🎈الخفة لي فيا درتها ليا 🎈
🖋️بقلم :رميسة عبيدين 🖋️
❇️البارت 145❇️
لبنى:تاكلي معهم تي راه كلتي غداهم بوحدك ودكشي لي شاط شتتيه ليهم
مول شوية:(لي جمع طبلة ودكشي لي تشتت وجا وقف عليهم) اتخلصوني فهدا روينة كامل ولا انعيط لبوليس
لبنى :لا الشريف الا البوليس لا الله ارحم ليك لوليدين عاد فرحت قالت نجينا من هود
الرجل:نتوما خرجتو عليا رونتو دنيا وجرتو على الكليان اتخلصو هداشي كامل ولا لبوليس لي ايفكني معكم
منال:حنا والله مقصدنا راه صحبتي حاملة وهي مصبراتش ومشات تاكل معهم وهوما تبسلو علينا
صوفيا:(شافت منال ولبنى كيطلبو فسيد وهي تنطق) شحال كتسال اشريف انا نخلصك.
لبنى:علاه عندك باش تخلصي
صوفيا:(حلات صكها جبدات بصطام فيه كارت كيشي وفلوس) اه عندي
منال:الله اغبر ليك شقف عندك وانا جلسة نطلب فيه
هشام:صوفيا خليك انا انخلصو (باغي ادير فيها جنتلمان)
صوفيا:لا راه عندي شكرا ليك خويا وبركة غير لي درتيه معنا
هشام:لا والله متخلصي والو (وجه كلامو لسيد لي وقف مفهم والو كيفاش هدو عندهم فلوس ومشاو اتزاحمو مع لبراهش على شواية تاع سردين) شحال كتسال اشريف
الرجل:هي هرسات ليا كيسان وعاد طباسيل والغدا لي كلات
هشام :(جبد شي 300 درهم عطها ليه) تكفاك ولا نزيدك
رجل:لا الله اجعل لبركة
هشام:(شاف فالبنات) جلسو تاكلو
صوفياا:لا شكرا شبعنا
لبنى:اشمن شبعنا فين كلينا باش نشبعو
منال:هي كلات وشبعات الله اجعل البركة.
لبنى:والله لا تحركت من هنا حتا ناكل ويلي راه فشلت بالخلعة ايطيح ليا طونسيو خاص نتعالج
هشام:(جابو ليه ضحك وطلب من مول شواية أطيب ليهم) قد معك شي جوج شويات
الرجل:هي لولة
هشام:جلسو لبنات جلسو تاكلو
جر كرسي جلس ولبنى ومنال جلسو صوفيا شافت حتا عيات وجلسات معهم تسناهم ياكلو بداو كيتعارفو على هشام لي كيبان أطيب خلق الله (نفاق الاجتماعي)
تحط سردين ونزلو كياكلو صوفيا بقات غير كتشوف ناض هيشام هز كينقي ليها وحط ليها قدمها
هشام:صوفيا كولشي دبا تسخفي تاني
منال:اه عندو لحق كولي ابب عارفك مزال مشبعتي
لبنى:كيفاش تسخف تاني
هشام:اه لا قصدي لمرا لي حاملة كتجيها سخفة ولا نو
صوفيا:(شافتو كيف كيتفتف ويدور فالهدرة وكيخبي بحلا معرفت اشنو نطقات هي) انا نهار خرجت من لفاك فاش خليتهم شداتني سخفة معقلتش على راسي وهشام هو لي عوني وتما تعرفنا
منال: كيفاش علاش معيطيش لينا وماقلتي لينا والو
لبنى:اه علاش معيطي لينا
صوفياا:خرجت لبرا صيفط ليكم مساج قالت راه انسد طاكسي ونمشي لدار وفطريق معقلتش على راسي هداشي لي وقع وهشام كان تما بصدفة وعوني
منال:شكرا خويا شكرا ليك بزاف
لبنى:الله اجازيك بخير
هشام:عادي مدرت والو اي واحد بلاصتي كان اعونها
صوفياا:لا درتي بزاف شكرا ليك كتجي فكل مرة تعتقني واش صدفة ولا اشنو (صغرات فيه عنيها شي لي خلا هشام اعرق وينشف فالخر بتاسم ليها)
هشام:غير صدفة وحتا ليوم كنت جيت نشوف واحد صاحبي هنا حتا بنتو ليا جيت نسلم عليك ونسولك كيف بقتي وفاش شفت معك لبنات قالت بلاش لنجبد ليك شي صداع ولاكين فاش بانو ليا دراري دبزو معكم مقدرش مندخل
أنت تقرأ
الخفة لي فيا دارتها ليا ❇️مكتملة❇️
Romance💎مكتملة💎 ❌حصرية على الواتباد❌ سلمعلكم الفريزات😁 جبنا لكم قصة جديدة وفكرة جديدة وكاتبة جديدة لهي انا 🙂 متخلعوش راه كاينة حتا روميسة كاتبة مبدعة ديالنا 😘مهم كيفما شفتو كبيدات قصة بعنوان الخفة لي فيا درتها ليا قصة كتجمع بين الكوميدية ودراما اح...
