🎈الخفة لي فيا درتها ليا 🎈
🖋️بقلم :رميسة عبيدين 🖋️
❇️البارت 165❇️
نادية شافت ف صووفيا ومسحات دموعها وهي تكمل هدرتها
نادية:لحاصول ختي نزهة داتني عند عائلتها تخبيت تما حتا ولدتك مشفتش فيك حيت كون شفت فيك غدي نضعاف ومنقدرش نخليك كان كولشي صعيب عليا وبزاف انا ماشي مكنحسش حتا انا فاش سمعت صوتك كتبكي فاش خرجتي لدنيا فرحت وقلبي كيدرب ولاكين تفكرت لمستقبل المضلم تفكرت لي جاي اش انعطيك وانا وخا كاع نوض نخدم ونعيشك اكيد اتبقاي تسمعي بنت زنقة بنت لحرام هذاشي لي خلاني نحط حجرة على قلبي لي تكوا قلبي لي كيبكي دم ديك ساعة (بدات تشهق وتنفس بجهد ومسحات دموعها وهي تكمل) فاش شفتك بين يدين ختي نزهة تفكرتك اتعيشي مع خويا لي كان اب ليا ماشي غير خويا محمد كان حنين وعرفتو ايتهلا فيك هذاشي لي صبرني هزاتك ختي نزهة ومشات وانا رجعت لدوار عند خويا لاخور لي كيهزني غير بالق&حبة ويحطني بيها دروني كي شي تراسة نترس ونسكت منهدرش وكون جبتك معيا حتا انتي اعيشي دكشي معيا لحاصول جا حسن لي شفتي تما بغاني لزواج وانا عودت ليه اش كين قبلني بكاع عيوبي اه انا كنت كولي عيوب وحدة ولادات بنت وخلتها و عاد مريضة بالاعصاب والاكتئاب وبزاف دالامراض تركبو فيا من بعد مخليتك مشيت لبرا مع حسن رجلي وعنيت بزاف حيت وليت غير نعس ونفيق بدويات كلما حطيت راسي كتجي صورتك بين عنيا مرة نبكي حتا نسخف بالبكا مرة نطيح بالاعصاب حسن قتارح عليا نجيبك ونكبرك ولاكين انا قاليت ليه بلي نتي اتكوني ولفتي خويا وولفك مجاتش نجي ناخذك ليه من بعد مفرح بيك وذرك بنتو بقيت غير نهدن راسي بدويات حملت بنهى وانا مبغيت ولاد غيرك نهى جات حتا هي لدنيا ولقات الإهمال مني حيت انا كلما سمعت صوتها ولا بكها كنفكر صوتك نتي عانيت بزاف وعنا معيا حسن وحتا نهى عنات من غلطي اه ختي نزهة كتسيفط ليا تصورك وتعود ليا عليك وهداشي كيقتلني كل نهار ويزيد يأزمني لدرجة كنبغي نجي نديك ولاكين كنقول صافي راكي عرفتي نزهة هي ماما ومحمد هو باباك وانا فاش نبان فحياتك انصدمك ولا نعقدك مفراسيش بلي كنتي تعرفي الحقيقة نهار عرفتك عارفة حقيقة بلي نتي ماشي بنت محمد ونزهة من صلبهم هزيت راسي ورجعت لمغرب بغيت نشووفك بغيت نطلب منك سماحة كل نهار كنمشي قدام باب دار خويا نتسنا تما حتا نعيا ونمشي لداري نبقا نغوت ونبكي كنقول اش انقول ليك واصلا نتي مغديش تبغي تشوفني نهار جا هود وقال ليا بلي نتي طلبتي منو اقلب عليا فرحت بزاف وجيت ديك ساعة عندك عرفتي طريق بين كازا ورباط كيف دازت عليا بحلا شي عام وانا شدة طريق كنقول غير امتا نوصل عندك كنت متوقعة منك اي ردت فعل ولاكين لي متوقعتوش هو نسبب ليك الاذى وبسبابي دخلي لكنينيك وكنتي اتفقدي جنينك هداشي زاد ازمني انا هدي هي حياتي وهداشي لي وقع وانا عودتو ليك ماشي باش نبرر ليك غيابي عليك انا بغيتك تعرفي اش كين ونتمنا تسمحي ليا باش نقدر نسمح راسي
.
بدات تبكي نادية حاطة يديها على وجها وصوفيا كتر منها صوفيا لي شافت كيف عاشت ماماها واش عانت وهي لي كتقول بلي عايشة بخير وخلتها
أنت تقرأ
الخفة لي فيا دارتها ليا ❇️مكتملة❇️
Romansa💎مكتملة💎 ❌حصرية على الواتباد❌ سلمعلكم الفريزات😁 جبنا لكم قصة جديدة وفكرة جديدة وكاتبة جديدة لهي انا 🙂 متخلعوش راه كاينة حتا روميسة كاتبة مبدعة ديالنا 😘مهم كيفما شفتو كبيدات قصة بعنوان الخفة لي فيا درتها ليا قصة كتجمع بين الكوميدية ودراما اح...
