🎈الخفة لي فيا درتها ليا 🎈
🖋️بقلم :رميسة عبيدين & Safae Safae 🖋️
❇️البارت 25❇️
ناضت صوفيا كلات دكشي بزز غير باش دير لخاطر لماماها باباها لي كلف راسو مسكين بقاو فيها فاش شافت الكبدة مشرملة فطبسيل وصوبا والعاصير دليمون يان كلفو على رأسهم كلات دكشي ودموع محجرين فعنيها
سلات وهي تجر المنطا تخطبات تحتها فاش سمعات حس خطوات نزهة ومحمد جيين عندها
ددرت رسها نعسات وهوما بقاو جنبها حتا اينة وقت عاد مشاو انعسو وهي بقات فكرة تديها وفكرة تجيبها حتا معقلتش على رسها
فاقت صوفيا ليوم بكري على غير العادة حيت اصلا بزات على راسها نعاس غير باش تخفف الاوجاع الجسدية لي كتحس بيهم وحتا نفسية حيت كتعاتب رسها وتلوم فيه حلات عينها وناضت جالسة فوق فراش وتتشوف في بلاصة وحدة وكلام هود تتيعاود في مسمعها
("انت لبقيتي تدوري عليا وخفة رجليك هيا لي دارتها ليك")مزال تتشوف في نفس نقطة بلاما ترمش
صوفيا:(بصوت خافض )انا سباب انا لي كنطير حتا جبتها فراسي الخفة لي فيا درتها ليا (ناضت من بلاصتها خرجات لطواليت ودخلات وتوجهات جيهت لمرايا تقابلات معاها كتشوف فرسها وكيف ولات والهدرة تاع هود مزال مافرقات ودنيها("اشمن شرف عندك بعدا عنداك يصحاب ليك ديك نقطة دم هي لغادي تتبت شرفك" "بزوجنا عارفين انه ماعند اصل مك شرف "
صوفيا: انتي سباب (كتقصد ماماها لي تخلات عليها) منسمحش ليك حيت ولدتني ولحتني علاش انا لي يوقع ليا هكا علاش كنت كنحاول منوقعش فالمستقبل لي تنبؤ لياا بيه ناس ونتبع طريق لي خراتني حتا لقيت راسي فيه بسباب الخفة لي فيا علاش ولدتني ولحتني علاش زا&مل لي خراني معها مهزنيش علاش (شافت فالمريا ونطقات) غادي ندمكم كاملين وداك زا&مل لي دمرني غادي ندمو على حياتو غير بلاتي
هزات يدها تتشوف فيهم شحال عاد بدات تتحيد ليهم في فاصمة وكتهضر
صوفيا:صبرت على بزاف ديال الحوايج عادي انتي اصوفيا ماشي اول مرة تجرحي (ضحكات بالفقصة)ههه انت مولفة خاصك تقوي راسك وتلقاي شي حل ماشي تبقاي تبكي بحال الولية (لاديوشاي عليها راه ماحسباش راسها منا🌝)
... شافت في جروح لي في يدها بداو تيبراو متسوقاتش ليهم وتمات غادة دوش من بعد ما هزات فوطة والحوايج لي كانو محطوطين فشبكة تاع الغسيل فالمراح وخا باقي منشفوش مزيان نزهة جماعتهم من صطح وحطاتهم تما خدات منهم واحد لقبية فالكحل ومكتوب فيها بالبيض وسروال تعها ودوبياس بيضين دخلات حطاتهم فالدوش وتوجهات لكوزينة والاحدات ديال بارح تيجيو في بالها مخربقين بحال شي اشهار كل مرة تتفكر لقطة تزيد تكره راسها كتر عمرات مقراج ديال الما وشعلات البوطة حطاتو يطيب وجلسات فوق واحد الكرسي مقابلة مع ديك عافية نفسها شاعلة فقلبها كلما تفكرات هضرة تاع نزهة لي بصح غلطات في حقهم بلاما تشعر دازت دمعة حارة من عينها ملي تفكرات هضرة نزهة وكفاش بغات تشوفها عروسة وتشوف ولادها زيرات على يدها وطلقات العنان لدموعها لي يما حبساتهم بقات تتفكر إلى مشاو حتا عرفو بلي وسخات صمعتهم اش ايديرو جا في بالها باها وكفاش غادي تكون ردت فعلو اكيد غادي يتعصب وينهار فين غادي يعطي وجهو من ناس ديال درب لي متيرحموش جات في بالها نزهة تتبكي بحرقة الى عرفات بلي بنتها توسخات محال يقدرو يعيشو مزال
أنت تقرأ
الخفة لي فيا دارتها ليا ❇️مكتملة❇️
Romansa💎مكتملة💎 ❌حصرية على الواتباد❌ سلمعلكم الفريزات😁 جبنا لكم قصة جديدة وفكرة جديدة وكاتبة جديدة لهي انا 🙂 متخلعوش راه كاينة حتا روميسة كاتبة مبدعة ديالنا 😘مهم كيفما شفتو كبيدات قصة بعنوان الخفة لي فيا درتها ليا قصة كتجمع بين الكوميدية ودراما اح...
