ماضي الإخوة (جاري تعديل السرد)

ماضي الإخوة

#الفصل الثالث عشر#

وقع جابر من علي الدرج بعد أن تلقي ضربة قوية من فايز أدت إلي وقوعه.

انصدم الثلاثة(فايز ومراد وقاسم) عندما رأوا جابر يقع أمامهم.

🕳🕳🕳🕳🕳🕳🕳🕳🕳🕳🕳🕳🕳🕳🕳🕳

نقل جابر الي المستشفي،وأُخذ كل من فايز مراد وقاسم إلي مكتب المدير.

المدير(بهدوء ولكن واضح عليه الغضب)/إزاي يحصل حاجة زي دي في المدرسة..،بسبب واحد فيكم في طفل دلوقتي في المستشفى ........مين فيكم زق جابر من علي السلم.

لم يرد أحد علي المدير لأن ثلاثتهم كانوا خائفين ومتوترين،لذلك لم يستطع أن ينطق أحدهم بحرف واحد.

المدير/أنا اتصلت بولي أمركم وزمانه جي في الطريق.....بس لازم حد فيكم يتكلم علشان ماتتأذوش أنتوا التلاته.

وفجأة جاء اتصال للمدير فرد عليه قائلا/ألو........هو عامل ايه دلوقتي........كويس.........لالسه محدش فيهم اتكلم........تمام قولي أخباره أول بأول......مع السلامة.

انتهت المكالمة وأقفل المدير الهاتف ثم قال/اهه محدش ناوي يتكلم.

فقال مراد(بتوتر)/جابر عامله ايه دلوقتي.

المدير/دا مش جواب سؤالي يامراد....،بس علي العموم جابر رجله انكسرت بس هو بخير الحمد لله،كويس إنها جات لحد كده.

فايز(بتوتر)/يعني هو فاق.

المدير/لا لسه مافاقش للأسف،بمجرد مايفوق هنسألوا مين اللي عمل فيه كده،بس أحسن لكم اللي عمل كده يعترف.

ظل ثلاثتهم صامتين،غضب المدير ولكنه تمالك أعصابه ثم قال/هسيبكوا ٣ دقايق تفكروا فيهم وتشوفوا هتقولوا مين اللي عمل كده والا هيكون ليا تصرف تاني معاكم،وقتها هتضطر إني عاقبكم أنتوا التلاته....،أظن كلامي واضح.

ثم خرج المدير من المكتب وترك الثلاثة يقرروا ماذا سيفعلوا.

فايز(بقلق)/هنعمل إيه دلوقتي.

مراد(بقلق)/مش عارف،أنا خايف من اللي حصل ومن اللي هيحصل.

فايز(بقلق)/أكيد مش هيحصل حاجة خلينا ساكتين بس وخلاص.

مراد/حتي لو عملنا زي مابتقول وماتكلمناش مش هنستفيد أي حاجة،شافونا واقفين لما جابر وقع علشان كده مفيش غيرنا المتهمين.

فايز/بابا هيجي وهيحل كل حاجة.

مراد/حتي لو عمي جه هيعمل ايه يعني.

فايز/هيتصرف يامراد،هيتصرف ويطلعنا من المصيبة دي.

مراد/مفيش فايدة يافايز من اللي أنت بتقوله ده،لازم نحكي كل حصل،وإلا وقتها هنتعاقب كلنا.

صدم فايز وقال/يعني مفيش حل غير إني اعترف علي نفسي.

مراد/لا أنت مش هتقول حاجة انا اللي هاقول،أنا هاقول إني اللي زقيت جابر من غير قصدي.