🎈الخفة لي فيا درتها ليا 🎈
🖋️بقلم :رميسة عبيدين 🖋️
❇️البارت 164❇️
شدات صوفيا ختها كتعنق فيها وتبوس فيها وتعتادر ليها
وتبكي فنفس الوقت نادية وقفة كتشوف فيهم وتبتسم وخا دموع شلال من عنيها
نهى:صوفيا ختي انا فرحانة بزاف حيت سمحتي لينا هذا المرة خفتك تقلقي تاني منا بحال داك نهار
.
صوفيا: (كتسمع نهى لي كتهدر دارجة معلكة واش كتقول هي كتقول غير دكشي لي فهماتو بعدات عليها وشدات وجها بين يديها) نتي لي سمحليا اجي فراسك نتي زوينة بزاف
نهى:لا نتي لي زونية كتشبهي ل مامي بزاف (قربات بستها فخذها)
هود :(قرب عند نهى خربق ليها شعرها ولقا سلام ل نادية) سلام
نادية:سلام هود لباس
هود:لباس الحمد لله احم نهى اجي معيا بغيت نعرفك على شي ناس
نهى:اه وخا
هود: (قرب من صوفيا همس ليها فودنها) دخلي نتي وماماك وهدرو حيت باين عندها بزاف دالهدرة لي كتهمك
مشا هود دا معه نهى لداخل وهو أوقف معها فدخلة تاع صالون وشير على سي محمد بيديه هذا تاني لي غير شافو شير عليه وهو اينوض مشا عند
هود :عمي بغيت نعرف على نهى
نهى هذا خالك محمد
نهى: بصاح هذا خالو لي كتهدرو عليه ذلك نهار خالو لي بقات عندو ختي صوفي
محمد: (شاف ف هود وعرف بلي نادية وصلات حول عينو جيهت لباب بانت ليه نادية تابعة صوفيا ودخلو لاطيراس وهو ادور وجهو شاف ف نهى لي كتشوف فيه وقرب عندها جرها بسها فرسها واحضنها) انا هو ابنتي لباس عليك
نهى: (حتا هي حضناتو) لباس فراسك فاش عرفت بلي عندي خالي فرحت بزاف وتمنيت نشوفك قالتها ماما فاش عرفت قالت حتا من بعد شكرا هود حيت جبتنا هنا نشوف خالي
هود:عفوا بلاتي نوريك واحد سيدة اخرا اتعجبك
نهى:شكون
هود شير ل نزهة لي متبعة معهم من بعيد جات وقفات معهم وعرفها هود ب نهى وهي حضنتها فرحانة بيها تقول بنت ختها تسلا تعارفة بنتهم
هود: منال (عيط على منال لي جات عندو وهدر مع نهى) نهى ختيتو شوفي سيري مع منال تعرفك على لبنى ودراري منال شوفي قولي ديدجي اطلق مسقى ونشطو اوكي
منال:وخا
جرات منال نهى دتها متعرفها على دراري ولبنى اما هود وقف مع محمد ونزهة كيحاول اقنع محمد اسمح ل نادية
عند نادية دخلات هي وصوفيا لاطيراس وجلسو فديك جليسة لي فيه
نادية شافت ف صوفيا لي جلسة معها كتسنا فيها تبدا الهدرة تنهدات وهي تبدا تعاود ليها
نادية:بنتي صوفيا كيف بقتي شوية
صوفيا: انا لباس الحمد لله
نادية:بيبي صحتو بخير
صوفيا: اه بخير قالي طبيب كولشي مزيان
نادية :انا ديك لخطرة مكانش فراسي مبغتيش تشوفني كون فراسي مكنتش انجي عندك ونسيب ليك الالم
أنت تقرأ
الخفة لي فيا دارتها ليا ❇️مكتملة❇️
Storie d'amore💎مكتملة💎 ❌حصرية على الواتباد❌ سلمعلكم الفريزات😁 جبنا لكم قصة جديدة وفكرة جديدة وكاتبة جديدة لهي انا 🙂 متخلعوش راه كاينة حتا روميسة كاتبة مبدعة ديالنا 😘مهم كيفما شفتو كبيدات قصة بعنوان الخفة لي فيا درتها ليا قصة كتجمع بين الكوميدية ودراما اح...
