشها) بغيت ولدي يتعنى بخاالو ويتخبا وراه منين يديير زباايل
صفوان:حاملة
صوفيا:وي حاملة وقريب تولي خال وبغيت نهار نولد تجي عندي واقف على رجليك وتجيب ليا احسن كادو لولدي يلاه
صفوان:ههه اكيد نجيب ليه كدوات ماشي غير كادو
صوفيا :هي لدرتي فيك نفس ونضتي حيدتي هدا الغوفلة وتنوض تعالج ناري شوف حالتك كيف ولات وجهك كيف مغوفل عندك نتوحم عليك نجيب ولدي بلحية بحالك اش بان ليك نحسن ليك نرجع صفوان تيتيز ديال زمان قاهر الفتيات فلافاك
صفوان:هههه مسطية برب هانتي وجهي قدامك دري فيه مبغتي اصلا منقدرش نمنعك يدي لي انمنعك بيهم راكي كتشوفي فيهم
صوفيا :ان شاء الله كولشي ارجع كيف كان وغترد صحتك بحال لول انت خصك غير تكون عندك العازمة
(بقات صوفيا مع صفوان كاتشجع فيه وترفع ليه فالمعنويات حتا واقف اتعالج ويمشي لبرا باش ارجع صحتو كيف لول على قبل ختو ولد ختو صوفيا فرحات بزاف حيت قنعاتو شافت فيه ونطقات)
صوفيا: أدهم توحشك باغي اشوفك وانت منعتي عليه ادخل عندك هو (قطعها صفوان لي عيط بسميت أدهم بجهد)
صفوان:اااادهم دخل
بتاسم أدهم لي كان كيبكي وهو كيسمع ليهم مسح دموعو وحل لباب ودخل عندهم مخلي جملية وعثمان برا جميلة لي فرحات بزاف حيت صفوان باغي اتعالج وحتا عثمان فرح ل صفوان وفنفس الوقت وجعو قلبو من الهدرة لي سمع صوفيا قالتها بلي مغديش تسمح ليهم وبلي هوما سباب فلي وصلو ليه
دخل أدهم وعنق خوه بكل حب وجلس معه هو وصوفيا كيفوجو عليه وجالسين يعودو ليه على هدا نهار وكيفاش وجدو شوا والفاخر لي مبغاش أشعل ليهم
صوفيا:ناري كون تشوف وجه أدهم كيف ولا مجلخ بالفخر تقول كيبيع فيه ماشي باغي أشعل فيه
ادهم:هههه ومشتيش وجهك نتي كيف دير بدقيق تقول خدمة فطاحونة
صفوان:هههههههه ناري علام
أدهم : فراسك جاي هود كيجري سحاب ليه حرقات دار
صفوان:هههه علام نتوما دوزتو نهار زوين قول وزردتو فيه
صوفيا:وي نهار زوين وان شاء الله نعودوه ب تلاتا بينا ملي تبرا
صفوان:ان شاء الله
ادهم:ان شاء الله وفشي نزهة نخرجو لشي بلاصة يا بحر يا غابة ونطيبو شوا
صوفياا:ياي دكشي لي كيعجبني
صفوان:اكيد ايكون نهار واعر متشووق امتا نخرجو
صوفياا:نهار تبرا ان شاء الله نخرجو مجموعين ومع الكليكة وندوزو نهار مع بعض ولا نمشيو نخيمو فشي بلاصة.
ادهم:ان شاء الله
أنت تقرأ
الخفة لي فيا دارتها ليا ❇️مكتملة❇️
Roman d'amour💎مكتملة💎 ❌حصرية على الواتباد❌ سلمعلكم الفريزات😁 جبنا لكم قصة جديدة وفكرة جديدة وكاتبة جديدة لهي انا 🙂 متخلعوش راه كاينة حتا روميسة كاتبة مبدعة ديالنا 😘مهم كيفما شفتو كبيدات قصة بعنوان الخفة لي فيا درتها ليا قصة كتجمع بين الكوميدية ودراما اح...
