الخفة لي فيا دارتها ليا ❇️مكتملة❇️

❇️الجزء 62❇️

🎈الخفة لي فيا درتها ليا🎈
🖋️بقلم :رميسة عبيدين & Safae Safae 🖋️
❇️البارت 62❇️
صوفيا :(شافتو خرج وهي تعصب وبدات تحلف عليه) والله احمار از&امل لا كانت ليك الى ماخرجت منك زيت الزيتون في هاد زواج راني ماشي صوفيا(فزكات صبعها من فمها وضربتها ليه في لحيط)وها انا وها انت الى ماوريتك اغتصاب وبشحال يطلع معيا  راني بنت حرام  (سكتات )ويلي راني بنت الحرام ماعندي مانوريه تفو
(ناضت قافزة بحال تفكرات شي حاجة)اااه البنات لي غادي يعاونوني نباليو بيه

بقا ما كملتها دخلو عليها البنات لي كانو عند الباب واقفين بحال كيتسناو في صبوحي تاعهم
غير خرج هود من عند صوفيا لقاهم قدامو بحال نحس
هود:( مخنزر فيهم) شوفو انتوما دوك الحلاقم اخر مرة دخلو درمو على بيوت مسدودين ولا نقطع ليكم دوك صباعان لي كدقو  بهم ناس  وديك ساعة يبقا عندكم عذر
البنات:🙂🙂(بقاو غير كيشوفو فيه)
هود:(تيضحكوه بدوك شوفات حبسها ونطق)بقاو تشوفو فيا غير صبرو الى ماربيتكم جملة راني ماشي هود الالبابي
(خلاهم وزاد كيهضر بهمس بينو وبين راسو) باين هدو من هنا لقدام غادي نكون انا كنكوي في صحبتهم وهوما يبقاو يمسحو ليا لعرق مافيهاش (ههه ماشتيش الى بداو يوحوحو في بلاصة صوفيا ملي تعيا 🤣)

عند لبنات لي دخلو عند صوفيا  هازين حاجب ومهبطين لاخور
منال: (مخاطبة لبنى )صوفيا معانا حنا هود كنكرهو هود مغتصب حكار والله لا حط عليا يديه شماتة لاخور
لبنى :(مخاطبة منال كيهضرو على صوفيا بحال ماكيناش )صوفيا مع هود حالة فمها تشلقم هي وياه بقا ليها غير تهز ليه رجليها
صوفيا :(جاتها البكية عرفتهم فهمو غلاط)والله ابنات حتا هو لي بزز عليا وحق ربي معبود حتا كنت ناعسة ماعليا مابيا حتا لقيتو فوق راسي  (كتهضر بكل براءة ضحكات لبنات )
بنات: (تكرشخو بضحك )هههه واتي راه عارفينك ازبي غير ضاحكين معاك
صوفيا :(كتشوف فيها بنوع من الخوف )ناري حيدي هاد الكلمة من فمك الى سمعها هود يولي مشلقمك  احم بغيت نقول ضاربك زعمة 🙂
لبنى :تشي ورقي ليا درية خايفة منو
صوفيا : والله ما خفت منو والله انا بغيت ندمو البنات بغيتكم تعاوني ونطبقو لخطة لي قلتو ليا باش نكدوها عليه
منال :احنا معاك احوبي
لبنى؛كيف ديما يد فيد بربي لا تهنا فحياتو  غير صبرو

بنات ابتاسمو ابتسامة شر باين ناوين على خزيت 😈😈😈
بقاو البنات يخططو مع بعضايتهم كفاش ينتاقمو من هود
حتا جاهم نعاس
نعسو مجموعين هاد ليلة  كل مرة طيح عليهم فكرة ويلقاوها فاشلة (ماشي شغلكم انتوما فيهاد الفكرة 🙃حيت كلها تودي الى سجن ولا ينصح تتبعهم من طرف الأطفال)

لبنى:لبنات فراسكم اش تشهيت
منال:ياكما حملك عز اطحبة(تقعدات كتشوف فيها)
لبنى :الله ينجني اصحبتي فمك لحسو كلب بغتي السعدية تقتلني
منال:ايوا سبحان الله لهيه جلسة علينا تشهتي دجاج دالعرسات ولحم هانتي كلتيه ليوم ودبا جلسة تشهاي تاني
صوفيا:اهياتا ياكما درتي معه شي حاجة مورا ضهري
لبنى :(تجمعو دموع فعنيها) والله حتا باقية بوشونتي البنات مدرت والو دجاج تشهيتو هو ولحم بسباب جوع لي كان يجيني مع كنا ناكلو غير دكشي دبرا وخفيف تشهيت نغمس فدغميرة
منال:حتا انا قهرني صاكوس وبتزا والبيض مقلي كولشي بسباب هدا طحبة د صوفيا المعكازة متعرف طيب متخلي حد أطيب
لبنى:وييه احسن عوان هداك لي عقد عليها عاد شوية دبا
منال:حنا جلسين نخططو ليه فاعقاب هو براسو واخد عقوبة عمرو مترعف تحني ولا دنى
صوفيا:(كانت مجبدة كتشوف فيهم هوما لي جلسو كيهدرو وضو تاع القمرة دارب فيهم) وسبحان الله راني زعمة معكم لقح&اب  دوزو تخمدو قبل نخرجكم تباتو فالكوزينة

تكاو لبنى ومنال جنبها تاني
منال:لبنى اش تشهتي
لبنى :نمشي لبحر وناكل ربع معمر بطون من عند با براهيم ونرجعو يامنا دشحال هذا
منال:ياه حتا انا توحشت كازا وندور فكازا
صوفيا:اوسي نعسو غدا نديرو هداشي كامل حتا انا بغيت نتحرر نحس براسي بحال شحال هدا

تلاحو عليها لبنات عنقوها هوما قالو موحال تقبل ساعة حتا هي طالبة عليها تنسا بيها هدا ليلة واش واقع فيها

صبح صباح عند لبنات  لي فيقاتهم لبنى بكري  فاقو متحمسين حيت معولين ليوم يدوزو نهار زوين ويعيشو ايام زمان
فاقو غسلو حالتهم ولبسو من حوايج صوفيا
نفس ستيل تقريبا بتلاتة بيهم سروال بوي فراند في ازرق فاتح جاهم زوين والفوق لبسو تيشورتات مزيرين مختلفين في الوان صوفيا غي ابيض ولبنى اسود ومنال ازرق فاتح دارو مكياج زوين بانو قرطاسات
خرجو يتسلتو من البيت باش ماتشوفهم نزهة لي مسكينة يلاه حطات راسها نعسات ملي مشاو ضياف وهي  بقات تغسل غي الماعن وتجمع روينة حتا قرب اصبا صباح  عاد نعسات هي ومحمد فصالون حيت لبنات نعسو فبيتهم

لبنات خارجين من لبيت  يتسلتو دخلو كوزينة مشاو لتلاجة حلوها لقاو سوبيرات فيهم لحم وسوبيرة دجاج نبشو منهم واخا بارد مي داقو وبقاو كيقلبو على بقايا ديال الحلوى وسلعة ديال لبارح حتا لقاوها كلاو وخرجو لوجهة لبحر  🙂