الخفة لي فيا دارتها ليا ❇️مكتملة❇️

❇️الجزء 70❇️

الخفة لي فيا درتها ليا 🎈
🖋️بقلم :رميسة عبيدين & Safae Safae 🖋️
❇️البارت 70❇️
وقف هود قدام واحد سناك خاصة بجميع انواع اسماك
خدا منو داك شي لي غادي يخصهم لغدا حيت عرف صوفيا فيها جوع وقبيلة بقا فيها داك الحوت لي تغداو بيه البنات وعزات عليه نزل جابو ليها و رجع عندها لقاها كتبقشش في تيلي ممسوقاش ليه
دخل وخبط لباب على جهد باش تلفت ليه ووالو متململاتش مركزة مع تيلي ودايرة لكيت فودنيها دخلات شك لهود قال اتكون تتهضر مع شي حد
هود مفكرش زوج مرات مد يدو و خطف ليها تيلي من يديها يوشوفو تصدم فاش لقاها كتوكل في ديك القطة (ديك لعبة لي كتربي فيها قطة وتبقا تكبر ليك مهم لعبة لي تيحماقو عليها اطفال اقل من 20 سنة)
صوفيا: (صعرات )اش قربك تيليفون ديالي ازمر
هود:( رجعو ليها) سبحان الله لي شافك بهاد لفورمة يسحاب ليه غير بعقلك ساعة انت متكسابيهش الله استر
صوفيا :(بكل برود) كون كنت نكساب العقل كاعما نتبعك نهار لول
هود :ياك بعدا عارفة راسك
صوفيا: (خنزرات فيه )تقدر تسوك وتسكت خليني ركز في لعبة
هود : هههه ميمتي خر يامي مزوج برهوشة باقي غير كتلعب
صوفيا:حتا حد مدربك على يدك وقاليك تزوج بيا حتا دبا راه باقي لحال لبغتي تعاود نضر فقرارك وترد لبرهوشة لماماها
هود: (ضحك.عليها وكمل سوكان حتا فرانا قدام إقامة لي فيها دارو هبط حل الكوفر جبد منو لفاليز ديال صوفيا وساكدو تاعو وديك القفة لي فيها تقضية
غادي هازهم حتا نترات ليه. صوفيا لفاليز من يدو وزادت غادية قدامو والمحفضة لي فيها كتبتها في ضهرها
تنهد ورجع هز صاشي لي فيها ماكلة وتبعها طلعو بزوج في سانسور
صوفيا كتحس بالخنقة وهي غادي تبقا معاه في بلاصة وحدة وهاد الشي تحت ارادتها قوات راسها وزادت.تبعاتو ملي تحل سانسور زاد هود غادي لدارو حل عليها لباب ونطق
هود:مرحبا بمراتي لغزالة في دارها
صوفيا :(خنزرات فيه وزادت جارة باليزتها )

هود :(تجاهل دوك تخنزرات تتبعها) دار دارك كبيدة خودي راحتك انا نقاد هاد الشي في كوزينة ونجي عندك (مع غمزة)

صوفيا صعرها بقات كدور
تما كتشوف في صالون كبير مفرش بفراش تقليدي فالكري وبيج و محلول على صالون اخر بفراش عصري والمراحل بفوطويات دار حمقاتها بزاف ولكن فيها هود كتبان ليها كحلة طلعات فالدروج شوية وقفات بحال تفكرات شي حاجة
صوفيا : وازمر (غوتات بيها)

هود لي قاد داك شي في كوزينة. وصايب لغدا في طباسل وحطهم فوق طبلة كان خارج حتا سمعها عيطات ليه بزمر

هود: (بتخنزيرة خوفات صوفيا) هود سميتي هوود نسمع منك شي كلمة بحال هادي نقطع ليك داك لسان خليني ندوزو هاد نهار مزيان
صوفيا :بزعطة الى كنتي هود فين هو بيتي
هود: (طلع فيها حاجبو ومشا وقف فنفس درجة لي واقفة فيها هي )بسم الله عليك نسيتي على لبيت لي دوزنا فيه تاني ليلة لينا 😉
صوفيا :(عصبها ملي فكرها في ديك ليلة )هداك بيتك انت انا داويا على البيت لي غادي نجلس فيه انا
هود : كفاش بيتك انت على مالي كاري ليك ولا اشنو
بيتك هو بيتي المرة بلاصتها جنب راجلها
صوفيا: (ببرود) عارفة بلي لمرة بلاصتها جنب رجلها ولكن انا ممعتبراكش راجلي باش تكون بلاصتي جنبك زواجنا على وراق ومحدنا فنفس دار عطيني شي قنت نتكاونا فيه بيدما داز شوية الوقت وطلقني
هود :(صعراتو بهاد انت ماشي راجلي وطلقني وزواج على الورق قرب عندها وزيرها مع رتاج ديال دروج وقرب وجهو عند وجها كيهضر ويورك على كل حروف كيقلو )انتييي مراتييي ملكييي دياليييي بشرع وقاااانووون وزواااجناااا حقيييقيي كتسمعي ودخليها راسك انا وياك زوج وزوجة وزوجنا غيكون حقيقي وعلاقة زوجية اتجمع بيني وبينك
صوفيا:(بعدات وجها حيت كيسوط نفس سخونة عليه ونطقات) ف أحلامك طبعاا غير حلم
هود:مكنحملش وكولشي ايكون حقيقي ابب ونتي حاولي دخلي هداشي راسك وعرفي بلي عندي حق عليك وحقي ناخدو بزز ولا الخاطر و بلاصتك حدايا تزعزعي منها نگرد ليك رجلين ودابا غادي طلعي لبيتك بدلي حوايجك وهبطي تحنجري وبلاما تعصبي عدو ربي حيت غادي ندير شي ق&لوة مغاديش تعجبك ياله
صوفيا :(هضرتو دخلات ليها مع لعضام حسات بحكرة وبلي تيسيطر عليها وماعندها حتى حل باش تمنعو) غادي نطلع ولكن تقرب ليا نقز من داك سرجم
هود :(قرب ليها خطف بوسة من فمها)احنا نشوفو ابب