الخفة لي فيا درتها ليا 🎈
🖋️بقلم :رميسة عبيدين & Safae Safae 🖋️
❇️ البارت 99❇️
بعدات عليهم وجبدات تلفونها يلاه ادوز المكالمة لقات رسها بين حضن دافيئ وحنين ولاكين ريحة غريبة ماشي ريحت هود حلات عنيها على وسعهم وهي كتسمع لدقات داك القلب لي قريب لودنيها كيف كيدق بجهد وداك صدر كيف كيطلع وينزل
لبنات وقفو فاش شافو داك شخص الغريب حضن صحبتهم يلاه اهدرو بانو ليهم دراري عز وعادل لي جاو من جيهت لولطو وقفو عليهم
منال:شكون هداك لي حضنها
عادل:خوها
لبنى:(مسمعاتش ديك خوها وهي تنطق) ويلي حاي دبا اجي هود اعلقهم ب جوج مال هداك مسطي تلاح عليها خشها فحضنو حيد نوريه
عز:(مد يدو شدها من درعها رجعها جنب منال لي مصدومة فاش سمعات عادل قال خوها نطق عز) راه قالنا ليك خوها هداك حضنها وهود عارفو خوها اجيو خليوهم يهدرو مع بعض
منال:ناري خوها تيتز بحالها
عادل:(خبطها لرسها باش تسد فمها) تنزلي عنيك ولا نفكسهم ليك
منال:(خنزرات فيه) اش بغتي انت ياك مخصمة معك بعد مني(بغات تمشي شدها عادل وجرها معه)
لبنى :(بقات واقفة كدور فعنيها وعز قدمها كيشوف فيها) احم سمح لياا لبارح ضربتك
عز:ضرب هانية ديك لفضيحة لي درتي ليا لي اوفر بزاف
لبنى:انت مخصكش تقرب ليا دكشي حرام راه انا وياك باقي متزوجنا
عز:ماقلتي عيب الالة هدا الوكاند انزل لكازا معك ندير شرع
لبنى :كيفاش 😲
عز:كيف سمعتي قولي لموك بلي انجي مع الواليد هاد الوكاند حيت مبقا فيا لي اصبر
لبنى:انت باقي كتقرا باقي مخدمتيش
عز:راه عندي شواهيد تاعي غير درت مستر ازين وعندي مشروعي الخاص عندكي تحگرني دبا معندك حتا سبب وجدي راسك لشرع والحلال ياك بغتي غير الحلال انا نديرو معك ولاكين تعودي تبوحطي عليا نصمك حسك
عز خلا لبنى فهول من صدمة وقفة كتبرق فعنيها وكتصرط فريقها وهي كتشوف فيه كيهدر
اما عند صوفيا لي سكنات فدك الحضن دركات رسها ودفعاتو بعداتو عليها باش تهز عنيها تلقا شاب فالعشرين من عمرو وسيم وزعر ملامحو بريئين شافت فيه ونطقات
صوفيا:شكون انت
ادهم:انا احم أدهم الاسماعيلي(صوفيا غير سمعات الاسماعيلي عرفاتو خو صفوان زيرات على يديها وحدرات رسها نطق أدهم) سمحليا جيت حضنتك هكا بلا مقدمات ولاكين مقدرتش نحبس راسي غير وراك ليا عز نزلت كنجري حضنت ختي
صوفيا:(هزات عنيها فيه) ختي
ادهم:اه ختي تيتيزة وخا نجلسو نهدرو انا وياك
صوفيا حسات ب احساس فشكل وهو كيهدر معها مشات معه جلسو فوق واحد لكرسي وهي تنطق
صوفيا:احم انا صوفيا المسعودي
ادهم:مشرفين ختيتو فراسك انا فرحان بزاف فاش عرفت عندي ختي وخا تصدمت مي فرحت حيت كنت متمني كون عندي ختي طلع كانت عندي غير بابا مخبيها علينا
صوفيا:انا مجرد غلطة درها باباك
ادهم:احلى غلطة غلطها بابا (كيشوف فيها بكل حب هو طبعو حنين وحساس عكس صفوان لي متهور واناني بحال باه)
صوفيا:احم خوك كيف بقا
ادهم:(تنهد ونطق) هو تشلل
صوفيا :(وقفات وهي تنطق) كيفاش
صوفيا تصدمات كيفاش صفوان مشلل هي مفرسهاش بلي وصل لديك الحالة كاملة هي فرسها دار عملية خطيرة ولاكين اتشلل لا مبغتهاش ليه
ادهم:(شد فيدها رجعها جلسها جنبو ونطق) هداشي لي عطا الله مكتاب الله
صوفيا:والله مبغيت ليه هكا هو لي لصقني ست شهور وانا كنحاول نغير ليه نضرتو لياا وكنحاول نحط حد بنتنا وكنقول ليه حنا مجرد أصدقاء عتارف ليا بلي كيبغيني رفضت وقالت ليه انسا كولشي دازت ست شهور مشينا لحفلة وهو سكرني وخلاني بلا وعي وكان غدي اتكرفس عليا لولا لطف الله كان خويا غادي ازني معيا (دمعو عنيها وزيرات على يديها عضات على قنوفتها كتمات بكها حتا صرطات الغصة لي فحلقها ونطقات)جاو لبوليس هوما لي عتقوني وتاني مرة تهجم علياا فالحمام دربتو وبقا فياا وتبريت منو ابعد مني جا تاني سمعني هدرة خايبة ومهدرتوش نخلتو فاش خرجت خضرني وداني معه كنت مقدراش نهز يدي مقدراش ندافع على راسي هو محنش فيا وتمدا فدكشي لي كيدير بقيت نغوت لغوات لي بقا لياا حتا جا رجلي احم هود جاي لقاني ولقا صفوان كيعري فيا تما دربو هود فقد اعصابو ودربو حنا مدرنهاش ليه بالعاني والله وعمري تمنيت ليه شر وخا هو دار لي دار كيبقا فيا معرفت علاش
أدهم :(شافها كتبكي وتهدر مكان عليه غير اجرها لحضنو عنقها بكل قوة ونطق) ششش سمحليا عافك أختي سمحليا على تصروف صفوان هو ماشي شي واحد خايب هو غير حس بمشاعر الأخوة من جيهتك ومعرفش اترجمهم وسحاب ليه حب وهو اناني بحال بابا صفوان ديما متهور ولي بغها كيدير ل مستحيل اوصل ليها ونتي شافك وقلبو حس بحاجة من جيهتك وهداشي كنحسو انا دبا حاليا وهو احساس بحب الأخوة والحنان كون صفوان عرفك قبل بلي نتي ختو كون فرح وحن فيك ومخلا حتا حد يقرب ليك ولا يأديك والعكس تاني كون انا تلقيتك قبل ومعرفتكش ختي اقدر حتا انا نمشي غالط مع داك شعور ونسحاب حب الله اسمح ل بابا هو لي حطنا فهدا الموقف الخايب لي حتا حد مكيتمناه سمحليا عافك ختي
صوفيا :(حسات ب احساس فشكل وهي فحضنو وكتسمع ليه أدهم انسان حساس وضريف وحنين بزاف وحسات معه بطعم الأخوة وبمعنا الأخوة زيرات عليه ونطقات
صوفيا:اه هو سباب هو وهذيك لي ولدتني حتا هي سباب فهداشي هوما دروها وحنا دفعنا تمن بلاصتهم صفوان تشلل وانا عنيت بزاف فحياتي
ادهم:وي الله اسمح ليهم بعدونا على بعضنا وها حنا دبا كنعانيو بسبابهم (بعد عليه صوفيا شوية ونطق) صوفيا بغيت نتعرف عليك كتر قولي فين عايشة وكيف دوزتي طفولتك
صوفيا:هه انا دبا مزوجة عايشة مع رجلي وطفولتي مشفتهاش اصلا معرفت كيف دازت
أدهم :(درو قلبو وهو كيسمع ليها نطق) واش كبرتي مع ماماك
صوفيا:لا خلاتني حتا هي انا كبرت مع بابا محمد وماما نزهة ديك لمرة جامي شفتها فحياتي مهم نسا دبا دوك جوج انا مكنعرفهم ومبغيتش نهدر عليهم خلينا غير فينا حنا انت اش كدير فحياتك
أدهم :بتاسم انا مزال كنقرا فلافاك خوك مهوس بسما وطيران باغي نولى بيلوط
صوفياا:اي هاي هاي انا طيران كنطيرو غير فالارض لهلا اوريك
أدهم :هههه دبا نطيرك معيا أختي فوق سحاب ان شاء الله ملي نتخرج ونخدم
صوفيا:موفقة
أنت تقرأ
الخفة لي فيا دارتها ليا ❇️مكتملة❇️
Romance💎مكتملة💎 ❌حصرية على الواتباد❌ سلمعلكم الفريزات😁 جبنا لكم قصة جديدة وفكرة جديدة وكاتبة جديدة لهي انا 🙂 متخلعوش راه كاينة حتا روميسة كاتبة مبدعة ديالنا 😘مهم كيفما شفتو كبيدات قصة بعنوان الخفة لي فيا درتها ليا قصة كتجمع بين الكوميدية ودراما اح...
