الخفة لي فيا درتها ليا 🎈
🖋️بقلم :رميسة عبيدين & Safae Safae 🖋️
❇️ البارت 79❇️
صوفيا:(دفعاتو باش اطلقها) بعد مني كنكرهك لا انت لا هو وكنكره قلبي لي مزال كيحس بتأنيب ضمير من جيهتكم بجوجكم كلكم زو&امل ومكتسوا(كتسب فيه وكترطا باش اطلقها حتا لقات رسها معلق لسما)
هود:(لي عصباتو حيت كتخصر الهدرة وكتهدر على صفوان وقلبها كيحس بيه هداشي كامل خلاه اتعصب بعد عليها وشدها من شعرها جرها عندو) برب ونعاود نسمعك كتهدري عليه ولا تقولي بقا فيك حتا ندبح موك من طرف لطرف كتسمعي وفمك صلحيه هاني مبري منك شي نهار غدي نهرسو ليك
صوفيا:(لي فيها مامهنيها) هرسو اش كتسنا اصلا هداشي لي كتعرف دير مالك معجبك الحال نقول ليك حقيقتك جلس تقول هو يستاهل لموت وانت اش تستاهل على لي درتيه فياا
منال ولبنى شافو هو معصب وباين ايفوت فيها شي دقة دخلو كيفك فيهم
لبنى :عافك طلقها هي باقي مريضة وغير قلبها حنين معرفاش اش كتقول
هود:من الاحسن تنساي لي واقع ومن الاحسن مبقاش تجبدي سيرت شي ز&مل على لسانك ولا تكني ليه شي مشاعر وخا حتا تاع الكره ( كمل كلامو شاف وف صوفيا لي كتشوف فيه وهو ادفعها حتا رجعات لور ودرب يدو مع الحيط وزاد خرج معصب حيت كلما هدر معها كتفكرو بلي هو مغتصب هو كيغير عليها وفاش سمع بلي ياكما كتبغي صفوان صعر ومبقاش تحكم فراسو ومشا ليها وناتجة كانت بلي هي حطاه فنفس الكفة مع صفوان كلهم فحال فحال عندها
خرج هود معصب والوجه الكوميسرية قد شي وراق وخرج توجه الكنينك عند صفوان حالف حتا اكمل عليه للقاه فايق دخل لقا دراري واقفين والاب تاع صفوان جنبهم وجنبو دري اخور هدا أدهم شاف فيهم
هود:فاق
عز:عاد سلات العملية وطبيب قال خاص 24 ساعة باش ايشوف وضعو
هود:اه فين طبيب لي مشرف على حالتو
جميلة:(لي كانت فطواليت جات لقات هود كيسول على صفوان وهي تنطق) شكون انت لي كتسول على حالة ولدي
هود:البوليس ولدك رهن الاعتقال
عثمان:اش كتقول شمن اعتقال ولدي بين الحياة الموت اش دار حتا تبغي تعتقلو
هود:(دار شاف فيه ونطق) ولدك اسدي خطف مرتي وحاول اتعدا عليها وديك الحالة لي هو فيه انا لي وصلتو ليها ودبا جيت نشوف وضعو حيت ايكون تحت الانضار تعنا وغير اسالي العلاج تاعو ايتحول لتحقيق
عثمان:كيفاش اش كتخربق انت شوية وتقتل ولدي وجاي كتقول اتعتاقلو من لفوق انا اترفع عليك دعوة انت ومرتك بجوجكم اتخلصو لي واقع فولدي
هود:متقصرش اسدي أعلى ما فخيلك ركبو (درب فيه وتوجه عند طبيب اسول على حالة تاع صفوان وضعو وخلا عثمان مكشكش وراه
جميلة :(شدات عز من لكول) ياك قالتو ولدي دار كسيدة اش كيخور هدا ولا كتسترو عليه
عز:خالتي تهدني انا نشرح ليك
عثمان :تفضلو شرحو لياا اش واقع ونتوما اتشهدو معيا ضد هدا
عادل:لا عمي منشهدوش معك حيت فعلا هود عندو الحق صفوان حاول اتعدا على صوفيا مامرة ما جوج وهو خطفها ليوم من جنب لافاك وخدرها وكان باغي اتعدا عليها
جميلة :شكون هدا صوفيا واشمن علاقة كتجمع بينها وبين ولدي عثمان ادير شي حاجة اتعطيها الفلوس باينة طماعة وبغات غير الفلوس ودارت دكشي كامل
عز:لا خالتي صوفيا ماشي كيف قالتي صفوان هو لي كيتبعها ومامرة ما جوج حاول اتعدا عليها
عثمان:وخا توريو لياا هذا صوفيا
عادل:صوفيا هي نفس البنت لي كان معها هود فصباح هنا
أنت تقرأ
الخفة لي فيا دارتها ليا ❇️مكتملة❇️
Romantizm💎مكتملة💎 ❌حصرية على الواتباد❌ سلمعلكم الفريزات😁 جبنا لكم قصة جديدة وفكرة جديدة وكاتبة جديدة لهي انا 🙂 متخلعوش راه كاينة حتا روميسة كاتبة مبدعة ديالنا 😘مهم كيفما شفتو كبيدات قصة بعنوان الخفة لي فيا درتها ليا قصة كتجمع بين الكوميدية ودراما اح...
