🎈الخفة لي فيا درتها ليا 🎈
🖋️بقلم :رميسة عبيدين 🖋️
❇️البارت 150 ❇️
مرام: (تنترات من ماماها وهي تنطق) مغديش رجع معك كتسمعي انا جيت لهنا باش نرجع علاقتي ب هود ومغديش نمشي من هنا حتا نرجعو لياا وخا اكلفني هداشي نطيح روح مغديش نتردد
كملتها حسات بتصرفيقة عوجات ليها حنكها
فوزية (جمعات معها بتصرفيقة) هود عمرو ارجع ليك فيقي على راسك وشوفي راسك شوفي كرشك لي جبتيها من لحرام وحملتي من خوه نتي كنتي مع خوه كتسمعي وحاملة من خوه وهود مزوج وبمرتو وخا كاع يبغي هو ارجع ليك عمري نخليه عمري نخليه ادخل عليه عاهرة لدارو كتسمعي لنتي قالتي اترديه وخا اكلفك هداشي طيحي روح انا انقول ليك بلي عمرك تحلمي بيه حيت عمري نخليك تفلحي فدكشي لي كدري وخا نعرف اكلفني هداشي روحك نخنقك ونحسب ربي مخلقك كتسمعي (هزات صبعها قدام وجها بتهديد)
مرام:هو لي جابك لهنا باش تخرجني من حياتو شفتي هو اصلا كون مكييحس بوالو من جيهتي كون خرجني هو براسو مايحتاج اعيط عليك تجي تديني هود كيبغني
فوزية:(بتسمات بسخرية ونطقات) غلاطة هو معيطش ليا ولا عمرو هدر معيا من نهار سببتي حتا تقطعات علاقتي بولد ختي من داك نهار وهو درب عليا وخرجني من حياتو وخرجك حتا نتي كتسمعي وهو معرفت كيف وقع خلاك هنا ماشي حبا فيك ابنت كرشي
مرام:(تصدمات وهي تنطق) صوفيا عيطات عليك
فوزية شافت فيها وهي ترجع بيها ذاكرة لور
فلاش باك🕤
كانت فوزية كتستاعد تنعس مع ديك 11 ديال ليل حتا وصلها مساج هزات تليفون حلاتو وهي تلقا مساج لي خلها تنوض من جنب رجلها وخرجات لباركو وهي تصوني على داك رقم بدون تردد حطات تليفون فودنها باش تسمع صوت بنت كتهدر معها
فوزية:الو السلام عليكم شكون معيا
منال :وعليكم السلام ورحمة الله معاك منال انا صحبت مرت هود وكنضن بلي قرتي مساج لي رسلت ليك وفهمتي منو اش كين
فوزية:اه فهمت اش كين وبغيت نقول ليك بلي مفراسي ميتعاود وهدرتك كلها غلاطة انا مسيفطش بنتي عند هود ومفراسيش بلي هي مشات
لتما
منال:اه سمحليا انا شفت مساجك فتليفونها فيه بلي سيفطي ليها فلوس وبلي حطيتهم ليها فكونطها وسحابلي فراسك فين هي وبلي نتي لي سيفطيها تخرب علاقة هود وصوفيا
فوزية:لا مافرسيش عاد عرفتها منك ابنتي وعاد عرفت بلي هود مزوج
منال:هاهي فراسك اخالتي هود مزوج ومرتو حاملة وبنتك جات تخرب حياتهم وكنا انديرو فيها رسنا وندموها على نهار جات فيه ولاكين تاقينا الله فدكشي لي فكرشها وعيطنا ليك تصرفي انتي لبقي عندك شوية دالحب من جيهت هود وباغية ليه الخير
فوزية:هود ولدي وانا لي ربيتو وعمري نخلي شحد اخرب حياتو وخا تكون بنتي
بقات منال وكتهدر مع فوزية ومنال ولبنى خلوها تعرف كلشي واش كين وفالخر فوزية وعدتهم بلي هي اتصرف عطوها عنوان تاع دار هود وصوفيا هداشي لي كيحاولو لبنات يقلوه ل صوفيا قبل متوصل الام تاع مرام وملقاوش فرصة فين اخبرو صوفيا حيت هود عيط على منال
قطعهم
أنت تقرأ
الخفة لي فيا دارتها ليا ❇️مكتملة❇️
Romance💎مكتملة💎 ❌حصرية على الواتباد❌ سلمعلكم الفريزات😁 جبنا لكم قصة جديدة وفكرة جديدة وكاتبة جديدة لهي انا 🙂 متخلعوش راه كاينة حتا روميسة كاتبة مبدعة ديالنا 😘مهم كيفما شفتو كبيدات قصة بعنوان الخفة لي فيا درتها ليا قصة كتجمع بين الكوميدية ودراما اح...
