🎈الخفة لي فيا درتها ليا 🎈
🖋️بقلم :رميسة عبيدين 🖋️
❇️البارت 142❇️
مرام شافت فيه وهي تعصب من كلامو كيفكرها بلي كانت حمارة وتخلات على سيد رجال وهي تبع شماتة هربات من العرس باش تغرق فالوسخ لي خلها تهز كرش فالحرام وتوحل فيها هي بوحدها يلاه اتهدر وهو اتسمع صونيت فالباب
مرام:شكون ايكون جا دبا ناري ياكما صوفيا ولا هود لشافوك هنا اش نقول ليهم
هشام:(شافها كيف خايفة وباين اتفضحو بهدا الخوف لي باين على وجها نطق) تهدني وتصرفي عادي انا انتخبا فشي قنت لتحت وحلي نتي لباب وطلعي لفوق عادي بحلا مكين والو انا نشوف شي طريقة نسلت و نخرج بيها
مرام:وخا وخا
نزلو بجوجهم وتوتر باين على مرام لي مشات حلات لباب من بعد متخبا هشام فالباركو مرم غير حلات وهي تلقا الجارة لي جنب صوفيا هديك لي نقزات عندهم من لباركو وكلات ليهم طاجين هود عتذر من رجلها وقال ليه بلي صوفيا حاملة وكتوحم فاش ذوقهم من شوا وبقا طبسيل عندهم جات لمرا تردو
مرام:وي شكون انتي
المرة:(شافت فيها متوترة وهي تنطق) سلام ختي احم انا جارت صوفيا جيت نشوفها وجبت ليها طبسيل تاعها ودرت فيه شوية دلكيك درتو هدا صباح وخفت لتكون شمات ريحتو مع سي هود قال رجلي بلي هي حاملة وكتوحم (من للعادات ترد طبسيل عامر فيه شي حاجة)
مرام:(شدات طبسيل من عند جارة) اه شكرا ليك انعطيه ليها ملي ترجع هي مشات لافاك دبا
جارة:اه نسيت بلي كتمشي لافاك انا مفقتش بكري وفاش فقت درت كيكة وقالت ربما تشم ريحتها دكشي علاش جيت ندوقها ومنها نرد طبسيل كل نهار نقول نديه وكنساه
مرام:شكرا ليك
جارة:(شافت فمرام) حتا نتي حاملة مبروك عليك احم شكون نتي ماتعرفتش عليك
مرام: الله ابارك فيك انا بنت خالت هود ختي سمحليا ندخل انا كيدرني ضهري لبقيت واقفة بزاف كيف كتشوفي متقلة ندخل نرتاح وشكرا ليك ملي تجي صوفيا نعطيها لكيك (سدات لباب فوجه جارة وهي دخل حطات طبسيل وهي كتنفس صعداء
مشات عند هشام وكتهدر معه بشوية
مرام:خرج عليا قبل ميجي شحد ونصدق ولدة قبل وقتي
هشام:هاني غادي اصلا مبغيت نخاطر حتا انا مزال عندي شلا ميدار مهم احم كحبي
مرام:اش انكحب راه كاع رزقي سيفطو ليك باش تجي بيه لهنا
هشام:نتي لي باغية نعونك تردي هود وطلعي صرف خاصني مازوط لحديدة وعاد فلوس لكرا لدار
مرام:شنهوا ياك انا خلص لكرا لديك دار وعطيتك باش تاخد طموبيل شوف فلوس باح عاد طلبت من ماما تسيفط ليا وكذبت عليها بلي خاصني ندير شي تحاليل انا جلسة الله كريم
هشام:دابا مكين والو راه انرجع فحالي
أنت تقرأ
الخفة لي فيا دارتها ليا ❇️مكتملة❇️
Roman d'amour💎مكتملة💎 ❌حصرية على الواتباد❌ سلمعلكم الفريزات😁 جبنا لكم قصة جديدة وفكرة جديدة وكاتبة جديدة لهي انا 🙂 متخلعوش راه كاينة حتا روميسة كاتبة مبدعة ديالنا 😘مهم كيفما شفتو كبيدات قصة بعنوان الخفة لي فيا درتها ليا قصة كتجمع بين الكوميدية ودراما اح...
