الخفة لي فيا دارتها ليا ❇️مكتملة❇️

❇️الجزء 1❇️

🎈الخفة لي فيا درتها ليا🎈
🖋️بقلم:رميسة عبيدين& Safae Safae🖋️
❇️البارت 1❇️
كوفيد 19 وما ادراك ما كوفيد19 ها ماشي موضوعنا لا غير هدا هو سبب رئيسي باش جبتها فراسي مهم نبداو بنهار تحل حمام جديد فدربنا

:صافية صافيييييية وا صافيااااا
صافيا:(حلات سرجم طلات منو وهو مخنزرة حالة عين وسدة عين) شباغية اديك النمية لاش مصبحة عليا مع نبوري
لبنى:ونوضي تقعدي يلاه نمشيو الحمام جديد راه تحل ليوم وديرين فابور
صافية :(شافت فساعة لي فحيط صالونهم تما فين كتنعس بانت ليا 6صباح)واش باغية لجدولديك ادربنا شي جن نمشيو من صبوحي واش حنا لي نشعلو ليه العافية نسخونوه دوري تقو*دي عليا خليني نغس
لبنى:وتي نوضي شمن جنون راه الحمام مسطوكي ويلاه تلحقي تشدي بلاصتك راه كلشي كيجري ليه مع اليوم فابور وعارفك مكحطة وجه جوع دوزي دوشي فابور وخلي ديك 10درهم لي اتخلصي شارجي بيها الكونيكسيو
صافية :عندك الحق حبيبتي كتخممي ليا صبري نهز دوزاني ونزل (جرات صافية بجرا وبتلفة دفعات لباب دبيت النعاس دماماها وباباها بجهد خلاتهم اتقاعدو من بلاصتهم كانو ناعسين معنقين حتى تفرع عليهم لباب معرفو باش تبلاو والاب وقف كيقلب على سروالو والام مخشية تحت المدربة كدرق زيزلتها
صافية:سموحات جيت ناخد حواجي ونخرج
الاب:(هز واحد صندلة شير عليها) احرق اصل موك البرهوشة خرجي عليا
صافية:(هربات لبرا وهي تنطق) والحكومة وتوما عطيو شعب حوايجو امشي لحمام راه ليوم فابور
الاب:(بالفقصة مشا الماريو جبد كاع الحوايج لاحهم عليها ولاح ليها صاك) جمعهم وخرجي علياا قبل منقتل موك البرهوشة
صافية:لاواه سي محمد راه بغيت غير لحمام ندوش انهز غير باش نبدل(تحنات كتهز فسوتيان قدامو هو تاني لي واقف كان لابس سروال مقلوب راد ليه سنسلة لور وشادو بيدو ليطيح ليه سلات وشاف فيه وصغرات عنيها) بابا واش اتصلي صلاة الاستسقاء حتى قلبتي حويجك

الاب:انصلي صلاة جنازتك اليوم لي بان ليا (شد سروال بيد وحدة وتبعها كيصرفق فيها حتى هربات)
الام :(خرجات من تحت المدربة حشمانة عارفة البهلة دبنتها) شفتي فشوشك ليها شفتي تربيتك الخاصرة فين وصلتها
الاب:شهد البطل العكري هذي من نهار نهارها وهي تربي فينا معرفت لمن طالعة عرفتي شنو كنطلب الله امتى غير تسالي هذا العطلة نسيفطها لقريتها نتهناو
الام:شيبة عاصية هدا البنت مي صبر صبر
عند صافية لي هزات دكشي وهي تخرج لقات صحبتها جلسة قدام لباب
صافية:مشينا
لبنى:تعطلتي ازمرة.
صافية :تعطلت حيت مشيت شفت قلاو*ي سي محمد غير سكتي فطرت بملخة عاد نزلت تحركي نمشير (تحركو لبنات لحمام لقاو العيلات كيتجارو يدخلو الحمام جراو حتى هوما دخلو صبقات لبنى تبعتها صافية مع دخلات صافية مع تسمع الغوات فالحمام وسطولا كيتشيرو طلقات صكها وسطلها وهربات خرجات لبرى
صافية:بسم الله الرحمن الرحيم واقيلة دخلنا على جنون وهوما كيدوشو

شدات قلبها وقفات قدام لباب حتى خرجات لبنى صحبتها كتكرشخ بضحك
صافية :مالك اطحبة اشنو لي ضحكك مال دوك العيلات غوتو وشيرو عليا
لبنى:بسيف اختي وانتي دخلة عليهم بحال لا صدر لا ترمة لا شعر صحاب ليهم شي دري دخل عليهم راه شرحت ليهم،
صافية :بنات لقح*اب لمدخلتش نخور مهم وحدة بوحدة منتسماش (اه صوفا مقطعة شعرها بحال دري ديرة تشاوك ولبسة سروال كيطمة عريض وقبية وفاش دخلات على العيلات وهوما عريانين بداو اغوتو وشي كيدرق فراسو وشي كتشير بلي جات قدمها ويغوتو دري دخل)
باقي صافية واقفة كتحلف خرجات عندها واحد المرة كبيرة فالعمر وصحيحة عريضة نيت وعزية شافت فيها
المرأة :دخلي بنيتي راه سحاب لينا دري وسمحي لينا احم انا لي مكلفة بالحمام
صافية:والله حتى بنت خالتي وبلاتي ندخل نتعرا تشرفو البزول راه عندي عندكم تحكروني
لبنى :(جرتها) دخلي المصيبة نشدو بلاصة
دخلو لبنات تاني وصافية كتشوف فالعيلات لي كيدرقو راسهم خايفين منها حيت كتبان دري محطوط شافت واحد لبنت دكشي ديال بابا وماما كتشوف فيها وتميق وهي تغمزها صافية
صافية :😘😉(وصيفطات ليها بوسة فالهوا خلات لبنت تصدم بدات صافية تحيد حويجها قدامهم وهوما اتصدمو من طيتها لي كيف الحوتة منحوتة وكل حاجة بلاصتها وغير صافية كتخبيه بالحوايج العراض ديال الدراري العيلات لي كانو جراو عليها حيت خلعاتهم طرعو فيها فمامهم وعنيهم ولات هي لي خايفة منهم يغتصبوها هزات عرام دسطولا هي ولبني ودخلو لداخل تاع الحمام تما بحال سوق والغوات كتسمع منين ومنين والهرج والفوار طالع مكيبان والو وريحت الوسخ كتعطعط والعيلات واقفين شدين نوبة باش اعمرو الماء