🎈الخفة لي فيا درتها ليا 🎈
🖋️بقلم :رميسة عبيدين 🖋️
❇️البارت 174❇️
دازو ايام الله وصفوان تعرف على هدى بحكم كيشوفها صباح وعشية هي ديما معه فالخدمة ولا كيوصلها لدار حتا عتارف ليها جاب ولديه وخطبوها ليه من عند هود لي حتا هو مرفضش حيت شاف ختو بغات هدا زواج وقبل وقرر ادير ليها عراسية من دكشي افرح بيها وفعلا دكشي دار دار هود وصوفيا لي حتا هي مقصراتش لا هي لا نزهة لا فوزية عاملو هدى بحلا بنتهم ومخلوهاش تحس بغياب الام تعها وجدو ليها دهزها وكولشي لي ايخصها خلاو عرسها بحال الف ليلة وليلة
قدام باب تاع افخم قاعة فكازا كان هود وقف بلباسو الكلاص وهاز ولدو سامي بين يديه وجنبو خالتو فوزية وجنبها جميلة وسي عثمان لي طلعين ف ابهة حلة وقفين كيستقبلو ضياف لي كيدخلو لقاعة وينزلو فدروج لتحت فين كان شطيح ورديح ونشاط وكانو تما لحباب وصحاب مجموعين باش افرحو بصفوان وهدى
فطبلة كبيرة جلسين فيها لبنات لي تبتو الأرض لوحم دار دكشي لي منقدروش دراري اديروه لوحم خلاهم اتكمش الأرض جنبهم نزهة والسعدية وسي محمد ونادية وحسن ولدين منال ورجل فوزية وعاد نهى لي جلسة كتلعب مع محمد أمين لي لبص كستار كحل مع قميجة بيضة وبابيون على شكل فراشة فعنقو
عز وعادل وادهم كانو مع صفوان فبيت فين كيبدل صفوان وقف متوتر كيمشي ويجي فالبيت وكيتسنا فالعروسة تسالي مكياج ولباس تعها
كانو دراري حتا هوما لبسين كلاص منافسين مع العريس
عادل:تا ريح اتبي مالك غادي جاي علينا
عز:لي شافك يقول عادي تجاهد
ادهم:تا راه كيبان بحلا غدين بيه لمشنقة شوف خويا لشفتي راسك مقادش تكمل هرب محد باقي الوقت راه زواج هدا اصاحبي
صفوان: (دربو لكفاه) تا سكت عليا نتوما سباب وترتوني وزو&امل ناس كيقوا ب صحابو وانا تلقيت مع تريكة ناقصة
عز :وصاحبي انت سولتينا على زواج وقالنا ليك اش كين فيه عاجبك دخل ليه تلعب دخل معجبكش هرب
صفوان:والله وعلاش سيادتكم مستمرين فيه وناوين تجيبو ولاد ملي زواج خايب
عادل:تورطنا اخويا ولي عطا الله عطاه
صفوان:وخليوني نتورط حتا انا نجرب
مزال كيهدرو سمعو دقان فالباب تحل وبانت منو صوفيا لي كانت لبسة قفطان بلومرين فيه حجرات بنفس لون وشعرها جمعاتو مشطة سابل خلات خصلات نزلين من جنب وديرة مكياج خفيف جاية كطرطق بنطالون ديالها حتا هو بلومرين ومرصع بحجيرات طلات على دراري
صوفيا:خويا واجد
صفوان:وقيلة
صوفيا:كيفاش وقيلة
بداو دراري اضحكو عليهم قربات صوفيا عندو وقفات قدمو وكتقاد ليه الگرفطة جبدات مشوار لي فجيب صفوان وهي تمسح ليه لعرق ونطقات
صوفيا:بلا متوتر بلا متخاف بلا مدهش راه زواج ساهل غير ملي نجحت فيه انا لي حمقة ومقطعة لوراق دخليت ليه بهبالي ودرت فيه العقل ودرت دراري وهاني قدامك زوجة صالحة وأم صالحة وطالبة فالجامعة لنجحت انا فهداشي كامل كيفاش مينجح خويا صفوان مول العقل ورزنة وتباتة
أنت تقرأ
الخفة لي فيا دارتها ليا ❇️مكتملة❇️
Romance💎مكتملة💎 ❌حصرية على الواتباد❌ سلمعلكم الفريزات😁 جبنا لكم قصة جديدة وفكرة جديدة وكاتبة جديدة لهي انا 🙂 متخلعوش راه كاينة حتا روميسة كاتبة مبدعة ديالنا 😘مهم كيفما شفتو كبيدات قصة بعنوان الخفة لي فيا درتها ليا قصة كتجمع بين الكوميدية ودراما اح...
