الخفة لي فيا دارتها ليا ❇️مكتملة❇️

❇️الجزء 115❇️

الخفة لي فيا درتها ليا 🎈
🖋️بقلم :رميسة عبيدين & Safae Safae 🖋️
❇️ البارت115❇️

منال: (كتنغز في عادل جنب )عادل  احم وازمر مد ليا ديك الحلوى الملونة  ندوقوها راه جاني جوع
عادل؛ نوضي ليها راسك راه بعيدة عليا
منال : اودي اودي.كلينا معاك الحلوى بكري
عادل :(صغر فيها عينه عرفها قالتها بلا فران) نوكل لحبيبتي لحلوى على مالي شحال عندي منك

ناض على وعدو وسعدو ضرب دورة على طابلة ومشا طبسيل لحلوى خلا ناس غير تشوف فيه
ياله حط يدو بغا اهز واحد لغريبة  غوتات منال

منال: (نسات راسها راه في خطبتها وناس كتشوف فيها هي مركز اهتمام وبدأت تصرف على طبيعتها) ولا ماشي هاديك لخرا لي فيها اولوان لالا هاديك هاديييك مولات كوفتير ارا منها واحد 4
عادل: (مرك خنزر فيها وهز غير زوجات )براكة عليك

منال شافتو هز زوجات خنزرات وهي تجمع تكشيطتها وناضت برسها دازت على صينية ديال اتاى نقزاتها بحال مواكلي عاد دازت لطبسيل هزات لي قدرات عليه وكاسها داتاي ورجعات خلاتهم يضحكو. على عفوتها

هود :(مات بضحك عليها ) bien joué  🤣

العائلات جاهم تصرف منال عفوي حيت رتاحو ليهم وفهمو تصروفاتهم اما فاطمة غادي تاكل جنبها بالفقصة على هاد ماوكلي ديال بنتها جلسة وتحلف عليها وتغمز فيها غير من بعيد

صوفيا كانت حاضية هود كيضحك وهي حلات فمها فيه دارت كتشوف فيه وساهية  حتا حبس من ضحك ودار يتحدث مع رجال وهي تخنزر
صوفيا :(بشوية) هود واااهود فس فس اييهو
هود: (دار عندها وهدر بهمس )اشنو مالك دوري قدامك
صوفيا؛وضحيكة  عندك افسر عودها عاودها نشوف
هود:(جابت ليه ضحك عودها بلاهلا يطريه ليه ) هاهي (خنزر فيها)وضوري عند العيلات قبل ما نفلعص حسك

خرجات ليه صوفيا لسنها خلاتو أقيم وجلس كيتحلف عليها ويتغدد عليها هي لي دارت تاني هزات تمر كتاكل فيه وضحك  ل منال لي غرقات فحويجها من بعد مرجعات ل بلاصتها شافت كولشي كيضحك عليها غرقات بالحشمة لاحت حلوة لفمها كتمضغ فيها بغات تصرط بيها الحشمة
عادل:(شافها هككا قرب حدا ودنها ونطق) سرطي زمر دبا توحل ليك ونوحل فيك اه وراه موقع والو عادي
منال :كولشي كيضحك عليا
عادل:لا بب هوما ضحكو غير على تصروفك العفوي عادي
منال:ماماك اتقول ليك دتيها عروبية
عادل:نقول ليها انا بنت شكي منحمل بنت لفشوش منقبل انا بعدا نبغى المرة تكون شعبية
منال :هههه ياك اسدي وراك دتيها شعبية نيت بنت المدينة القديمة
عادل:وهداشي لي طيحني فحبك نهار الول وبغيتك تبقاي ديما هكا على طبيعتك
منال :الله يخلينا فصبغتنا
لبنى:(قربات جيهت منال وهي تقلع ليها حلوة) ارا لهنا الدوبة ملي مشتي مشتي جيبي معك طبسيل كامل ناكلو منو كتعرفني كنموت على الحلوة
عز:(جبدها ليه وهمس ليها) ملي نتزوجو نشبع حبيبتي حلوة
لبنى:ويلي كتعرف ليها
عز:بينسوغ كنعرف ليها
لبنى : ياااه حتا انا كنعرف ليها
عز: (صغر فيها عينيه )لا باينة كتعرفي ليها غير من دوك لي يدين لي تيقفقفو
لبنى :لا والله حتا كنعرف ليها وكنعرف بزاف لحوايج غير صبر نتزوجو والله حتا نبرع حبيبي
عز :(ديك نبرع حبيبي خلاتو حس برعدة في كرشو درا عندها مخنزر )صافي الالة سدي غير فمك دبا

تجمعات طبلة من اتاي وحلاوي وتحط العشا لي لحم بساطل بدجاج ومعاها مرافقات ديالها تهزات بسطيلة. تحط لحم ببرقوق تهز لحم ببرقوق تحط دسير تهز ديسير تحط اتاي( مهم لالة فاطمة وسعدية ونزهة بقاو تيهزو ويحطو مساكن 🤣)
مهم تعشاو ناس وهوما فرحانين حيت ولادهم ماخيبوهمش وناسبوهم مع ناس الله يعمرها دار قررو  العرس مورا مايساليو لبنات القراية وغادي يديرو عرس مشترك لبنى ومنال 

وصلات 12 ديال ليل  والخطاب ناضو باش يمشيو واخا ماسخاو بجماعتهم عجباتهم لعائلة ورتاحو ليهم بزاف ولبنات كتر

خرجو عائلة العرسان و  وصلهم عائلة لعريسات حتا لباب باش تبقا  صلة  خاوية بقات فيها
غير لبنى وعز العرب ومنال وعادل .لي كيهدرو
عز : قول ليا واش فرحانة دابا حيت معايا ياك مستعدة تكملي حياتك معايا
لبنى :(شافت فيه وابتسامة زوينة زادت زينت ثغرها )اه مرتاحة وفرحانة معاك وليوم اسعد نهار في حياتي حيت وفيتي بوعدك ليا
عز :(باس راسها ونطق) كنبغيك ابنت ناس كنموت فيك
لبنى :(بخجل )حتا انا

منال :(كتهدر مع عادل) دابا انا وياك غادي نتزوجو ياك
عادل : اه ان شاء الله

منال : انت ولد ناس وضريف ومؤدب ياك
عادل: (بفخر) الله يجيبنا في صواب
منال : يعني انت ماشي ماسخ بحال هود ماغديش تجاوز حدودك معايا من ورا زواج ياك
عادل' (خنزر فيها )علاش الآلة بسلامة مزوج بيك باش نعلقك  بورتكلي
منال: (شداتها بكية ) حشومة عليك
عادل : تهزي من  حدايا بلاما نفلعص اصلك
منال :متغوتش عليا حنا باقي مدرنا فطاجين ميتحرق
عادل: (خنزر )؛تهزززززي
منال :هاني مشيت انا لي حمارة جلسة نتقاد ليك ونماكي باش نجلس معك(شدات لبكية وناضت طالعة كتشتف شافتها لبنى عرفتها واش مقلقة  وهي تنوض بزربة تبعتها وخلات عز لي كان ناوي يسرق واخا غير شي بوسة بقا غير يدور في عينه ناض لعادل يفش فيه شمتة

عز : واش زم&ل عليك ضمير علاش بكيتها
عادل: (بلاما يشعر ) قالت ليك حكا ماتحو&ينيش من ورا زواج
عز :(طلق واحد ضحكة حيت باينة فيه معصب ) واش ندير انا لي قالت ليا عتبرني بحال ختك ضحى
عادل: (تنهد وبدا يضحك على حالهم ) حمقات اخويا برب حتا  ديناهم هبيلات

ضحكو بجوجهم على هبال لبنات وخرجو  من بعد ما توادعو مع هود وصوفيا والعيلات لي كانو قدام لباب

هود: (ملي شاف دار خوات وكولشي مشا  نطق وهو موجه كلامو ل نزهة والسعدية وفاطمة حيت هو جا يدي صوفيا معه من بعد متوادع مع رجال )مهم الله يكمل بالخير حنا خاصنا نمشيو دابا
سعدية: الله يخلف عليك اولدي ويسر ليك امورك ويسهل عليك على وقفتك معنا كبرتي بينا قدام هدا ناس الله اكبر بيك
هود : امين اخالتي راه لبنى ختي صغيرة وهدا اقل حاجة نديرها معها
فاطمة:الله يرضي عليك ولدي ويفرحك كيف فرحتي لبنات وقفتي معنا
هود:بلا جميل خالتي  احم نخليوكم دبا
(ياله بغا يشد في صوفيا وهي طير لصقات عند نزهة)
هود:(خنزر ) صوفيا  يلاه
صوفيا: غير سير انت انا خاليني نبات مع ماما
هود: زيدي قدامي لدارك

نزهة :(شافتو كيف معصب وهي دفع ليه صوفيا) سيري ابنتي مع راجل اش بغيتك انا
صوفيا:ياك انزهة نكرتيني
هود :(قرب عند ودنها وهمس) مابغيتيش ملي تفيقي تشوفي عينيا مع شميشة  ونبقا نضحك ليك حتا لصباح
صوفيا: (غير سمعاتو اش قال وهي توسع ابتاسمتها)بغيت بغيت ياله نمشيو

شدات فيه جراتو لوطو بلاما تسلم حتا على ااعيلات خالتهم غير يضحكو على هبالها