🎈الخفة لي فيا درتها ليا 🎈
🖋️بقلم :رميسة عبيدين & Safae Safae 🖋️
❇️البارت 59❇️
عند صوفيا لي بقات غير بوحدها كدور فالبيت من بعد ما خرجو البنات غدية كدور وتمتم وطلب لله دوز هدا ليلة بلا ميوقع والو ولا اسيقو ولديها لخبار ولا ايكون هداشي غير حلم
حاسة بتوتر والخلعة ماعرفاتش علاش ياك هدا ماشي زواج حقيقي علاش توتر ولكن تيبقا احاسيس لا ارادية كتراود اي بنت يوم خطبتها واخا تكون مقزدرة ومعندها علاش تحشم
بقات كتمشي وتجي في البيت حتا قال ليها راسها خرجي طلي شوفي اش واقع وعلاش البنات ما رجعوش عندها
ناضت لبسات بليغة زوينة جاتها زوينة مع القفطان لي لي فالخضر الملاكي وبلغة فالبيج عالية قفطان منبت بالحجر جاها على طايتها زاد بين ليها فورمتها واااعرة صدر واقف فوق المضمة والكرشة مكيناش وطرماحة مقنبلة لور جات كتفتن
خرجات برا طل وقفات في المراح بين الكوزينة وصالون وباغا تشوف شكون لي كاين بقات طل بين الخامية بان ليها هود جالس مفرتشح رجليه جالس بكل رجولة وكيهضر مع محمد بجدية خاطيه تبرهيش ولا حشمة ديال عيلات
تاففافت وقلبات عينها بملل حتا كيجيو. في عبد العزيز الحمداوي شاف ديال هود لي هو نفسو لي مشات تشكا ليه من هود وتهماتو بالاغتصاب خرجات عنيها على وسعهم وبلعات ريقها غرقات في حوايجها ملي تفكرات اش دارت حشمات منو بزااف ودعات في هود لي حساتو جابو ضد فيها
صوفيا:علاش ناري هذا زمر من دون عائلتو بان ليها غير هذا اجيبو هو باغي يزيد ينكدها عليا باين ياك اخانز القزيبة باغي تحشمني قدامو والله الى دوزتها ليك
قفزات حاطة يديها على قلبها ملي قاصتها نزهة فكتفها
نزهة خرجات من الكوزينة شافت صوفيا كطل من ورا الخامية وتهضر بحدها
نزهة :ابسم الله عليك ابينتي زعمة راه خاصك تكوني في بيتك سادة عليك وحشمانة
صوفيا:وعلى مالي اماما دابا انا ماحشمناش ؟
نزهة :مي مي على حشمة طليتو خضر
صوفيا ؛اشنو هو
نزهة :خرااك ابنتي سيري لبيتك واحد شوية يجيو لعدول ضربو لكحل في لبيض وديك ساعة ارا متشوفي فيه حتا تشبعي شوفة
صوفيا :(تسمرات مصدومة )اويلي على عدول ياك غير خطبة هدي
نزهة:دكشي لي كنا ديرين فبالنا ولاكين خطيبك زربان الالة وبغا ادرب الكحل فالبيض ونيت حسن واخا ماكناش موجدين ليها ولكن واللهما ديرو العقد باش ما يبقا حد يحل عليكم فمو كتعرفي المحسادة ابنتي الله انجيك منهم ياله سيري دخلي واحد شوية نعيط عليك
صوفيا تصدمات وتسهتات تاني وزادت تحلفات على هود من هاد زربة لي كيدار فيها هي قالت ليه الخطبة هو دغيا زرب عليها بزواج
صوفيا :احم ماما كلمي ليا لبنات اجيو عندي لبيت
نزهة :واخا ابنتي انا نسيفطهم ليك
زادت داخلة لكوزينة وصوفيا مشات لبيتها تعتر في جلايلها معصبة كتمشي وتجي في لبيت ومرة مرة تهز شعرها بزعاف ترميه ورا ضهرها حتا دخلو عليها لبنات بحال العجاجة
أنت تقرأ
الخفة لي فيا دارتها ليا ❇️مكتملة❇️
Romance💎مكتملة💎 ❌حصرية على الواتباد❌ سلمعلكم الفريزات😁 جبنا لكم قصة جديدة وفكرة جديدة وكاتبة جديدة لهي انا 🙂 متخلعوش راه كاينة حتا روميسة كاتبة مبدعة ديالنا 😘مهم كيفما شفتو كبيدات قصة بعنوان الخفة لي فيا درتها ليا قصة كتجمع بين الكوميدية ودراما اح...
