الخفة لي فيا درتها ليا 🎈
🖋️بقلم :رميسة عبيدين & Safae Safae 🖋️
❇️ البارت ❇️
لحقات عليه وشداتو من يدو دار عندها شافت دموع في عينه تنهدات وتبعاتو ماهضراتش معاه
حتا وصلو لدار عاد حولات تقنعو باش يسمح لختو
نزهة :سي محمد هاديك راه ختك بنتك نادية شحال من مرة غلطات وسمحتيها
محمد :هدا لمرة غلطات غلط مكيتغفرش نغفر ليها كولشي حتا لشرفي انزهة حتا لشرفي لا عمري نسمح ليها
نزهة :(كتبكي وتطلب فيه )عفاك الى ما سمح ليها وخليها تكمل حياتها حرام نضيعو مستقبلها بسباب هاد لغلطة تصور انت تخلى عليها وهي تزيد تعمق في داك المستنقع
محمد :مستقبلها انا حاولت نبنيه ليها درت جهدي جبتها من العروبية لهنا باش تكمل قريتها ودير مستقبلها ولاكين هي دمراتو بيدها وانا ديك سيدة دفنتها الله يرحمها مبقاش تجبدي سيرتها
3 يام ونزهة كتحاول تقنع محمد يسمح لختو ووالو ولا كيتصرف عادي بحال عمرو كانت عندو شي اخت قوا راسو قدام ناس ونزهة ولكن غير يحط راسو على مخدة ويطفا ضو عيونو تسيل دم على ختو وخيانتها ليه وهاد الشي ماخفاش على نزهة لي حتا هي بقات فيها نادية وخا هي غير خت رجلها ولا من ديما عزيزة عليها نادية وشحال طلبات محمد يسمح ليها وقتارحت عليه باش تمشي لعروبية عند خوه حتا تولد ويتسما داك لولد ولد نزهة ونادية تعيش معاهم ولدها قدام عينها وعقابها انو ماتقدرش تعنا بيه قدام ناس ويتسما ولدها
لكن محمد رفض كانت نزهة يوميا تمشي عند نادية لي ملي خرجات من سبيطار داتها سعدية عندها لدار كان ديك ساعة عاد تزوجات و راجلها مزال حي حتا هو عزيزة عليه نادية ولكن ماكانتش عارف علاش ولات تبات عندهم واهم علاش سادة عليها غير في بيت ماتخرج ماتاكل معاهم هدا حال نادية ولات غير سادة عليها وتبكي. من بعد ما عرفات بلي خوها عرف اش وقع ونها علقتو بيها وبلي مبقاش كيعرفها كرهات رسها وكرهات عثمان وحتا لجنين لي فكرشها لي هو من عثمان سباب لي خلا خوها والاب تاني ليها احسبها ميتة ويقطع علقتو بيها نادية مخلات مدارت باش تنزل لبيبي غير فدار ولاكين حتا حاجة منجحات ليها ودكشي لي فكرشها متشبت بالحياة بقات مع السعدية فدرها كتسنا على أمل خوها اغفر ليها وتجي نزهة تردها لدار
حتا لواحد نهار دخلات عندها نزهة غير هاد المرة وجها خالي من اي تعبير كانت مولفة دخل عندها مبكية دابا لا ماقدراتش تفسر ملامح وجهها شاف فيها نادية ونطقات
نادية: (بدموع في عينها)ختي مالك اه اش دار خويا واش سمح ليا واش غادي يرجع يتعامل معايا كيف كان واش غادي يشوف وجهي ياك غدي اسمح ليا (كتبكي وتشهق) توحشتو توحشتو بزاااف وندمت اختي 🥺
نزهة :فات وقت ندم انادية خوك مابغاش اسمح ليك انادية درتيها ماكتغفرش طعنتيه فشرفو انادية هو كان متأمل فيك بزاف دالحوايج ولاكين خيبتي ضنو
نادية :سمحو ليا انا سباب انا سباب انا لي حليت ليه رجليا انا تقت فيه و الخفة لي فيا دارتها ليا اختي كنت كنبغيه ويصحاب ليا حتا هو وقالت ايتزوجني ونعون خويا لي قراني ولاكين وقع العكس🥺(بدات تبكي شوية بدات درب فكرشها) عونيني اختي نزل هداشي لي فكرشي مبغيتش نولد ولد داك الحيوان
السعدية:تهدني اختي ويلي نعلي شيطان لي فكرشك مدنبو والو هديك روح نقية عطها ليك ربي (حتا سعدية حاملة ديك ساعة بلبنى)
أنت تقرأ
الخفة لي فيا دارتها ليا ❇️مكتملة❇️
Romansa💎مكتملة💎 ❌حصرية على الواتباد❌ سلمعلكم الفريزات😁 جبنا لكم قصة جديدة وفكرة جديدة وكاتبة جديدة لهي انا 🙂 متخلعوش راه كاينة حتا روميسة كاتبة مبدعة ديالنا 😘مهم كيفما شفتو كبيدات قصة بعنوان الخفة لي فيا درتها ليا قصة كتجمع بين الكوميدية ودراما اح...
