🎈الخفة لي فيا درتها ليا 🎈
🖋️بقلم :رميسة عبيدين & Safae Safae 🖋️
❇️البارت 122❇️
صوفيا :هي بحال ماما هي تلقها وقع معها كيف وقع مع نادية واكيد لجرتي عليها اتمشي وتولد دكشي لي فكرشها وتبعدو عليها وعلى باه وملي اكبر دكشي لي فكرشها تقدر تكون بنت ويوقع معها كيف وقع معيا تلقا بخوها ويبغي يغتصبها خلينا نعونو مرام باش هي تكبر بنتها ومتلوحهاش كيف دارت نادية معيا
هود:(شاف فيها كيف كتهدر بالغوات وتبكي قدامو تنهد وجرها ل حضنو حضنها ونطق) صوفيا هديك خيتي لي لتحت هي جات ماشي باش تقلب لي يعونها باش تحافض على لي فكرشها هي جات لهنا باش دير مشاكيل بنتنا وهاهي نجحات اول محطات رجلها فدرنا بدينا ندبزو انا وياك هانتي حبيبة الله اعطيك ستر سمعني انا نعطيك فلوس سيري عطيهم ليها وقولها تمشي فحالها انا مبغيتش نشوف حتا حد فيهم انا نسيت لماضي ونسيت اش فيه انا دبا هود راجلك وبابات ولدك لي فكرشك وانا ماشي جمعية حماية الامومة باش نعونها سيري هاكي فلوس عطيهم ليها وطلبي منها تخرج وسدي لباب
(جبد ليها واحد رزمة تاع لفلوس من لمجر عطها ليها وكيشوف فيها)
صوفيا شدات دوك لفلوس ونزلات لتحت كتمسح فدموعها وصلات عند مرام لقتها باقة جلسة فبلاصتها وشدة فكرشها من لتحت وجها حمر كيقطر بالعرق وكتنفس بجهد صوفيا شفتها هكاك وطلقات لفلوس فالارض ومشات تجري عندها
صوفياا:مرام مالك واش اتولدي نديك لطبيب
مرام:لا انا مزال خصني شهرين نولد غير وجع شدني حيت نهار كامل وانا ركبة فلكار جيت من طنجة ل كازة ومن كازا لرباط تاني وتمشيت شحال على رجلي جرة فليز تقيلة وحتا مكلة مكليتش دكشي علاش اوف ياربي اش هداشي كنحس براسي تقيل عليا وشدني دوخة
صوفياا: اه اجي نعونك تكاي رتاحي انا نجيب ليك تاكلي واقيلة طونسيو طاح ليك بسباب جوع والعيا (عونتها حتا نعسات فوق الفوطوي وهي مشات لكوزينة تشوف اش تجيب ليها)
عند مرام لي بتسمات بشر هي كانت جلسة متبع عنيها لهود كيف جر صوفيا طلعو ناضت تبعتهم بشوية من بعد محيدات سندلتها طلعات شوية فدروج وبقات تصنط ليهم واش دار بنتهم غير سمعات صوفيا اتخرج دربتها بجرية تاني لتحت شي لي خلها تعرق وتبدا تنفس جهد وجها حمر حيت جرات وستغلات هداشي لصلحها حيت هي منوياش تخرج من دار وتدي معها غير الفلوس هي مجاتش ومدرباتش هدا طريق كلها باش تاخد لفلوس من هود وترجع هي جات باش ترجع ليها هود
عند هود لي تعصب كان كيمشي ويجي فالبيت حتا شحال وهو اخرج قال اتكون صوفيا عطات ل مرام لفلوس ومرام مشات نزل مع دروج بانت ليه مرام مجبدة فوق الفطوي والفلوس طاحو فالارض غمض عينو ونزل هزهم وتوجه عندها رماهم قدمها
هود:هزي هذاشي تقعدي تجمعي عليا خرجي من هنا
مرام: احم هود انا (بدات كتورك على رسها باش تنوض حتا حسات بيدين صوفيا رجعوها ل بلاصتها)
صوفيا:مرام خليك ناعسة رتاحي هاكي شربي الحليب وكولي تمر اتقد ليك ضغط تاع
مرام:اه شكرا (شدات من عندها الحليب وكتشوف فهود بنص عين هود لي تعصب وجر صوفيا تاني لكوزينة دخلها تما بالغديد
أنت تقرأ
الخفة لي فيا دارتها ليا ❇️مكتملة❇️
Romance💎مكتملة💎 ❌حصرية على الواتباد❌ سلمعلكم الفريزات😁 جبنا لكم قصة جديدة وفكرة جديدة وكاتبة جديدة لهي انا 🙂 متخلعوش راه كاينة حتا روميسة كاتبة مبدعة ديالنا 😘مهم كيفما شفتو كبيدات قصة بعنوان الخفة لي فيا درتها ليا قصة كتجمع بين الكوميدية ودراما اح...
